ەڭبەكشىلەر سەزد شەشىمىن قولدادى

567
0
بولىسۋ:

تۇركىستان وبلىسىندا «كوكساراي» سۋ رەتتەگىشىنىڭ ەڭبەك ۇجىمى Nur Otan پارتيياسىنىڭ حىح سەزىندە قابىلدانعان شەشىمدى تولىعىمەن قولدايدى. بۇل تۋرالى بۇگىن ارىس قالاسىنداعى «كوكساراي» سۋ رەتتەگىشىنىڭ جانىندا وتكەن باسقوسۋدا ۇجىم مۇشەلەرى ارنايى مالىمدەدى.

جيىندا اشقان Nur Otan پارتيياسى ارىس قالالىق فيليالى توراعاسىنىڭ بىرىنشى ورىنباسارى ەرلان ماحانوۆ ەلىمىزدەگى كوشباسشى پارتييا بۇگىنگى كۇنگە دەيىن كوپتەگەن يگى ىستەرگە ۇيىتقى بولعاندىعىن ايتىپ وتتى.

ال, قالالىق ارداگەرلەر كەڭەسىنىڭ مۇشەسى بالقىبەك قونىسبەك Nur Otan پارتيياسى ەلدىڭ دامۋىنا ۇلكەن ۇلەس قوسىپ وتىرعاندىعىن ايتتى. جاستارمەن, اقساقالدارمەن, جالپى قوعامنىڭ بارلىق ساناتىنداعى ازاماتتارمەن ەتەنە جۇمىس جاساپ, يگى ىستەردىڭ باسىنان تابىلىپ جۇرەتىندىگىنە توقتالدى.

«كوكساراي» سۋ رەتتەگىشىنىڭ ەڭبەك ۇجىمى اتىنان سوز العان ينجەنەر-گيدروتەحنيگى بايماحان تەلگوزيەۆ اردايىم Nur Otan پارتيياسى جاستاردى قولداۋعا باستى نازار اۋداراتىندىعىن سوز ەتتى. اتاپ ايتقاندا, «جاسىل ەل», «ديپلوممەن – اۋىلعا», «قۇتتى مەكەن», «ارداگەرلەردى ارداقتايىق» جانە باسقا دا بىرقاتار باعدارلامالار مەن پارتييالىق جوبالاردى ىسكە اسىرىپ جاتقاندىعىنا توقتالدى.

جيىنعا قاتىسۋشىلار الداعى ۋاقىتتا دا كوشباسشى پارتييا ەلدىڭ دامۋى جولىندا كوپتەگەن جوبالاردىڭ جۇزەگە اسۋىنا ۇيىتقى بولاتىندىعىنا سەنىم بىلدىردى. سونداي-اق, ۇجىمداستار Nur Otan پارتيياسىنىڭ حىح سەزىندە قابىلدانعان شەشىمدى, ياعني Nur Otan پارتيياسىنىڭ كەزەكتەن تىس حىح سەزىنىڭ پرەزيدەنتتىڭ كەزەكتەن تىس سايلاۋىنا وز ۇمىتكەرىن ۇسىنۋ تۋرالى شەشىمىن تولىق قولدايدى

تەلمان بەيسەنوۆ,
تۇركىستان وبلىسى

بولىسۋ: