تۇرعىندار ماسەلەسى – باستى نازاردا

347
0
بولىسۋ:

Nur Otan پارتيياسىنىڭ وبلىستىق فيليالى قوعامدىق قابىلداۋ وتكىزدى. تۇرعىنداردىڭ ماسەلەسى تىڭدالىپ, ولاردى شەشۋ جولدارى قاراستىرىلدى.

قابىلداۋعا 20-عا جۋىق تۇرعىن كەلدى. بىرى – نەسيەسىن تولەي الماي جاتقانىن ايتسا, ەندى بىرى – مەم­لەكەتتىك باعدارلاما ارقىلى قالاي ۇي الۋعا بولاتىنىن سۇرادى. جەر تە­لىمدەرىن راسىمدەۋ, اليمەنت وندىرۋ, جۇمىسسىزدىق, ۇوس ارداگەرلەرىنە تەڭەس­تىرىلگەندەرگە قوعامدىق كولىكتە جول جۇرۋگە جەڭىلدىك سەكىلدى سۇراقتار قويىلدى. قابىلداۋعا تۇرلى سالا ما­ماندارى قاتى­سىپ, اتاۋلى الەۋمەتتىك كومەك, مەملە­كەتتىك باعدار­لامالارعا قاتىستى قانداي جەڭىل­دىكتەر بارىن تۇسىندىرىپ بەردى.
«قابىلداۋعا كەلگەن تۇرعىنداردىڭ ماسەلەسى بىزدىڭ نازاردا بولادى.
ولاردى شەشۋ جولدارىن قاراس­تىرامىز. ماسەلەن, بۇگىن قالا تۇرعىنى وزىنىڭ تۇرعىلىقتى باسپاناسى ورتەنۋىنە بايلانىستى ماتەريالدىق كومەك كور­سەتۋدى سۇرايدى. وتىنىش يەسىنىڭ ماسەلە­سىنە ىقپال جاساۋ ۇشىن «تورعاي پەترو­لەۋم» اق باس ديرەكتورىنا جازباشا نەگىزدە وتىنىش جولداپ جاتىرمىز. وسى سەكىلدى بارلىق كوتەرىلگەن ماسەلەنى وڭ­تايلى شەشىلۋ ۇشىن جۇمىس جاسايتىن بولامىز», – دەدى Nur Otan پارتيياسى قىزىلوردا وبلىستىق فيليالى قوعام­دىق قابىلداۋ بولمەسىنىڭ مەڭگەرۋشىسى نۇرلان ابدۋكاريموۆ.

بولىسۋ: