ەلىم دەگەننىڭ ەڭسەسى بيىك

492
0
بولىسۋ:

تۋعان جەرىمدى كوركەيتسەم دەيتىن ازاماتتار كەڭ-بايتاق وتانىمىزدىڭ قاي تۇكپىرىنەن دە تابىلارى داۋسىز. ولار دابىراسىز, ىڭ-شىڭسىز عانا ىزگىلىك دانىن سەۋىپ, وزدەرى دە سودان جاندارىنا قاناعات تاۋىپ, تىرشىلىگىن سۇرە بەرەدى.
سونداي اتپال ازاماتتاردىڭ بىرى – قازالى اۋدانىنداعى «سىر مارجانى» جشس-نىڭ ديرەكتورى, وبلىستىق ماسليحات دەپۋتاتى مىناجادين وتەەۆ.

ول 1957 جىلى قازالى اۋدانىنىڭ بەكارىستان بي اۋىلىندا دۇنيەگە كەلگەن. جوعارى بىلىمدى, بۋحگالتەر-ەكونوميست. ەڭبەك جولىن 1979 جىلى اعا ەكونوميست بولىپ باستاعان ول ماماندىعىنان 1999 جىل­عا دەيىن قول ۇزگەن جوق. اۋدان شارۋا­شى­لىقتارىندا باس ەكونوميست, باس بۋحگالتەر قىزمەتتەرىن اتقاردى, سالىق سالاسىندا, قازىناشىلىقتا ەڭبەك ەتتى, ۇلتتىق بانكتىڭ لەنينسك بولىمشەسىندە باس بۋحگالتەر بولىپ جۇمىس ىستەدى. 1999 جىلدان باستاپ كاسىپ­كەرلىككە دەن قويدى.
جيىرما جىلداي شارۋاشىلىقتاردىڭ ەكونوميكا سالاسىنداعى جۇمىس تاجىريبەسى, سالىق, قازىناشىلىق, بانك سالاسىنداعى قىزمەتتەرى كاسىپكەرلىكتىڭ قىر-سىرىن مەڭگەرۋىنە كومەگىن تيگىزدى. قىسقاسى مىناجادين سراجادينۇلى كاسىپكەرلىكپەن اينالىسۋعا دايىن كەلدى. ول – 1999 جىلدان باستاپ «سىر مارجانى» جشس-نىڭ ديرەكتورى.
كيەلى توپىراقتا تۋىپ-وسكەن, بۇگىندە ەل اعاسىنا اينالعان, ەڭبەگى ەلەنىپ, «ەرەن ەڭبەگى ۇشىن» مەدالى مەن «قۇرمەت» وردەنىن يەلەنگەن. قازالى اۋداندىق ماسليحاتىنىڭ ىىى-V شاقىرىلىمدارىنىڭ دەپۋتاتى بولىپ دەپۋتاتتىق قىزمەتتەن تاجىريبە جيناقتاعان ونى جەرلەستەرى وبلىستىق ماسليحاتتىڭ دەپۋتاتتىعىنا ۇسىندى.
ول وبلىستىق ماسليحاتتاعى Nur Otan فراكتسيياسىنىڭ جانە ەكونوميكا, قارجى جانە بيۋدجەت كوميسسيياسىنىڭ مۇشەسى رەتىندە بەلسەندى ەڭبەك ەتىپ كەلەدى.
دەپۋتات رەتىندە حالىققا نەگىزگى باعدار­لامالىق قۇجاتتار تۋرالى اقپارات بەرۋگە نەگىزدەلگەن, حالىق اراسىنداعى اقپاراتتىق تۇسىندىرۋ جۇرگىزۋدە اقپاراتتىق-ناسيحاتتىق توپتار قۇرامىندا كەزدەسۋلەرگە جۇيەلى تۇردە قاتىسادى.
اتاپ ايتقاندا, ن.نازارباەۆتىڭ «تور­تىنشى ونەركاسىپتىك رەۆوليۋتسييا جاع­دايىن­داعى دامۋدىڭ جاڭا مۇمكىندىكتەرى» اتتى جولداۋىن, «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىن, «قازاقستان­­دىقتاردىڭ ال-اۋقاتىنىڭ وسۋى: تابىس پەن تۇرمىس ساپاسىن ارتتىرۋ» اتتى جولداۋىن حالىققا جەتكىزۋدە بەلسەندىلىك تانىتىپ جۇرەدى.
مىناجادين سراجادينۇلى وبلىستىق ماسليحات دەپۋتاتى رەتىندە Nur Otan پار­تيياسى اۋداندىق فيليالىنىڭ قوعامدىق قابىلداۋ بولمەسىندە تيىستى كەستەگە سايكەس, ال قىزمەت ورنىندا ازاماتتاردى وتىنىشتەرى بويىنشا كۇندەلىكتى قابىلداۋدى جۇزەگە اسىرىپ كەلەدى.
اتاپ ايتقاندا, جىل ىشىندە پارتييا فيليالىندا تورت رەت, قىزمەت ورنىندا توعىز رەت قابىلداۋ جاساپ ازاماتتاردىڭ تالاپ-تىلەگىن قاناعاتتاندىرۋعا كۇش سالدى. جەكە قابىلداۋعا كەلگەن نەگىزىنەن از قامتاماسىز ەتىلگەن وتباسىلار مەن مۇگەدەكتەردىڭ وتى­نىشتەرىنە سايكەس 2018 جىلى 1,5 ملن تەڭگە قارجىلىق دەمەۋشىلىك جاسادى.
ول دەپۋتات رەتىندە Nur Otan پارتيياسىنىڭ پارتييالىق جوبالارىنا قاتىسۋدا دا بەلسەندىلىك تانىتىپ جۇر. ناقتىراق ايتار بولساق, «ۇلى دالا قازىناسى», «جاستار وتانعا», «كەدەرگىسىز كەلەشەك», «ارداگەر­لەردى ارداقتايىق», «باقىتتى وتباسى – باقىتتى بالالىق شاق» باعىتتارى اياسىندا باتىر انالارعا, دارىندى مەكتەپ وقۋشى­لارىنا, مۇگەدەكتەرگە ت.ب. قامقورلىقتى قاجەت ەتەتىن ازاماتتارعا 1 ملن تەڭگە كولە­مىندە قارجى قۇيعان.
مىناجادين سراجادينۇلى ەكونوميكا, قارجى جانە بيۋدجەت جونىندەگى تۇراقتى كوميسسيياسىنىڭ مۇشەسى رەتىندە مەملە­كەتتىك, ۇكىمەتتىك جانە وڭىرلىك باعدارلا­مالارىنىڭ ىسكە اسىرىلۋى بارىسىنىڭ تيىمدىلىگىن ارتتىرۋ, بيۋدجەتتىك قاراجاتتىڭ تيىمدى جۇمسالۋى بويىنشا دا اردايىم ساۋاتتى ۇسىنىستار جاساپ وتىرادى.
دەپۋتاتتىڭ ۇسىنىسى بويىنشا, اۋدان كولەمىندە بىرنەشە قۇرىلىس وبەكتىلەرىنە قارجى بولىنىپ, الەۋمەتتىك نىساندار پاي­دالانۋعا بەرىلدى.
اتاپ ايتقاندا, جانقوجا باتىر اۋىلىن­داعى سپورتتىق كەشەنگە, قازالى قالاسى مەن ايتەكە بي كەنتى ارالىعىن قوسۋعا بايلانىستى ينفراقۇرىلىممەن قامتاماسىز ەتۋ جوبالىق قۇجاتتارىنا, ايتەكە بي كەنتىنىڭ 55 كوشەسىن ورتاشا جوندەۋگە, اقتان باتىر اۋىلىن ابات­تاندىرۋعا, اقسۋات اۋىلىنان 90 ورىندىق بالاباقشا سالۋعا قارجى بولدىرۋدە ونىڭ ەڭبەگى بار ەكەنى داۋسىز.
سونىمەن بىرگە, ىرى قارا مال ەتىنىڭ ەكس­پورتتىق الەۋەتىن ارتتىرۋ جوباسى اياسىندا سەرىكتەستىك 3 000 باسقا ارنالعان مال بور­داقىلاۋ كەشەنىن ىسكە قوسىپ, اسىلتۇقىمدى بۇقاشىقتاردى بورداقىلاۋدى جولعا قويۋدا.
ەت كلاستەرىن جاساۋ ماقساتىندا قىزىل­ور­دا قالاسىنان ەت كومبيناتىن سالۋ جۇمىسى قولعا الىنىپ جاتىر. مال تۇقىمىن اسىل­داندىرۋ ماقساتىندا چەحييا رەسپۋبلي­كاسىنان ەت باعىتىنداعى «انگۋس» تەكتى سيىر مالىن اكەلۋ جۇمىستارى ۇيىمداستىرىلىپ كەلەدى.
ال قازالىنىڭ «سىر مارجانى» كۇرىشى رەسەي, وزبەكستان, تاجىكستان, قىرعىستان, تۇركىمەنستان, ۋكراينا ەلدەرىنە ەكس­پورتتالادى.
سونىمەن بىرگە, 2018 جىلى وزبەك ەلىنە 100 باس مۇيىزدى ىرى قارا مالى ەكسپورتتالدى.
مىناجادين سراجادينۇلى وزى ەڭبەك ەتىپ, وسىپ-ونىپ كەلە جاتقان اقتان باتىر اۋى­لىنىڭ عانا ەمەس, تۇگەلدەي قازالى اۋدا­نىنىڭ ينۆەستورى بولىپ سانالادى. اۋدان كولەمىندە وتەتىن تۇرلى ىس-شارالار, قايىرىم­دىلىق شارالارىنا بەلسەنە قاتىسادى. قانداي دا بىر حالىق قاجەتىنە جارايتىن قايىرىمدى ىستەردىڭ باسىنان تابىلادى.
اقتان باتىر اۋىلىنداعى 100 ورىندى مەشىت, شاكەن اۋىلىنداعى 100 ورىندى كلۋب, اۋدان ورتالىعىنداعى «ارداگەرلەر ۇيى» قۇرىلىستارىنىڭ باس دەمەۋشىسى مىناجادين ەكەنى حالىققا بەلگىلى.
مىناجادين سراجادينۇلى – سەنىمگە سىزات تۇسىرمەگەن, سىرىن سىرتقا شاشپاعان, الىپ-قاشپا اڭگىمەدەن بويىن اۋلاق ۇستاي­تىن, كىسىنىڭ سىرتىنان عايبات سوز ايتپايتىن, كۇنشىلدىكتى بويىنا دارىتپاعان, وزگەلەردىڭ تابىسىنا ساتتىلىك تىلەپ, قالتقىسىز, بۇكپەسىز قۋانا بىلەتىن, مانساپقا ەمەس, ەل يگىلىگىنە قىزمەت ەتۋدىڭ ونەگەسىن كورسەتىپ جۇرگەن قوعام قايراتكەرى.

ت.اميتجانۇلى

بولىسۋ: