بولاشاق ۇشىن جارقىن باستاما

354
0
بولىسۋ:

اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە Nur Otan پارتيياسى سايلاۋ باعدار­لا­ماسىنداعى «بىلىم» باعىتى بويىنشا پارتييالىق كۋراتور كوميسسيياسىنىڭ كوشپەلى وتىرىسى وتتى.

وعان ماجىلىس دەپۋتاتتارى – Nur Otan پار­تيياسى فراكتسيياسىنىڭ مۇشەلەرى ا.بەك­تۇرعانوۆ, ج.نۇرمانبەتوۆا, ن.دۋ­لات­بەكوۆ, ب.حامەنوۆا, بىلىم جانە عىلىم ۆيتسە-مينيسترى ف.جاقىپوۆا, پار­تييا­نىڭ قالالىق فيليالى توراعاسىنىڭ ورىن­باسارى ا.حالبەكوۆ جانە الماتى قا­لاسى مەن الما­تى وبلىسىنىڭ ۇلتتىق جانە جەكە جوعارى وقۋ ورىندارىنىڭ رەك­تورلارى قاتىستى.
جيىن بارىسىندا نازارباەۆ ۋنيۆەر­سيتەتىنىڭ تاجىريبەسىن ەسكەرە وتىرىپ, جوعارى وقۋ ورىندارىنىڭ اكادەمييالىق جانە باسقارۋ دەربەستىگىن كەڭەيتۋ ماسەلەسى سوز بولدى. سونداي-اق جەكە جوو-لارىن حالىقارالىق ستاندارتتارعا سايكەس كوم­مەرتسييالىق ەمەس ۇيىمدارعا اينالدىرۋ ماسەلەلەرى تالقىلاندى.
– بارلىق جوعارى وقۋ ورىندارىنىڭ اكادەمييالىق دەربەستىگى باكالاۆرياتتا – 80, ماگيستراتۋرادا – 85, دوكتورانتۋرادا 90 پايىزعا دەيىن كەڭەيتىلدى. ازاماتتىق جوو-نىڭ 49 پايىزىندا نازارباەۆ ۋنيۆەرسيتەتىنىڭ تاجىريبەسى كورسەتىلەدى. سونداي-اق قازىر مينيسترلىك مەملەكەتتىك جوعارى وقۋ ورىندارىن كوممەرتسييالىق ەمەس بىلىم بەرۋ ۇيىمدارىنا اۋىستىرۋ بويىنشا جۇمىس جۇرگىزۋدە, – دەدى «بىلىم» باعىتى بويىنشا پارتييالىق كۋراتور ابدىماناپ بەكتۇرعانوۆ.
ىسساپار اياسىندا كوميسسييا وتىرىسىنا قاتىسۋشىلار حالىقارالىق بيزنەس ۋنيۆەرسيتەتى مەن ق.ساتباەۆ اتىنداعى قا­زاق ۇلتتىق تەحنيكالىق زەرتتەۋ ۋنيۆەر­سي­تەتىنە بارىپ, وقىتۋشى-پروفەسسورلار قۇرامىمەن جانە ستۋدەنتتەرمەن كەزدەستى. كەزدەسۋ قورىتىندىسىندا كوميسسييا مۇشەلەرى تالقىلانعان ماسەلەلەر بويىنشا تيىستى ۇسىنىمدار ازىرلەپ, ولاردى ۋاكىلەتتى مەملەكەتتىك ورگاندار نازارىنا جولدادى.

اباي قازبەكۇلى

بولىسۋ: