قازاق ادەبيەتىنىڭ قاتارى تولىقتى

1065
0
بولىسۋ:

بىلتىر «التىن قالام» ادەبي بايقاۋىندا ۇزدىك دەپ تانىلعان شىعارمالار كىتاپ بولىپ باسىلىپ, وقىرمان قاۋىمعا جول تارتتى. الماتىدا بايقاۋ ۇيىمداستىرۋشىلارى جۇلدەگەرلەردىڭ شىعارمالارى توپتاستىرىلعان بىرنەشە كىتاپتىڭ تۇساۋىن كەستى.

2018 جىلدىڭ قورىتىندىسى بويىن­شا «جىلدىڭ ۇزدىك رو­ما­نى» اتالىمى بويىنشا ەسەنقۇل ما­مانوۆ اتىنداعى باس جۇلدەنى ايدىن كالىمحاننىڭ «قاشقىن» رومانى يەلەنسە, ەسبولات ايدا­بو­سىننىڭ «يت تىرلىك» اڭگىمەسى «جىل­دىڭ ۇزدىك پروزاسى» اتالىمىن­دا توپ جارعان. سونداي-اق جۇل­دەگەر اتانعان اۆتورلاردىڭ شى­عارمالارى توپتاستىرىلعان «قا­زىرگى قازاق ساتيراسى» اتتى جاڭا كىتاپ تا جارىق كوردى. بۇل كى­تاپقا بەلگىلى ساتيريكتەر ابدى­عا­نىم كوشەروۆ پەن ەرماحان شاي­حىۇلىنىڭ شىعارمالارى ەن­گەن.
– بۇل بايقاۋ جاس جازۋشى­لار­دىڭ وزدەرىن تانىتىپ, شىعارما­لا­رى­نىڭ جارىققا شىعۋىنا مۇم­­كىندىك بەرەدى. بايقاۋ باس­تاۋىن العان 10 جىل ىشىندە قان­شا­ما تالانتتىڭ, جاڭا ەسىمدەردىڭ تا­نىلۋىنا جول اشتىق. «التىن قا­لامنىڭ» باستى ماقساتى – شىعارماشىلىق تۇلعالاردى ىن­تا­لاندىرۋ. ولاردىڭ جازۋعا دەگەن ىقى­لاسىن وياتۋ, – دەيدى ۇيىم­داس­تىرۋشى دوسىم ساتپاەۆ.
ۇيىمداستىرۋشىلار القا­سى­نىڭ مۇشەسى نۇرجان جالاۋ­قىزى­نىڭ ايتۋىنشا, بايقاۋ قازاق ادەبيەتىنە تىڭ سەرپىن بەرگەن, رۋ­حانييات كەڭىستىگىنە بەرىك قازىق قاق­قان جوبا.
– «التىن قالام» ەلىمىزدەگى شىعارماشىلىققا دەگەن جاڭاشا كوز­قاراستى قالىپتاستىرۋعا ىق­پال ەتتى. بىزدىڭ رۋحاني جاڭعىرۋى­مىز­عا, ادەبيەتىمىزدىڭ كەمەلدەنە تۇ­سۋىنە وسى قوعامدىق ۇيىم ۇلكەن ۇلەس قوسىپ جاتىر. بۇگىن 2017, 2018 جىلداعى جەڭىمپازداردىڭ شى­عارمالارىن ۋادە ەتكەنىمىزدەي, كى­تاپ ەتىپ شىعارىپ وتىرمىز, – دە­دى نۇرجان جالاۋقىزى.
«جىلدىڭ ۇزدىك پروزاسى» اتا­لىمىندا بايگەدەن بىرىنشى كەلگەن تا­لانتتى جازۋشى ەسبو­لات ايدا­بوسىن سوز سويلەۋ بارى­سىندا وزى جايلى ەمەس, «قاشقىن» رومانى­مەن ۇزدىك شىق­قان ايدىن كالىم­حان تۋرا­لى باسا ايتتى.
شارا اياسىندا «الاشوردا», «ومىردىڭ وزى» كىتاپتارىنىڭ دا تۇ­ساۋى كەسىلىپ, بىرقاتار اۆتور­لارعا ادەبي «وسكار» سىيلىعى تابىس ەتىلدى.

اباي ايماعامبەت

بولىسۋ: