اىۆا بىزدى نەگە ايىپتادى?

159
0
بولىسۋ:

ەكى كۇن بۇرىن حالىقارالىق بوكس فەدەراتسيياسى (AIBA) ۇيىم قاتارىنان قازاقستان بوكس فەدەراتسيياسىن شىعارىپ تاستاۋى مۇمكىن دەگەن اقپارات تاراعان. وندا ازييا بوكس كونفەدەراتسيياسىنىڭ بۇرىنعى باسشىسى سەرىك قوناقباەۆتىڭ ارحيۆتىك جانە قارجىلىق قۇجاتتاردى كونفەدەراتسييانىڭ جاڭا باسشىسىنا بەرۋدەگى قابىلەتسىزدىگى تۋرالى شاعىمدى قاراستىرعان.

كوميسسييا سونداي-اق AIBA اتقارۋ كوميتەتىنىڭ, قازاقستان بوكس فەدەراتسيياسىنىڭ اتقارۋشى ديرەكتورى بەكجان بەكتەنوۆتىڭ وليمپيادالىق ىرىكتەۋ تۋرنيرلەرىن باسقارۋعا قاتىستى جاڭا ۇيىم قۇرۋ تۋرالى ۇلتتىق فەدەراتسييالاردى ماجبۇرلەگەنىن دە قاراستىرۋدا دەلىنگەن ەدى. وسىعان وراي بەكجان بەكتەنوۆ پىكىر بىلدىرگەن.
– ماعان قاتىستى ماسەلەنىڭ مەنىڭ قاتىسۋىمسىز وتىپ جاتقانى تاڭعالدىرادى. قازىر قانداي دا بىر تۇسىنىكتەمە بەرۋ مۇمكىندىگىنەن ايىرىلىپ وتىرمىن. اىۆا تاراپىنان بۇعان قاتىستى حابارلاما نەمەسە ەسكەرتۋ العان ەمەسپىن. سونداي-اق مەن «اىۆا مۇشەسى» ەمەسىن. سوندىقتان زاڭدى تۇرعىدان مەنى شەتتەتۋ مۇمكىن ەمەس. وزگە ۇلتتىق فەدەراتسييالارداعى ارىپتەستەرىممەن كەزدەسىپ, كەڭەس وتكىزگەنىم راس. بۇل – بوكس فەدەراتسيياسىنىڭ ديرەكتورى رەتىندەگى مەنىڭ جۇمىسىمنىڭ بىر بولىگى. اتالعان جيىندار, حات الماسۋلار, سونداي-اق تۇرلى سۇراقتارعا قاتىستى پىكىرتالاس جۇرگىزۋ ۇنەمى جۇزەگە اسىپ تۇرادى جانە بۇل ۇيىم قاۋلىسىنا قارسى كەلمەيدى.
ەگەر اىۆا اربىر كەزدەسۋ مەن تەلەفون قوڭىراۋلارىن باقىلاۋعا مۇددەلى بولسا, مۇنىڭ دەموكراتييا قاعيدالارىنا قارسى ەكەنىن ەسكەرتكىم كەلەدى. مۇنداي جاعدايدا ۇلتتىق فەدەراتسييالاردىڭ قاجەتى جوق, بارلىق پروتسەستى بىر عانا شتاب-پاتەردىڭ باسقارۋىنا بولادى. ال بوكستاعى جالپى جاعدايدى وزدەرىڭىز بىلەسىزدەر. بىزدىڭ وليمپيادا باعدارلاماسىنان سىرت قالۋ قاۋپىمىز جوعارى. حوك پەن اىۆا اراسىنداعى قارىم-قاتىناسقا الاڭداۋلىمىز. الەمدەگى بارلىق بوكسشىلار سەكىلدى, بىز بوكستىڭ وليمپيادا باعدارلاماسىندا قالۋىنا بار جاعدايدى جاسايمىز. قازىر بيلىك ۇشىن قانداي دا بىر ويىن ويناۋدىڭ قاجەتى جوق. بارلىق كۇش-قۋاتىمىز بوكستى توكيوداعى وليمپيادا ويىندارىندا ساقتاپ قالۋعا باعىتتالۋ كەرەك, – دەدى بەكتەنوۆ.

اباي ايماعامبەت

بولىسۋ: