ҚАТАРҒА ҚОСАНОВ ҚОСЫЛДЫ

«Ұлт тағдыры» қозғалысы саясаткер Әміржан Қосановты 9 маусымда өтетін президент сайлауына кандидат ретінде ұсынды. Бұл туралы қозғалыстың Алматыда өткен жиынында белгілі болды. 

«Қоғамдық бірлестік жиын өткізді. Бар­лығы ойларын ортаға салды. Бір адам ғана сайлауға қатысуға қарсы екенін мәлімдеді, қалғандары келісті. Ресми түрде бірлестіктің құрамында емеспін. Бірақ төраға қоғамдық бірлестік атынан мені ұсынатынын айтты. Мен үшін бұл – үлкен мәртебе. Кандидату­рамды барлығы қолдады, бір адам ғана қалыс қалды.
Президенттікке үміткер атанғанымды, егер ОСК-ға тіркесе, мемлекет басшысы лауа­зымы үшін күресетінімді мәлімдеймін», – деді Әміржан Қосанов.
Оның айтуынша, сайлауға түскен кез келген тұлға мемлекеттің мәселелерін айқын білуі тиіс. Егер сайлауда жеңіске жетіп жатса, экономикалық мәселелерді шешіп, пар­тияларды тіркеу жолын жеңілдетіп, парламент сайлауына барлық партияның қатысуына мүмкіндік жасамақ.
«Конституциялық кеңес құрамын, осылай­ша, биліктің тармақталған конституциясына қайта ораламыз. Онсыз демократиялы ел құра алмаймыз. Алғашқы қадамым – конституция­лық кеңес құру болады», – деді ол.
Қағидаттарынан кері шегінбейтінін айт­қан үміткер егер конституциялық реформамен айналысатын билік болса, қолдайтынын жеткізді.

Тұмар МЫРЗА