Гаухар АЛДАМБЕРГЕНОВА, Қазақ ұлттық қыздар педагогикалық университетінің ректоры, профессор: Елбасы сенімі – ел дамуының кепілі

604
0
Бөлісу:

– Nur Otan партиясының кезектен тыс XIX съезінде Елбасы Нұрсұлтан Назарбаев Қазақстан президент­тігіне кандидат ретінде Қасым-Жомарт Тоқаевты ұсынды. Бұл егемендік жылдарындағы тарихи сәттердің бірі деп қабылдаймын және ұтымды таңдау деп білемін.

Отандастарымыз Қасым-Жомарт Кемелұлын егемендіктің елең-алаң жылдарынан бері Тұңғыш Президент Нұрсұлтан Әбішұлының сенімді серік­тесі, шәкірті ретінде біледі. Сондықтан да мемлекеттің негізін қа­лаған тұлға­ның еліміздің дамуына өзіндік үлесін қосып келе жатқан бі­лікті саясаткерге Қазақ елінің тағдырын сеніп тапсыр­ғаны және үлкен жауап­кершілік жүгін артқаны – ел бола­шағының бағдарын айқындап бергені деп түсінеміз.
Бүгінде іргелі бастамаларға ұйытқы болып отырған Nur Otan партиясының атынан түсетін үміткер өткенімізді ұмытпай, болашақты ұлықтауға өзіндік үлес қосып, ел азаматтарының көңіл үдесінен шығатынына кәміл сенімдіміз.
Елбасы егемендік жылдары Қа­зақстан­ның әлемдік сахнадағы беделі мен орнын айқындап, дамудың қа­зақстандық үлгісін қалыптастырды. Бұл кезеңде халықтың әл-ауқаты ар­тып, тұрмыс деңгейі көтерілді. Жұрт­шылық үшін жағымды, жақсы үрдісті одан әрмен жалғастыру бүгінде үлкен маңызға ие. Бұл тұрғыда Қ.Тоқаев – Қазақстанның Тұңғыш Президентінің салиқалы саясатын одан әрмен жал­ғастыра алатын бірден-бір саясаткер.
Қасым-Жомарт Кемелұлы – әлемдік саясат сахнасында да өзіндік дара орны бар, дипломатияның қыр-сырын терең меңгерген тұлға. Бұл қасиеттер Қазақстанның бүгінгі абыройын асқақтатып, беделін одан ары көтеруге ықпал етпек.

Бөлісу: