عالياسقار سارىباەۆ, Nur Otan پارتيياسى الماتى وبلىستىق فيليالى توراعاسىنىڭ بىرىنشى ورىنباسارى: ساياسي ناۋقانعا – ايقىن باعدار

693
0
بولىسۋ:

– ەلباسى Nur Otan پارتيياسىنىڭ كەزەكتەن تىس حىح سەزىندە قازاقستان رەسپۋبليكاسىنىڭ پرەزيدەنتتىگىنە پارتييا اتىنان ۇمىتكەر رەتىندە قاسىم-جومارت توقاەۆتىڭ كانديداتۋراسىن ۇسىندى. سەزگە قاتىسۋشى 623 دەلەگات قاسىم-جومارت كەمەلۇلىنىڭ كانديداتۋراسىن بىراۋىزدان قولدادى.

جۋىردا وتكەن Nur Otan پارتيياسىنىڭ كەزەكتەن تىس حىح سەزى الداعى جاۋاپتى ساياسي ناۋقانعا ايقىن باعىت-باعدار بولدى دەپ ايتۋعا تولىق نەگىز بار. سەزد شەشىمىنە قولداۋ تانىتا وتىرىپ, ەلىمىزدىڭ وركەندەۋى جولىندا بارلىق ستراتەگييالىق باعدارلامالاردىڭ جۇزەگە اسىرىلۋى جولىندا تىنباي ەڭبەك ەتەمىز.
جۋىردا سايلاۋ. جەتىسۋ جۇرتشىلىعى دا الدا وتەتىن پرەزيدەنت سايلاۋىنا ۇيىمشىلدىقپەن قاتىسىپ, ەگەمەن ەلدىڭ وركەندەۋىنە وز ۇلەسىن قوسادى. پارتييا باسشىلىعى العا قويعان مىندەتتەردى اتقارۋ جولىندا نۇروتاندىقتاردىڭ ىسكەرلىگى سىنالاتىن سات تە جاقىن. ۇلت كوشباسشىسى سەنىپ تاپسىرعان ار باستامانى ناقتى ىسپەن دالەلدەپ, ارتىلعان سەنىمدى اقتاۋعا تىرىسامىز.
پارتييا توراعاسى بيلىكتىڭ قالىپتى əرى بەيبىت جولمەن بەرىلۋىن قامتا­ماسىز ەتىپ, بۇكىل əلەمگە كونستيتۋتسييا اياسىندا əرەكەت ەتەتىنىمىزدى كورسەتتى. قازىرگى كەزدەگى ەڭ باستى مىندەتىمىز – وسىعان دەيىن قالىپتاسقان سىرتقى ساياسي باعىتىمىزدان اينىماۋ. وسى ورايدا, جاڭا سايلانعان مەملەكەت باسشىسى ەلباسىمىزدىڭ سارابدال ساياساتىن جوعارى جاۋاپكەرشىلىكپەن جالعاستىرىپ, ەلىمىزدىڭ ۇستانعان دامۋ باعىتىن ودان ارى جەمىستى جالعاستىرادى دەپ سەنەمىز.

بولىسۋ: