ۇجىمدا باقىتتىسىز با?

169
0
بولىسۋ:

ۇجىم ورتاسىندا وزىڭىزدى باقىتتى سەزىنەسىز بە? تاڭەرتەڭ جۇمىس ورنىڭىزعا جەتۋگە اسىعاسىز با? كاسىبي بىلىگىڭىزدى شىڭداۋعا قانشالىقتى مان بەرەسىز? بۇل ساۋالدى بوسقا قويىپ وتىرعانىمىز جوق. ۇجىمداعى اتموسفەرا ادامنىڭ كوڭىل كۇيىمەن قاتار, وندىرىس ورنىنىڭ ەڭبەك ونىمدىلىگىنە دە اسەر ەتەدى. سول سەكىلدى اربىر ادامنىڭ كوڭىل كۇيى ۇجىمداعى اۋرانى قالىپتاستىرادى. جۇمىستا باقىتتى ۇيىمداستىرۋ – ەڭبەك ونىمدىلىگىن كوتەرۋ مەن تابىستىڭ باستى كىلتى.

«سامۇرىق-قازىنا» ۇلتتىق ال-اۋقات قورىنىڭ جىلدا داس­تۇر­لى تۇردە وتەتىن HR-كونفەرەنتسييا­سىنىڭ بيىلعى تا­قىرىبى – «با­قىت ۇيىمداستىرۋ». كەشەلى بەرى حالىقارالىق جانە وتاندىق HR-ساراپشىلار قىزمەتكەرلەردى باس­قارۋ ىسىندەگى سوڭعى ترەندتەردى تالقىلاپ, وتاندىق جۇمىس بەرۋ­شىلەرگە ۇسىنىس جاساپ جاتىر.
«سامۇرىق-قازىنا» ۇلتتىق ال-اۋقات قورىنىڭ باسقارما تورا­عاسى احمەتجان ەسىموۆ جىل سايىن وتەتىن HR-كونفە­رەن­تسييا­دان كەيىن ساراپ­شىلار ۇسىنعان يدەيالاردى ەسكەرۋسىز قال­دىرماي, جۇزەگە اسىرۋدىڭ ناتي­جەسىندە, كومپانييا جە­مىستى جۇمىس ىستەپ, تابىسقا كەنەلىپ جاتقانىن ايتادى.
«وتكەن جىلعى كونفەرەنتسييا­دان سوڭ باسشىلىق قىزمەتكە ۇمىتكەر­لەردى ىرىك­تەۋدى ايقىن ەتۋدى قولعا ال­دىق. بۇل رەتتە قوردىڭ كورپو­را­تيۆتىك ۋنيۆەرسيتەتىنە پورتفەلدى كومپانييالار جە­تەكشىلەرى ۇشىن كوشباسشىلىق باعدارلاماسىن جاساپ, ەنگىزۋدى تاپسىردىم. ناتي­جە­­سىن­دە, وتكەن جىلدىڭ قورىتىن­دى­سى بو­يىن­شا, قورعا جۇكتەلگەن مىندەتتەردىڭ بارلىعىن جۇزەگە اسى­رۋعا قول جەتكىزىلدى. باقىتتى قىز­مەت­كەر­لەردىڭ ەڭبەك ونىم­دىلىگى – باسقا كادرلارعا قاراعاندا 12 پا­يىزعا, تيىمدىلىگى – 31 پايىزعا, شىعارماشىلىق شەشىم تابۋداعى بەل­سەن­­دى­لىگى 3 ەسە جوعارى بولاتىنى, از سىرقات­تا­نا­­تىنى دالەلدەنگەن. بۇگىندەرى كومپانييامىزدا 320 مىڭ ادام ەڭبەك ەتەدى. ەلى­­مىزدەگى جە­تەكشى سالالاردىڭ دامۋى وسى ادامدارعا تىكەلەي بايلانىستى. سون­دىق­تان وسى كادرلاردىڭ باقىتتى بولۋى ۇشىن بارلىق جاع­داي­دى قاراستىرا­مىز. سەبەبى, قوردىڭ ەڭ نەگىزگى كاپيتالى – كادرى», – دەدى قوردىڭ باس­قار­ما توراعاسى.
ونىڭ ايتۋىنشا, قور 2024 جىل­­عا قا­راي ورتالىق ازييادا №1 جۇ­مىس بەرۋ­شى, ال 2028 جىل­عا قا­راي كەڭەس­تىك كەڭىس­تىكتەگى ۇزدىك جۇمىس بەرۋشى وتىز ەل­دىڭ قاتارىنا كىرۋدى كوزدەپ وتىر.
تۇڭعىش عارىشكەر, ۇشقىش-سىناق­شى توقتار اۋباكىروۆ ۇجىمداعى باقىتتى ۇيىم­داس­تى­رۋدىڭ, جالپى باقىتتى بولۋدىڭ قۇپيياسىمەن بولىستى.
«باقىتتى ۇيىمداستىرۋ ۇشىن الدى­ڭىزعا ماقسات قويىڭىز. ماق­ساتتى ورىن­داۋ ۇشىن كوپ وقۋ كەرەك. وقۋ-توقۋسىز ۇلكەن باقىت­قا جەتۋ مۇمكىن ەمەس. كارى دە, جاس تا باقىتتى بولعىسى كەلەدى. بىراق سول باقىتتى ۇيىمداستىرۋ وڭاي ەمەس. باقىت – اقىلىڭ مەن بىلىمىڭدى, قاجىر-قايراتىڭدى كاسىبي مامان بولۋعا جۇم­ساۋ, ول ۇشىن اينالاڭىز­داعى جاقسى ادامدار­دىڭ قاسيەتىن بويعا سىڭىرىڭىز, كوپتەن ۇيرەن, كورشىڭنەن ۇيرەن, ايتەۋىر وقۋ-توقۋ­دى توقتاتپاڭىز. سەبەبى, بۇگىنگى الەم – جوعارى تەح­نولوگييالار زامانى. وز ومىرىمنەن مىسال كەلتى­رەيىن. مەن جۇ­مىس ىستەپ جۇرگە­نىم­دە, جەك­سەن­بىدە دۇي­سەنبىنى اسىعا كۇتەتىن­مىن. سەبەبى, دۇي­سەنبىدە سۇيىكتى ۇشاعى­ما وتىرىپ, جۇ­مى­سىمدى اتقار­عىم كەلەتىن. سىناقشى ۇش­قىشتىڭ جۇمىسى وتە اۋىر بو­لادى. مەنىڭ ارىپ­تەس جولداستارىمنىڭ كوبى اسپان­­نان ورالمادى. مەنىڭ با­قىتىم – ار ۇشقان سايىن ورالىپ وتىردىم. بۇعان مەنىڭ ومىر بويى وقۋ-توقۋمەن جۇرگەنىم ىقپال ەتتى دەپ ويلاي­مىن. ۇشۋدى توقتاتسام دا وقۋدى ۇزبەدىم, كانديداتتىق, دوكتور­لىق جۇمىستا­رىم­دى جا­زىپ, قورعا­دىم. سەبەبى, مەن وسى جاسىمدا دا باقىتتى بولعىم كە­لەدى. ناعىز با­قىت­­تى قالاساڭىزدار, وقىڭىز­دار, با­قىتتى بولۋ – وز قولىڭىز­دا», – دەدى عارىشكەر.
ال نوۆوسيبيرسك مەملەكەتتىك ۋني­ۆەرسيتەتىنىڭ اقپاراتتىق تەح­نو­­لوگييالار فاكۋلتەتىنىڭ دەكانى ميحايل لاۆرەن­تەۆ ۇجىمداعى با­قىتتى ۇيىمداس­تى­رۋدىڭ «لاۆ­رەن­تەۆ ۇشبۇرىشىمەن» تانىس­تىردى.
«ۇجىمدا سەنىڭ بىر نارسە جا­ساۋعا دەگەن وزىندىك سۇرانىسىڭ, سونى جاساۋ مۇم­كىندىگىڭنىڭ بولۋى جانە جاساعان دۇ­نيەڭە جۇمىسىڭدا سۇرا­نىس­تىڭ بولۋى, ياعني سەنىڭ سۇرانىس­تا­عى كادر بولۋىڭ – وسى ۇش كومپو­نەن­تتى بىرىكتىرسە, ادام با­قىتتى بو­لا­دى. بۇل ناتيجە بەرەدى», – دەيدى. ال سىز ۇجىمىڭىزدا باقىت­تىسىز با?

ايدانا بەگىم

بولىسۋ: