كوممۋنيستەر احمەتبەكوۆكە سەنىم ارتتى

380
0
بولىسۋ:

قازاقستاننىڭ كوممۋنيستىك حالىق پارتيياسى كەزەكتەن تىس XىV سەزىن وتكىزىپ, 2019 جىلدىڭ 9 ماۋسىمىندا وتەتىن پرەزيدەنت سايلاۋىنا كانديدات رەتىندە جامبىل احمەتبەكوۆتى بەكىتتى. سەزد قاتىسۋشىلارىنا وزىنە سەنىم ارتقانى ۇشىن العىس بىلدىرگەن ج.احمەتبەكوۆ پارتييا ماقسات ەتكەن باعدارلامانى جۇزەگە اسىرۋعا بارىن سالاتىنىن مالىمدەدى.
سەزد قاتىسۋشىلارىنا «قوعام يگىلىگى ۇشىن ادال ەڭبەك» دەپ اتالاتىن سايلاۋالدى باعدارلاماسىن تانىستىردى.

ونىڭ ايتۋىنشا, قازاقستان – باي مەملەكەت. ەگەر ەل بايلىعىن دۇرىس پايدالانا السا, حالىقتىڭ ومىر ساپاسى كۋۆەيت, بىرىككەن اراب امىرلىكتەرى نەمەسە نورۆەگييامەن تەڭەسەدى. كانديدات شولۋ جاساپ وتكەن كوممۋنيستەردىڭ تۇعىر­نامالىق باعدارلاماسى التى تاراۋ­دان تۇرادى. حالىقشىل كوم­مۋ­نيستەر بىرىنشى كەزەكتە باتىستىڭ جالعان قۇندىلىق­تارىنىڭ ىق­پالىنان باس تارتۋدى كوزدەيدى. سەبەبى, ول قوعام ۇشىن قاۋىپتى دەپ سانايدى. ەكىن­شىدەن, كىتاپ وقۋعا شاقىردى.
– ادەبيەت وقۋ ويلاۋدى دامى­تادى, بۇل الى دە وزەكتى, سوندىقتان بىز ينتەرنەت-كونتەنتتىڭ تەرىس اسەرى مەن كىتاپتىڭ پايداسى تۋرالى ۇنەمى ايتا بەرەمىز. ۇشىنشىدەن, كەدەيلىك­پەن كۇرەسكە باسىمدىق بەرەمىز. كەدەيلىكتىڭ باستى سەبەبى, جۇمىس­سىزدىق ەمەس, جالاقىنىڭ تومەندىگى. تورتىنشى – ەۋرازييا ەكونوميكالىق قاۋىمداستىعى مەن «بىر بەلدەۋ – بىر جول» جوباسى اياسىنداعى ينتەگرا­تسييانى جالعاستىرۋ قاجەت دەپ ەسەپ­تەيمىز. ولار – ساياسي ەمەس, ەكونومي­كالىق باعدارلامالار. سوندىقتان ەلىمىزدەگى باي-باعىلاندارعا تابىس سالىعىن ارتتىرامىز, – دەدى ول.
كوممۋنيستىك پارتييا سايلاۋ كام­پانيياسىندا ۇلتتىق بىرىڭعاي تەس­تىلەۋ جۇيەسىنەن باس تارتۋعا شا­قىرماق. سەبەبى, بۇل جۇيە وقۋشى­لار­دىڭ ينتەللەكتۋال دامۋىن تەجەيدى, سوندىقتان كەڭەستىك بىلىم بەرۋ جۇيە­سىنە نازار اۋدارۋ كەرەك دەپ سانايدى. بارلىق دەڭگەيدەگى اكىمدەردى سايلاۋ قاجەت دەگەن ج.احمەتبەكوۆ حالىق اكىمگە ەمەس, اكىم حالىققا تاۋەلدى بولۋى تيىس دەگەن پىكىردە.
ايتا كەتەيىك, 9 ماۋسىمدا وتەتىن پرەزيدەنتتىڭ كەزەكتەن تىس ساي­لاۋىنا كانديداتتاردى ۇسىنۋ 28 ساۋىردە, تىركەۋ 11 مامىردا اياق­تالادى. قازىرگە دەيىن ساياسي پارتييا­لار مەن قوعامدىق بىرلەستىكتەردەن جەتى كانديدات ۇسى­نىلدى. سولاردىڭ اراسىندا پرەزي­دەنتتىك سايلاۋعا قاتىسقان تاجىريبەسى بار – جالعىز جامبىل احمەتبەكوۆ. ول 2011 جىلى وتكەن پرەزيدەنت ساي­لاۋىنا قاتى­سىپ, 1,36 پايىز داۋىس جيناعان بو­لاتىن. 2012 جىلدان بەرى ماجىلىس دەپۋتاتى.
كوممۋنيستىك حالىق پارتيياسى ورتالىق كوميتەتىنىڭ حاتشىسى. وتباسىلى, تورت بالاسى بار.

ايدانا بەگىم

بولىسۋ: