Елбасы ұсынысын қолдайды

328
0
Бөлісу:

Бизнесті дамытуға ерекше үлес қосып отырған кәсіпкер қыз-келіншектер елдегі саяси өзгерістерге өз үлесін қосуға әзір. Президенттің кезектен тыс сайлауын өткізуге белсенді атсалысады.

Nur Otan партиясының ХІХ съе­зінде Елбасы президент­тік­ке кандидат ретінде Қасым-Жо­март Тоқаевты ұсынған бола­тын. Қазақстан іскер әйелдер қа­уым­дастығы Қасым-Жомарт Тоқаев­тың кандида­турасын қол­дайды.
Қауымдастық Тұңғыш Пре­зи­дент – Елбасының сарабдал саясатын, қоғамдағы тұрақты­лық­ты сақтау бастамасын қол­дай­ды. Халықтың әл-ауқатын арт­тыру бағытында жасаған ең­бегін жоғары бағалайды.
Қауымдастық өкілдері Қа­зақ­стан билігінің ауысуы – ел­дегі тату­лық пен бірліктің бекем кө­рі­нісі екенін атап өтті. Мем­лекет басшысы Қасым-Жомарт Тоқаев­тың Президент сайлауын уақыт оздырмай, 9 маусымға бел­гілеуін әйелдер қауымы құп­тайды.
Бүгінгі күнде қауымдастық­тың 5000-нан астам мүшесі бар. Соңғы екі жыл көлемінде әйел­дерді қолдап мыңнан астам іс-шара өткізген. Жас кәсіпкерлер­ге, сондай-ақ 25 мыңнан астам адамға қолдау көрсетті.
Мемлекет тарапынан орта және шағын бизнесті дамытуға баса назар аударылуды. «Бизнес­тің жол картасы – 2020» бағдар­ла­масы аясында жүзеге асып жат­қан жұмыстардың 44 пайы­зын әйелдер атқарып отыр. «Жұ­мыс­пен қамту – 2020» жол картасы бойынша жұмыссыз әйел­дер қоғамның сұранысына сай маман­дықтарға қайта даяр­ланды. Жұмыссыз әйелдер таң­дау­лары бойынша өзі қалаған жұмысқа орналасты. Соның арқасында Қазақстан соңғы он жылда Doing Business бүкіләлем­дік банкі рейтингінде 36-орынға жоғары­лады. Елбасы Нұрсұлтан Назарбаевтың әлеуметтік сала­ны тұрақты дамытуға бағыттал­ған бағдарламалары жоғары нә­тижесін көрсетіп келеді. Әйел кә­сіпкерлер ел тағдыры үшін өте маңызды сайлауға белсенді түрде қатысады.

Бөлісу: