Жаңаша оқыту – қажеттілік

261
0
Бөлісу:

Қоғамның сұранысына қарай білім беру – заман талабы. Елбасы Жолдауында «Болашақта өркениетті дамыған елдердің қатарына ену үшін, заман талабына сай білім қажет. Біздің міндетіміз – білім беруді экономикалық өсудің жаңа моделінің орталық буынына айналдыру. Оқыту бағдарламаларын оқушылардың сыни ойлау қабілетін және өз бетімен іздену дағдыларын дамытуға бағыттау қажет» деген болатын.

Негізгі мақсат – білім берудің маз­мұнын жаңарту. Оқушыларды жаңа технологиямен оқытудың әдіс-тәсілдерін тиімді қолдану. Сон­дықтан мұғалім тәжіри­бесін сабақ берудің жаңа әдістері­мен жетіл­діреді. Жаңа тәсілде оқушы­ның пікірін еркін айтуға басым­дық беріледі. Шығарма­шылық қабілетін шыңдайды. Мұғалім дәстүрлі сабақ беру үлгісін жаңа әдіс-тәсілдермен толықтырады. Сабақта жаттығу, тапсырмаларды түрлендіріп қолдануға мүмкіндік көп. Атап айтар болсақ, топтық, жұптық, рөлдік ойындар оқушы­лардың қызығушылығын артты­ра­ды. Олардың қабілетін ескере оты­рып, әртүрлі деңгейдегі тап­сы­рмалар береді.
Сын тұрғысынан ойлауды дамыту бағдарламасы Ж.Пиаже, Л.Выготский теорияларына сүйе­неді. Оқытуда бала­ның тұлғалық дамуына баса мән беріледі. Білім берудің жаңа технологияларын шығарып, оқу үрдісіне енгізуімен ерек­ше­ленеді.
Оның ішінде бастауыш сынып оқушы­лары танымдық қызығу­шы­лығын дамытуға ерекше көңіл бөлген жөн. Себебі, дағдысы қалып­тасып келе жатқан балалар­дың қабілетін ұштау – өте жауап­ты іс. Баланың талантын ұштауға септігін тигізеді. Оқушының шығар­ма­шы­лық қабілеті ойы мен практ­икалық іс-әрекет­те­рі арқы­лы қалыптасады. Мұғалім оқу­лық­тағы дайын білімді түсін­діруші, бағалаушы ғана емес. Танымдық іс- әрекетті тиімді ұйым­дастыра білгені жөн. Сонда ғана бала шығармашылық дамуға ден қояды. Мәселен, сауат ашу кезіндегі сабақтар оқушының ды­быс пен әріпті меңгерумен қа­тар сөздік қорын молай­та­ды. Сөй­леу­ге үйрету, түрлі тапсыр­малар беру, оқушының ой-өрісін арттырады. Әрбір сұрақ оқушы­ның ойын дамытуға лайық етіп берілуі тиіс. Оқыту барысында жаңа әдістерді пайдалану оқушы­лардың ой-өрісін дамытады. Есте сақтау қа­бі­летін дамытады. Оқушыны ой­лау, іздену, зерттеуге баулиды. Өз пікірін айтуға мүмкін­дік бері­ле­ді.
Бүгінгі таңда білім беру маз­мұ­нын жа­ңартудың ерекшелігі көп. Атап айтар болсақ, пән бо­йын­ша жаңаша оқыту. Педаго­ги­калық тәсілдердің тиімдісін қол­дану. Мұғалімдерді жаңа­шыл­дыққа ұмтылдыру. Нәтижесінде, мұғалімдер жаңартылған білім беру бағдарламасының құрылы­мын, материалдардың күрделілі­гін, өсу ретін, мазмұн-мақсатын біледі. Жаңа бағдарламаға сәйкес, сабақ беру тәсілдерін, оқу мате­риал­дарын қолдана­ды. Крите­риал­­ды бағалау жүйесін түсіне­ді. Педагогке қажетті білік пен дағ­ды­лар қалыптасады.

Тұрсын ЖАНЫСБАЕВА,
Балдыберек жалпы орта мектебінің бастауыш сынып мұғалімі,
Төле би ауданы,
Түркістан облысы

Бөлісу: