تۇركىستان قۇرىلىسىنا سەرپىن بەردى

1017
0
بولىسۋ:

تۇركىستانداعى قۇرىلىس جۇمىستارى ەندى تاۋلىك بويى جۇرگىزىلەدى. تۇركىستان وبلىسىنا جۇمىس ساپارىمەن كەلگەن ۇكىمەت باسشىسى اسقار مامين وسىنداي مىندەت قويدى. ساپار اياسىندا پرەمەر ەلباسى نۇرسۇلتان نازارباەۆتىڭ تۇركىستان قالاسىن تۇركى الەمىنىڭ مادەني-رۋحاني ورتالىعى رەتىندە دامىتۋ جونىندە بەرگەن تاپسىرمالارىنىڭ ورىندالۋ بارىسىن باقىلادى. 

سونىمەن قاتار ول بيىلعى 23 ناۋرىزدا وڭىرگە جۇمىس ساپارى ايا­سىندا پرەزيدەنت قاسىم-جومارت توقاەۆ بەرگەن تاپسىرما­لاردى ەسكە­رىپ, قالا قۇرىلىسىن ارى قا­راي جۇرگىزۋدىڭ كەشەندى ماسە­لە­لە­ر­ىن قارادى.
ۇكىمەت جەتەكشىسى قالانىڭ اكىم­­شىلىك-ىسكەرلىك ورتالىعىندا وبلىس اكىمدىگىنىڭ, باسقارمالار مەن دەپارتامەنتتەردىڭ عيمارات­تا­رى, مەديا ورتالىق, كونگرەسس-حولل سالىناتىن قۇرىلىس الاڭدا­رىن ارالادى. ستاديون, وقۋشىلار سارايى, حالىققا قىزمەت كورسەتۋ ورتا­لىعى سەكىلدى الەۋمەتتىك ما­ڭىز­­داعى نىساندار قالا قۇرى­لى­سى­نىڭ باسىم باعىتىنا اينالادى. مۋزىكا مەكتەبىن, باسسەينى بار سپورت سارايىن, وبلىستىق عىلىمي-ام­بەباپ كىتاپحانانى سالۋ جوبا­لا­رى دايىندىق ساتىسىندا تۇر. حالىقتىڭ قولايلى ومىر سۇرۋىن قامتاماسىز ەتۋ ماقساتىندا وڭىردى اباتتاندىرۋ نىساندارىن ازىرلەۋ جۇمىستارى جۇرگىزىلۋدە. اتاپ ايت­قان­دا, تۇڭعىش پرەزيدەنت پاركى, اتتراكتسيوندارى بار قالا ساياباعى, مۋزىكالىق فونتان, امفيتەاتر, اربات بوي كوتەرمەك. بارلىق قۇرى­لىس جۇمىستارى كەستەگە ساي جۇر­گىزىلىپ جاتقانى جانە بەلگى­لەن­گەن مەرزىمدە اياقتالاتىنى مالىمدەلدى.
پرەمەر اسقار مامين قالانى وبلىس ورتالىعىنىڭ كىرۋ قاقپا­لا­رى­مەن بايلانىستىراتىن ب.سات­تار­حانوۆ داڭعىلىنىڭ ۋچاسكەسىن تەكسەردى: داڭعىلدى رەكونسترۋك­تسييا­لاۋ جۇمىستارى جۇرگىنشىلەر جۇرەتىن بولىكتى 18 مەترگە دەيىن كەڭەيتۋگە مۇمكىندىك بەرەدى. ۇكىمەت باسشىسى تۇركىستان قالاسىنىڭ ماڭىندا «جاسىل بەلدەۋ» قۇرۋ, يرريگاتسييالىق جۇيەنى دامىتۋ بويىن­شا جۇمىستارعا قانىقتى. «ارىس – تۇركىستان» كانالىن قال­پى­­نا كەلتىرۋ جانە «ماشين­نىي» ارناسىن سالۋ جوسپارى قارالدى. بۇل جوبالاردى ىسكە اسىرۋ سۋارۋعا ارنالعان سۋدىڭ تاپشىلىعى ماسە­لە­سىن تولىق شەشىپ, اۋىل شارۋا­شى­لىعى ونىمدەرىن وندىرۋدىڭ جىل سايىن­عى كولەمىن ارتتىرادى.
بۇدان بولەك, يندۋسترييالىق ايماق اۋماعىن كەڭەيتۋ جانە TURKISTAN اەا-سىن ىسكە قوسۋ جو­بالارى تانىستىرىلدى. ونىڭ ينفراقۇرىلىمىن جولعا قويۋ جەكە ينۆەستيتسييالار اعىنىن ۇلعايتۋعا مۇمكىندىك بەرەدى دەپ بولجانۋدا.
قالانىڭ تاريحي-مادەني بولى­گىن دامىتۋعا ەرەكشە نازار اۋدا­رىل­دى. ا.مامين ق.ياسساۋي مۋزەيى­نىڭ, تۋريستىك ۆيزيت-ورتالىقتىڭ, تاري­حي ساۋلەت قالىبىنداعى شى­عىس مونشاسىنىڭ قۇرىلىسى جۇرىپ جاتقان جەرلەردى ارالادى. وڭىر اكىمدىگى «ازىرەت سۇلتان» مۋزەي-قورىعىنىڭ اۋماعىن اباتتاندىرۋ جانە قالاشىقتىڭ تاريحي نىسان­دا­رىن رەستاۆراتسييالاۋ جۇمىس­تا­رى­نىڭ جوسپارىمەن تانىستىردى.
نىسانداردى قاراۋ قورىتىن­دى­سى بويىنشا پرەمەر ا.مامين تۇركىستاننىڭ 2019–2020 جىلدارعا ارنالعان كەشەندى قۇرىلىس جانە دامۋ جوسپارىن ىسكە اسىرۋ ماسە­لە­لەرى جونىندە جۇمىس كەڭەسىن وت­كىز­دى. جيىندا تۇركىستان وبلىسى­نىڭ اكىمى ومىرزاق شوكەەۆ قۇرىلىس قار­­قىنى, تاريحي-مادەني نىسان­دار­­دى رەكونسترۋكتسييالاۋ, تۇرعىن ۇي ماسەلەلەرىن شەشۋ, ينجەنەرلىك-كوممۋنيكاتسييالىق ينفراقۇرىلىم جەتكىزۋ, جولداردىڭ ساپاسىن ارت­تى­رۋ, تۋريزم, اۋىل شارۋاشى­لى­عى سالالارىن, ارنايى ەكونوميكالىق ايماقتى دامىتۋ جايىندا بايان­دا­دى.
جيىندا ۇكىمەت مۇشەلەرىنىڭ, سونداي-اق اقتوبە, پاۆلودار, با­تىس قازاقستان, سولتۇستىك قازاق­ستان وبلىستارى جانە نۇر-سۇلتان, الماتى قالالارى اكىمدەرىنىڭ تۇر­كىستانداعى نىسانداردى جۇزەگە اسى­رۋعا جاۋاپتى ورىنباسار­لا­رى­نىڭ ەسەپتەرى تىڭدالدى.
«كۇشەيتىلگەن جۇمىس تارتىبىنە كوشە­مىز!» – دەپ نىقتاعان پرەمەر «ەكى اپتا ىشىندە قۇرىلىس جۇمىس­تا­رىن تاۋلىك بويعى رەجيمگە كوشى­رۋ­دى» تاپسىردى.

ايحان شارىپ

بولىسۋ: