بۇگىنگى ۇزدىك مامان – ەرتەڭگى مىقتى مامان

201
0
بولىسۋ:

ەلىمىزدە مۇناي-گاز كومپانييالارى جىل سايىن ماماندارىنىڭ بىلىمى مەن تاجىريبەسىن جان-جاقتى سارالاپ, باعالاۋعا مۇمكىندىك بەرەتىن «ۇزدىك مامان» اتتى كونكۋرس وتكىزەدى. بۇل كونكۋرستىڭ نەگىزگى ماقساتى – وتاندىق مامانداردىڭ وزگە ەلدەردىڭ ماماندارىمەن باسەكەلەس بولىپ, تاجىريبەلى كاسىبيلىگىمەن مۇناي-گاز سالاسىنىڭ دامۋىنا ۇلەس قوسۋىنا جاعداي جاساۋ جانە جاستاردى وسى سالاعا مامانداندىرۋ.

وسى ۇردىستى ۇستانعان «قاز­ترانسويل» اق «ۇزدىك مامان» كون­كۋرسىن اتىراۋ قالاسىندا وتكىزدى. بيىلعى بايقاۋ ەكى تۋردى قوسقاندا قاتىسۋشىلاردىڭ رەكوردتىق سا­نىن جينادى جانە ولاردىڭ دەنى – جاس ماماندار. كونكۋرستىڭ العاش­قى تۋرىنىڭ قورتىندىسىمەن 2-تۋرعا 75 مامان وتتى.
كونكۋرستىڭ العاشقى كۇنى «ۇزدىك مامان» بايقاۋىنىڭ ەكىنشى تۋرىنا قاتىسۋشىلارعا جەڭىس تىلەگەن سالتاناتتى جيىندا قاتىسۋشىلاردى «قازترانسويل» اق باس ديرەكتورى (باسقارما تورا­عاسى) ديماش دوسانوۆ قۇتتىقتاپ, ساتتىلىك تىلەدى.
«ۇزدىك مامان» بايقاۋى – بىلىم مەن بىلىكتىلىكتى سىنايتىن, تاجى­ريبە بولىسەتىن جانە شە­بەرلىكتى شىڭدايتىن سايىس الاڭى. سىزدەر وز ىستەرىڭىزبەن كونكۋرستىڭ ەكىنشى تۋرىنا قاتىسۋعا لايىق ەكەندە­رىڭىزدى دالەلدەدىڭىزدەر. سىزدەردىڭ ارالارىڭىزدا وسى كونكۋرستىڭ بولاشاق جەڭىم­پازدارى, حالىقا­رالىق كون­كۋرس­تىڭ قاتىسۋشىلارى تۇر. حا­لىقارالىق دارەجەدەگى كون­كۋرس وسى اتىراۋ جەرىندە تامىز ايىندا وتكىزىلەدى. سىزدەردىڭ جو­عارى دەڭ­گەيدە شەبەرلىك ۇلگىسىن كورسە­تە­تىندەرىڭىزگە سەنىم بىل­دى­رەمىن», – دەدى ديماش عابيتۇلى قاتىسۋ­شى­لارعا ارناعان تىلەگىندە.
«كازترانسويل» اق باس ديرەك­تورى, باسقارما توراعاسىنىڭ ورىنباسارى, «ۇزدىك مامان» كون­كۋرسىنىڭ قازىلار القاسىنىڭ توراعاسى سابيت ارىنوۆ «بيىلعى كونكۋرس قاتىسۋشى سانىنىڭ كوپتىگىنەن رەكوردتىق دەڭگەيگە جەتتى. قاتىسىپ وتىرعان 308 ما­ماننىڭ 40 پايىزى – جاس ما­مان­دار. بۇل ولاردىڭ اعا بۋىننىڭ ىزباسارلارى بولىپ, وسى سالانى تەرەڭ مەڭگەرۋگە تالپىنىپ, ما­مان­دىعىنىڭ كاسىبي بىلىكتى ما­مانى بولۋدى ماقساتتى تۇردە العا قويعاندارىن دالەلدەپ وتىر.
بۇل – قۋانارلىق جاعداي» دەپ كونكۋرسقا قاتىسۋشىلارعا ساتتىلىك تىلەدى. سونداي-اق سالتاناتتى شارادا وسى سالادا قىرىق جىل ەڭبەك ەتكەن ارداگەر كۇلاش ۋا­ليەۆا دا جاستاردىڭ ىنتاسىنا, ما­ماندىققا دەگەن سۇيسپەنشىلىگىنە ادال بولۋعا, ارقاشان كاسىبي دەڭ­گەيدە وسە بەرۋلەرىنە تىلەكتەستىگىن بىلدىردى.
سالتاناتتى شارا اياسىندا كومپانييا باسشىسى ديماش دوسانوۆ مۇنايقۇبىرشىلاردىڭ بولاشاق بۋىنىنا ارناعان جول­داۋىن «دوستىق» فۋتۋرولوگييالىق كاپسۋلاسىنا سالىپ, قاتىسۋشى ماتن كومپانييالارىنا اتتان­دىردى. كاپسۋلانىڭ قوزعالىس باعىتى سەرىكتەس كومپانييالاردى بايلانىستىراتىن مۇناي قۇبىرى جەلىسىمەن سايكەس جۇرەدى. قازاق­ستاننان – رەسەيگە, ارى قاراي ۋكرايناعا, بەلورۋسسيياعا, سلو­ۆا­كيياعا, ۆەنگريياعا جانە چەحيياعا جەتكىزىلەدى. ال قازاقستاننان قىتايعا كاپسۋلانى اتتاندىرۋ بولەك باعىت بويىنشا جۇرەدى. كاپسۋلا جولىندا جوعارىدا اتال­عان ەلدەردەگى مۇناي تاسىمالدايتىن كومپانييالاردىڭ بىرىنشى باس­شىلارىنىڭ «بولاشاقتاعى مۇناي تاسىمالى تەحنولوگيياسى» تاقى­رىبىنداعى 8 جولداۋىن جينايدى.


«قازترانسويل» اق «ۇزدىك مامان» بايقاۋى ەكىنشى تۋرىنىڭ جەڭىمپازدارى:

«ۇزدىك مۇناي ايداۋ ستانساسىنىڭ وپەراتورى»:
• انتون ارتيۋشەنكو – پاۆلودار مۇناي قۇبىرى باسقارماسىنىڭ ماس وپەراتورى;
«ۇزدىك حيمييالىق ساراپتاۋ لابورانتى»:
• ايمان سيسەكەنوۆا – قۇلسارى مۇناي قۇبىرى باسقارماسى «پرورۆا» ماس حيمييالىق تالداۋ زەرتحاناشىسى;
«ۇزدىك تاۋار وپەراتورى»:
• وسەر دارىباي – اتىراۋ مۇناي قۇبىرى باسقارماسى ت.قاسىموۆ اتىنداعى ماس تاۋار وپەراتورى;
«ۇزدىك ەلەكترگازدانەكەرلەۋشى»:
• راشيد باقتىعاليەۆ – اتىراۋ مۇناي قۇبىرى باسقارماسى وقكب ەلەكترگازدانەكەرلەۋشىسى;
«ۇزدىك باقىلاۋ-ولشەۋ قۇرالدارى جانە جانە اۆتوماتيكا سلەسارى»:
• ايدار امانعاليەۆ – اتىراۋ مۇناي قۇبىرى باسقارماسى باج ۋچاسكەسىنىڭ بوا جانە اۆتوماتيكا سلەسارى;
«ۇزدىك ەلەكترومونتەر»:
• انتون پولزياكوۆ – اتىراۋ مۇناي قۇبىرى باسقارماسى وقكب ەلەكترتەحنيكالىق جابدىقتى جوندەۋ جانە باپتاۋ ۋچاسكەسىنىڭ ەلەكترمونتەرى;
«ۇزدىك تەحنولوگييالىق قۇرىلعىلاردى جوندەۋ سلەسارى»:
• نۇرمۇحانبەتالي لۇقپانوۆ – ماڭعىستاۋ مۇناي قۇبىرى باسقارماسى وقكب تەحنولوگييالىق جابدىقتى جوندەۋ جانە باپتاۋ ۋچاسكەسىنىڭ تەح­نولوگييالىق جابدىقتى جوندەۋ جانە قىزمەت كورسەتۋ جونىندەگى سلەسارى;
«ۇزدىك جەلىلىك مۇنايقۇبىرشى»:
• رۇستەمبەك جىلكەلديەۆ – قۇلسارى مۇناي قۇبىرى باسقارماسى اقكپ جەلىلىك قۇبىرشىسى.


