سايلاۋعا دايىندىق باستالدى

367
0
بولىسۋ:

شىمكەنتتە Nur Otan پارتيياسىنىڭ كانديداتىنا قولداۋ بىلدىرۋ جۇمىستارى قارقىندى جۇرگىزىلۋدە. پرەزيدەنتتىك سايلاۋعا Nur Otan پارتيياسىنان قاتىسا­تىن كانديداتقا قول جيناۋ ۇشىن 140-تان استام سەنىمدى وكىلدەر 87 ورىندا جۇمىس ىستەپ جاتىر. 

– شىمكەنت قالاسىنداعى بارلىق سالالاردى, كوپتەگەن اۋماقتى, شالعايداعى اۋىلداردى قامتۋ ماقساتىندا جانە قالا تۇرعىندارىنىڭ قولايلىلىعى ۇشىن قول جيناۋ ورىندارىن ۇيىمداستىرىپ وتىرمىز. حالىقتىڭ بەلسەندىلىگى وتە جاقسى. ويتكەنى 2 ساعاتتىڭ ىشىندە قالا بويىنشا 4000-نان استام قول جينالدى. بۇل حالىقتىڭ پارتيياعا دەگەن سەنىمى بولسا كەرەك, – دەيدى Nur Otan پارتيياسى شىمكەنت قالالىق فيليالى توراعاسىنىڭ بىرىنشى ورىنباسارى باحادىر نارىمبەتوۆ.
م.اۋەزوۆ اتىنداعى وڭتۇستىك قا­زاقستان مەملەكەتتىك ۋنيۆەرسيتەتىندە Nur Otan پارتيياسىنىڭ كانديداتىنا قولداۋ بىلدىرۋ جۇمىستارى ستۋدەنتتەرگە قىزمەت كورسەتۋ ورتالىعىندا جۇرگىزىلىپ وتىر. «بىلىم جانە عىلىم» باستاۋىش پارتييا ۇيىمى جانە «جاس وتان» جاستار قاناتى مۇشەلەرىنىڭ ۇيلەسىمدى جۇمىسى ناتي­جەسىندە ۋنيۆەرسيتەتتىڭ وقىتۋشىلارى مەن ستۋدەنتتەرى وقۋ پروتسەسىنە كەدەرگى كەل­تىرمەي, ۇزىلىس كەزىندە قولداۋ بىلدىردى.
– پرەزيدەنتتىك سايلاۋعا تۇسكەن كان­ديداتقا قازاقستان رەسپۋبليكاسىنىڭ كامەلەتكە تولعان ار ازاماتى وز داۋىسىن بەرە الادى. بىز بارلىق پروتسەسس قولدا­نىستاعى زاڭناما اياسىندا وتۋىن قا­داعالاپ وتىرمىز. وز ۇستانىمىن بىل­دىرگىسى كەلە­تىندەر وتە كوپ. ار وڭىردە كان­ديداتتى قول­داۋ ماقساتىندا حا­لىقپەن كەزدەسۋلەر وتىپ, باعدار­لامانىڭ نەگىزگى مىندەتتەرى تۇسىن­دىرىلۋدە. باستىسى حالىقتى دۇرىس تاڭداۋ جاساۋعا ۇندەۋ ماڭىزدى, – دەيدى كان­ديداتتىڭ سەنىمدى وكىلى, ۋنيۆەرسيتەت رەكتورى دارييا قوجامجاروۆا.
ۇگىت-ناسيحات جۇمىستارى كەزىندە جاڭا كوممۋنيكاتسييا قۇرالدارى مەن ساياسي تەحنولوگييالار قولدانىلۋدا. وسى ورايدا شەتەلدىك تاجىريبە دە ەسكەرىلىپ جاتقانىن ايتا كەتكەن جون.

ابىلمانسۇر جاسان

بولىسۋ: