فۋتبول جاڭالىقتارى

659
0
بولىسۋ:

• تۋريندىك «يۋۆەنتۋستىڭ» باسشىلىعى ماۋسىم سوڭىنا باس باپكەر ماسسيميليانو اللەگريدى وتستاۆكاعا جىبەرگىسى كەلەدى. بۇل تۋرالى كلۋب فاناتتارىنىڭ باستى پورتالى Juvefc.com حابارلادى. اقپارات قۇرالىنىڭ حابارلاۋىنشا, 5 جىل ىشىندە بىردە بىر مارتە چەمپيوندار ليگاسىن جەڭىپ الا الماعان مامانعا دەگەن كلۋب باسشىلىعىنىڭ سەنىمى جوعالعان. ەسكە سالساق, بيىل تۋريندىك كلۋب الەمنىڭ ۇزدىك فۋتبولشىسى كريشتيانۋ رونالدۋدى ساتىپ العانىنا قاراماستان, ەۋروپانىڭ ەڭ ۇزدىك تۋرنيرىنىڭ جارتىلاي فينالىنا شىعا المادى.

 

• وسى ماۋسىمدا ا سەريياسىن سەگىزىنشى رەت قاتارىنان جەڭىپ العان «يۋۆەنتۋس» مادريدتىك «رەالدىڭ» قاقپاشىسى كەيلور ناۆاستى ساتىپ الۋعا نيەتتى. بۇل تۋرالى Don Balon جازدى. كلۋب باسشىلىعى نەگىزگى قاقپاشى ۆويتسەح ششەسنىيدىڭ قازىرگى فورماسىنا ريزا ەمەس. قازىر «رەالدا» دا قاقپاشى ماسەلەسى ماز ەمەس. ناۆاس بىرىنشى نومى­رىنەن ايىرىلعان. ونىڭ ورنىن باسقان تيبو كۋرتۋا جانكۇيەرلەردىڭ دە, باپكەرلىك شتابتىڭ دا سەنىمىن اقتاي المادى. تۋريندىك كلۋب مادريدتەگى وسى بىر شيەلەنىسكەن جاعدايدى پايدالانىپ, كوستا-ريكالىق قاقپاشىنى وز قاتارىنا قوسقىسى كەلەدى.

• ۋلە-گۋننار سۋلشەر «مانچەستەر يۋنايتەد» كلۋبى باس باپكەرىنىڭ مىندەتىن اتقارۋشى بولىپ تۇرعان ساتىندە جارقىن جەڭىستەرگە جەتىپ, كلۋب باسشىلىعىنىڭ كوڭىلىنەن شىققان. الايدا رەسمي تۇردە باس باپكەر بولىپ تاعايىندالعالى بەرى جەڭىستىڭ اۋىلىنان مۇلدەم الىستاپ كەتتى.
كەشە عانا «قىزىلدار» اعىلشىن پرەمەر-ليگاسى اياسىندا باستى قارسىلاستارى «مانچەستەر سيتيدەن» 0:2 ەسەبىمەن جەڭىلدى. ونىڭ الدىندا كلۋب چەمپيوندار ليگاسىندا ساتسىزدىككە ۇشىراعان بولاتىن. وسىلايشا, «قىزىل سويقاندار» سوڭعى 40 جىلدا بىر چەمپيوناتتا 50 گول جىبەرىپ العان. بۇرىن-سوڭدى بۇل كلۋب 1978/19 جىلعى ماۋسىمدا وز قاقپالارىنا 63 گول جىبەرگەن ەكەن.

• پاريجدىك پسج كلۋبى مادريدتىك «رەالدىڭ» قورعاۋشىسى رافاەل ۆاراندى ساتىپ العىسى كەلەدى. بۇل تۋرالى Paris United حابارلاپ وتىر. فرانتسييا چەمپيوندارى ويىنشىنىڭ جالاقى جانە «رەالعا» تيىستى وتەماقى تولەۋ تۋرالى ۇسىنىسىن ورىنداۋعا دايىن.

 

 

• The Daily Mail باسىلىمىنىڭ حابارلاۋىنشا, «چەلسي» شابۋىل­شىسى ەدەن ازار ماۋسىم اياقتالعان سوڭ «رەالعا» اۋىسقان جاعدايدا وعان جىلىنا 20 ميلليون فۋنت ستەرلينگ جالاقى تولەۋى مۇمكىن. سونداي-اق قو­سىمشا بونۋستار دا قاراستىرىلعان. ازاردى ساتقانى ۇشىن لون­دوندىق كلۋب 100 ميلليون فۋنت ستەرلينگ كولەمىندە اقشا الادى ەكەن.

 

 

اباي ايماعامبەت

بولىسۋ: