ۋران بارلاۋ مەن وندىرۋگە موراتوريي جارييالاۋدى ۇسىندى

674
0
بولىسۋ:

قىرعىزستان پارلامەنتىندەگى «اتامەكەن» مەن «بىر بول» فراكتسييالارىنىڭ جەتەكشىلەرى المامبەت شىقماماتوۆ پەن التىنبەك سۇلەيمەنوۆ ەلدەگى ۋران بارلاۋ مەن وندىرۋگە 2070 جىلعا دەيىن موراتوريي جارييالاۋدى ۇسىندى.
«ۋران – وتە قىمبات پايدالى قازبا. الايدا ونىڭ رادياتسيياسىنىڭ ەكولوگييامىز بەن ادام دەنساۋلىعىنا تيگىزەرى زييانى وراسان. ەگەر بىز 2070 جىلعا دەيىن موراتوريي جارييالاساق, ەشكىم مۇنداي زييان شەكتىرە المايدى. حالىق وعان جول بەرمەيدى. ال 2070 جىلدان كەيىن باسقا زامان ورنايدى, سول كەزدە ۇرپاعىمىز ۋراندى جاڭا تەحنولوگييانى قودانا وتىرىپ وندىرۋدى مەڭگەرەدى», – دەيدى دەپۋتات المامبەت شىقماماتوۆ.
«يۋرازييا ۆ كىرگىزستانە» كومپانيياسى ىستىقكول وبلىسىنداعى تون اۋدانىندا ۋران وندىرمەك نيەتتە ەدى. الايدا الەۋمەتتىك جەلى قولدانۋشىلارى كەن ورنىن يگەرۋگە قارسى پەتيتسييا باستاپ جىبەردى. بىشكەك پەن كەن ورنىنا بارىپ, قارسىلىق بىلدىرىپ تە ۇلگەردى. 22 ساۋىر كۇنى پرەمەر-مينيستر مۇحاممەدقالي ابىلعازيەۆ ۋران كەن ورنىنداعى جۇمىستى ەكولوگييالىق ساراپتاما اياقتالعانشا توقتاتۋ تۋرالى تاپسىرما بەردى.

تۇمار مىرزا

بولىسۋ: