«اۋىل» پارتيياسى اگرارلىق سالانى دامىتپاق

751
0
بولىسۋ:

«اۋىل» حالىقتىق-دەموكراتييالىق پات­ريوتتىق پارتيياسىنىڭ XV كەزەكتەن تىس سەزى وتتى. پارتييانىڭ وبلىستىق فيليال­دارىنىڭ وكىلدەرى, جاستار قاناتىنىڭ مۇشەلەرى, پارتييالىق بەلسەندىلەر قاتىسقان سەزدە بيىلعى قازاقستان پرەزيدەن­تىنىڭ كەزەكتەن تىس سايلاۋىنا پارتييا اتىنان كانديتاتۋرا ۇسىنۋ ماسەلەسى قارالدى. 

پارتييا توراعاسى الي بەكتاەۆ بۇرىنعى اۋىل شارۋاشىلىعى ۆي­تسە-مينيسترى تولەۋتاي راxىم­بە­كوۆ­­تىڭ سايلاۋعا تۇسەتىنىن مالىمدەدى.
پرەزيدەنتتىك سايلاۋعا قاتىسۋ تۋرالى شەشىم, پارتييانىڭ جارعى­سىن­دا, باعدارلامادا, ساياسي پلات­فورمادا قويىلعان ماقساتتار مەن ستراتەگييالىق باعىتتارىن جۇزەگە اسىرۋ ماقساتىندا قابىل­داندى.
«مەملەكەت باسشىسى قاسىم-جومارت توقاەۆ سايلاۋدىڭ اشىق, ادىل وتەتىنىن ايتتى. سايلاۋدا پار­تييا­مىزدىڭ تىس قالماعانى ماڭىز­دى. وسىعان دەيىن بىرنەشە كاندي­دات­تى قاراستىرىپ, بۇگىن وسى كاندي­داتقا توقتادىق. پار­تييا­نىڭ ساياسي كەڭەسى تولەۋتاي راxىمبەكوۆ­تىڭ كانديداتۋراسىن ۇسىنىپ وتىر. ول – اۋىل شارۋا­شى­لىعىن دامىتۋعا ارنالعان باعدارلامانىڭ اۆتورلارىنىڭ بىرى. كىسى قىزى­عار­لىق ەڭبەك جولى بار» دەگەن الي بەكتاەۆ ۇمىتكەردىڭ قوعامعا جاقسى تانىس, ەلگە دەگەن ادالدىعىمەن تانىلعان ازامات ەكەنىن اتاپ وتتى.
54 جاستاعى راقىمبەكوۆتىڭ ماماندىعى – ينجەنەر-مەحانيك جانە زاڭگەر, ەكونوميكا عىلىم­دارىنىڭ كانديداتى. كاسىپ­كەر­لىكپەن اينالىسقان. ساتپاەۆ قالا­سى, قاراعاندى وبلىسى اكى­مىنىڭ ورىنباسارى, اۋىل شارۋا­شىلىعى مينيسترىنىڭ ورىنبا­سارى بولىپ ىستەگەن.
تولەۋتاي راقىمبەكوۆ پرەزي­دەنت بولسا, كوپبالالى انالار ما­­سە­­لەسىن, اۋىل شارۋاشىلىعى پرو­ب­­لەمالارىن شەشۋگە كۇش سالاتىنىن ايتتى.
«اۋىل» حالىقتىق-دەمو­كرا­تييا­لىق پاتريوتتىق پارتيياسى – حا­لىق­­تىڭ, اسىرەسە, اۋىلدىق ەل­دى­­­مە­كەن تۇرعىندارىنىڭ ماسە­لە­لەرىن شەشۋدى ماقسات ەتكەن شى­نايى حا­لىق­تىق پارتييا. سوندىق­تان پار­تييا­مىز قوعامدى ودان ارى دەمو­كرا­تييا­لاندىرۋعا, ەكونومي­كانىڭ بارلىق سەك­تور­لا­رىنا نارىقتىق قانتىناستاردىڭ بەرىك نىسان­دا­رىن جۇزەگە اسىرۋ­عا, ازاماتتاردىڭ ومىر سۇرۋ دەڭ­گەيىن ارتتىرۋعا, الەۋ­مەتتىك ادىلەتتىلىك­تى قامتا­ما­سىز ەتۋگە ۇلەس قوسادى. مۇنداي ما­ڭىزدى ىس­تەرىمىزدىڭ قاتارىنا ەلدەگى تۇراقتىلىقتى ساقتاۋ, ەكونو­ميكالىق جانە ساياسي رەفور­ما­لاردى جۇزەگە اسىرۋ دا جاتادى. وز كەزەگىمدە وسى ۇدەدەن شىعۋعا كۇش سالامىن», – دەدى ول.

لايلا رۋسلان

بولىسۋ: