ەرجان قۇتتىباەۆ, تارباعاتاي اۋداندىق ماسليحاتىنىڭ دەپۋتاتى, «تارباعاتاي تابيعاتى» ەكولوگييالىق قوعامدىق بىرلەستىگىنىڭ توراعاسى: ماڭىزدى تاڭداۋ

328
0
بولىسۋ:

– 9 ماۋسىم كۇنى وتەتىن كەزەكتەن تىس پرەزيدەنت سايلاۋىنا ەلىمىزدەگى ساياسي پارتييالار مەن قوعامدىق بىرلەستىكتەر وز كانديداتتارىن ۇسىنۋدا.
23 ساۋىر كۇنى Nur Otan پارتيياسى قوعامدىق بىرلەستىگىنىڭ كەزەكتەن تىس حىح سەزىندە پارتييا اتىنان پرەزيدەنتتىككە كانديدات ۇسىنىلدى.

كانديداتتىققا قازىرگى پرەزيدەنت قاسىم-جومارت توقاەۆتى ەلباسى – تۇڭعىش پرەزيدەنت نۇرسۇلتان نازارباەۆ ۇسىندى. ول كىسى وز سوزىندە «پارتييا توراعاسى رەتىندە پرەزي­دەنتتىككە كانديدات رەتىندە قاسىم-جومارت توقاەۆتى ۇسىنامىن دەي كەلە, ول كىسى ەلىمىز تاۋەلسىزدىك العاننان باستاپ وزىمەن جۇمىس ىستەپ كەلگەنىن, قاسىم-جومارت كەمەلۇلىنىڭ سىرتقى ساياساتتى قالىپ­تاستىرۋداعى رولى وتە زور ەكەنىن ايتتى.
«ەلىمىزدىڭ سىرتقى ىستەر مينيستر­لىگىن باسقاردى, بۇۇ باس حاتشىسىنىڭ ورىنباسارى بولدى. سونىمەن بىرگە, قازاقستان ۇكىمەتىن قيىن كەزدە باسقارىپ, ەلىمىزدى 1998 جىلعى ەكو­نوميكالىق داعدارىستان الىپ شىقتى», – دەدى ەلباسى.
سەزد دەلەگاتتارى قاسىم – جومارت توقاەۆتىڭ كانديداتۋراسىن قولداپ, بىراۋىزدان داۋىس بەردى.
بىز تارباعاتاي اۋداندىق ماسليحات­ دەپۋتاتتارى جانە ازاماتتىق قوعام وكىلدەرى بولىپ تابىلاتىن 14 ۇكىمەتتىك ەمەس ۇيىمدار قاسىم-جومارت توقاەۆتىڭ كانديداتۋراسىن تولىقتاي قولدايمىز. ول كىسىنى بىز مەملەكەت جانە قوعام قايراتكەرى رەتىندە جانە ادال دا تازا ازامات رەتىندە جاقسى بىلەمىز. ەڭبەكقورلىعى, بىلىمدىلىگى, ديپلومات رەتىندەگى ەڭبەگى بىر توبە. سوندىقتان وسىنداي لايىق ازاماتتى قولداۋ, 9 ماۋسىم كۇنى وتەتىن سايلاۋعا بىر كىسىدەي قاتىسۋ – ازاماتتىق پارىزىمىز.
مەن 2005, 2011, 2015 جىلدارى وتكەن پرەزيدەنت سايلاۋلارىندا 2005, 2015 جىلدارى پرەزيدەنتتىككە كان­ديدات ن.نازارباەۆتى قولداۋ جونىندەگى تارباعاتاي اۋداندىق شتابىنىڭ ەكى رەت توراعاسى بولدىم. ال 2011 جىلعى سايلاۋدا ن.نازارباەۆ­تىڭ كاندي­داتۋراسىن قولداۋ جونىندە «ازاماتتىق كواليتسييا» قۇرىپ, ۇگىت جۇرگىزدىم. ۇش سايلاۋدا دا 98% پايىزدان تومەن داۋىس العان جوقپىز.
الداعى سايلاۋعا دا بەلسەندى قاتىسىپ, پرەزيدەنتىمىزدى تاڭداپ الايىق دەمەكپىن.

بولىسۋ: