قاتارعا قوسانوۆ قوسىلدى

451
0
بولىسۋ:

«ۇلت تاعدىرى» قوزعالىسى ساياساتكەر امىرجان قوسانوۆتى 9 ماۋسىمدا وتەتىن پرەزيدەنت سايلاۋىنا كانديدات رەتىندە ۇسىندى. بۇل تۋرالى قوزعالىستىڭ الماتىدا وتكەن جيىنىندا بەلگىلى بولدى. 

«قوعامدىق بىرلەستىك جيىن وتكىزدى. بار­لىعى ويلارىن ورتاعا سالدى. بىر ادام عانا سايلاۋعا قاتىسۋعا قارسى ەكەنىن مالىمدەدى, قالعاندارى كەلىستى. رەسمي تۇردە بىرلەستىكتىڭ قۇرامىندا ەمەسپىن. بىراق توراعا قوعامدىق بىرلەستىك اتىنان مەنى ۇسىناتىنىن ايتتى. مەن ۇشىن بۇل – ۇلكەن مارتەبە. كانديداتۋ­رامدى بارلىعى قولدادى, بىر ادام عانا قالىس قالدى.
پرەزيدەنتتىككە ۇمىتكەر اتانعانىمدى, ەگەر وسك-عا تىركەسە, مەملەكەت باسشىسى لاۋا­زىمى ۇشىن كۇرەسەتىنىمدى مالىمدەيمىن», – دەدى امىرجان قوسانوۆ.
ونىڭ ايتۋىنشا, سايلاۋعا تۇسكەن كەز كەلگەن تۇلعا مەملەكەتتىڭ ماسەلەلەرىن ايقىن بىلۋى تيىس. ەگەر سايلاۋدا جەڭىسكە جەتىپ جاتسا, ەكونوميكالىق ماسەلەلەردى شەشىپ, پار­تييالاردى تىركەۋ جولىن جەڭىلدەتىپ, پارلامەنت سايلاۋىنا بارلىق پارتييانىڭ قاتىسۋىنا مۇمكىندىك جاساماق.
«كونستيتۋتسييالىق كەڭەس قۇرامىن, وسىلاي­شا, بيلىكتىڭ تارماقتالعان كونستيتۋتسيياسىنا قايتا ورالامىز. ونسىز دەموكراتييالى ەل قۇرا المايمىز. العاشقى قادامىم – كونستيتۋتسييا­لىق كەڭەس قۇرۋ بولادى», – دەدى ول.
قاعيداتتارىنان كەرى شەگىنبەيتىنىن ايت­قان ۇمىتكەر ەگەر كونستيتۋتسييالىق رەفورمامەن اينالىساتىن بيلىك بولسا, قولدايتىنىن جەتكىزدى.

تۇمار مىرزا

بولىسۋ:

وقۋعا كەڭەس بەرەمىز