«قازترانسويل»اق باس دي­رەكتورىنىىڭ ورىنباسارى ورال ىدىرىسوۆ: «دوستىق» كاپسۋلاسىنا مۇناي تاسىمالداۋشى كومپانييا­لاردىڭ باسشىلارى وزدەرىنىڭ تاسىمالداۋ سالاسىندا, تسيفرلان­دىرۋ, تەحنولوگييا سالاسى بويىنشا ماقساتتارى مەن الدا كۇتىلەتىن ۇمىت­تەرىن, كۇتىلەتىن وزگەرىستەرىن جازىپ سالادى. تامىز ايىندا كاپسۋلا اتىراۋعا ورالىپ, حا­لىقارالىق «ۇزدىك مامان» كونكۋرسىنىڭ اشىلۋ سالتاناتىندا «دوستىق» ستەللاسىنا قويىلادى. بىرىنشى باسشىلاردىڭ جولداۋى 2023 جىلى ماتن-نىڭ 10 جىل­دىعى شاراسىندا اشىلىپ, وقى­لادى. مىنە, سول كەزدە كاپسۋلاعا سالىنعان جولداۋداعى ماقسات­تار, تالاپتار, مىندەتتەر مەن ۇمىتتەر قانشالىقتى ورىندالعانى مالىم بولادى» دەپ كونكۋرسقا قاتىسۋ­شىلارعا جەڭىس تىلەدى.
كونكۋرسقا قاتىسۋشى ما­ماندار اتىراۋ مۇناي قۇبىرى باس­قارماسىنىڭ وندىرىستىك نى­ساندارى ت.قاسىموۆ جانە ن.شما­نوۆ اتىنداعى مۇناي ايداۋ ستان­سالارىندا سىناقتان وتتى. ولار «ۇزدىك جەلىلىك مۇناي قۇبىرشى», «ۇزدىك ەلەكترگاز دانەكەرلەۋشىسى», «ۇزدىك تاۋار وپەراتورى», «ۇزدىك حيمييالىق ساراپتاۋ لابورانتى», «ۇزدىك تەحنولوگييالىق قۇرىل­عى­لاردى جوندەۋ سلەسارى», «ۇزدىك باقىلاۋ-ولشەۋ قۇرالدارى جانە جانە اۆتوماتيكا سلەسارى», «ۇزدىك ەلەكتر جابدىقتارىن جوندەۋ جانە قىزمەت كورسەتۋ ەلەكترومونتەرى» جانە «ۇزدىك مۇناي ايداۋ ستانسا­سىنىڭ وپەراتورى» سىندى 8 اتالىم بويىنشا باق سىنادى.
كونكۋرسقا باعىن سىناپ, تاجىريبەسىن شىنداۋعا كەلگەن شىمكەنت مۇناي قۇبىرى باس­قارماسىنىڭ تاۋار وپەراتورى ­باع­جان نارپاەۆا – وزىنە سە­نىم­دىلىك جەڭىسكە جەتەلەيتىنىنە ۇمىتتى ما­مان.
– «قازترانسويل» كومپانييا­سى – ەلىمىزدە عانا ەمەس, تمد ەل­دەرىندەگى ەڭ بەدەلدى, ماقساتى اي­قىن, قادامى نىق كومپانييا. مەن قىزمەت ەتەتىن شىمكەنت مۇناي قۇبىرى باسقارماسى جىلىنا ور­تاشا ەسەپپەن 5 ملن تونناعا جۋىق مۇنايدى ايداۋمەن اينالىسادى. زامان تالابىنا ساي, جاڭا ارى وزىق تەحنولوگييالارمەن قامتىلعان مۇناي قۇبىر باسقارماسى تولىقتاي اۆتوماتتاندىرىلعان. «قازترانس ويل» ۇلتتىق كومپانيياسىندا جۇمىس ىستەۋ – مەن ۇشىن مارتەبە. ال وسى كومپانييانىڭ ەڭ ۇزدىكتەرىمەن سىنعا تۇسۋ جەتىس­تىك­تە­رىمنىڭ باستاماسى دەپ بىلەمىن, – دەگەن باعجان نارپاەۆا «ۇزدىك مامان» كونكۋرسى, اسىرەسە, جاستار ۇشىن مول تاجىريبە جيناۋعا مۇم­كىندىك بەرۋىمەن تالپىندىراتىنىن ايتتى.
«ۇزدىك مامان» كونكۋرسىندا جەڭىمپاز بولعاندار تامىز ايىندا وتەتىن حالىقارالىق كونكۋرستىڭ سىنىنان وتۋگە دايىندالادى. سوندىقتان ولار ۇشىن ەندىگى اربىر تاۋلىك مامان رەتىندە شىڭدالا بەرۋدى تالاپ ەتەدى. سەبەبى, ولارعا مۇناي تاسىمالى سالاسىندا الاتىن ورنى ەرەكشە ەلىمىزدىڭ ابىرويىن اسپانداتۋ, مارتەبەسىن بيىكتەتۋ جاۋاپكەرشىلىگى تۇر.
حالىقارالىق كونكۋرس الەمدەگى ەڭ ىرى مۇناي تاسىمالداۋشىلار, حالىقارالىق مۇناي تاسى­مالداۋ­شىلار اسسوتسياتسياسىنىڭ (ماتن) قۇرامىنداعى رەسەيلىك «ترانس­نەفت», بەلورۋستىق «گومەل­­ترانس­نەفت-درۋجبا», ۋكراينالىق «ۋكرترانسنافتا», سلوۆاكييالىق «ترانس­پەترول», ۆەنگرلىك MOL جانە قىتايلىق CNPC كومپا­نييا­لارىنىڭ ماماندارى اراسىندا اتىراۋداعى «قازترانسويل» اق-نىڭ وندىرىستىك نىساندارىندا وتكىزىلمەك. ايتارلىعى كاسىبىنىڭ ۇزدىك تاجىريبەلى ماماندارى باسەكەلەستىككە تۇسەتىن حالىقا­را­لىق دەڭگەيدەگى كونكۋرس قازاق­ستان­دا تۇڭعىش رەت وتكىزىلگەلى وتىر.

تۇرسىن جۇمابەكقىزى,

اتىراۋ وبلىسى

بولىسۋ: