«Ауыл» партиясы аграрлық саланы дамытпақ

«Ауыл» халықтық-демократиялық пат­риоттық партиясының XV кезектен тыс сьезі өтті. Партияның облыстық филиал­дарының өкілдері, жастар қанатының мүшелері, партиялық белсенділер қатысқан съезде биылғы Қазақстан Президен­тінің кезектен тыс сайлауына партия атынан кандитатура ұсыну мәселесі қаралды. 

Партия төрағасы Әли Бектаев бұрынғы Ауыл шаруашылығы ви­це-министрі Төлеутай Раxым­бе­ков­­тің сайлауға түсетінін мәлімдеді.
Президенттік сайлауға қатысу туралы шешім, партияның жарғы­сын­да, бағдарламада, саяси плат­формада қойылған мақсаттар мен стратегиялық бағыттарын жүзеге асыру мақсатында қабыл­данды.
«Мемлекет басшысы Қасым-Жомарт Тоқаев сайлаудың ашық, әділ өтетінін айтты. Сайлауда пар­тия­мыздың тыс қалмағаны маңыз­ды. Осыған дейін бірнеше канди­дат­ты қарастырып, бүгін осы канди­датқа тоқтадық. Пар­тия­ның саяси кеңесі Төлеутай Раxымбеков­тің кандидатурасын ұсынып отыр. Ол – ауыл шаруа­шы­лығын дамытуға арналған бағдарламаның авторларының бірі. Кісі қызы­ғар­лық еңбек жолы бар» деген Әли Бектаев үміткердің қоғамға жақсы таныс, елге деген адалдығымен танылған азамат екенін атап өтті.
54 жастағы Рақымбековтің мамандығы – инженер-механик және заңгер, экономика ғылым­дарының кандидаты. Кәсіп­кер­лікпен айналысқан. Сәтпаев қала­сы, Қарағанды облысы әкі­мінің орынбасары, ауыл шаруа­шылығы министрінің орынба­сары болып істеген.
Төлеутай Рақымбеков прези­дент болса, көпбалалы аналар мә­­се­­лесін, ауыл шаруашылығы про­б­­лемаларын шешуге күш салатынын айтты.
«Ауыл» халықтық-демо­кра­тия­лық патриоттық партиясы – ха­лық­­тың, әсіресе, ауылдық ел­ді­­­ме­кен тұрғындарының мәсе­ле­лерін шешуді мақсат еткен шы­найы ха­лық­тық партия. Сондық­тан пар­тия­мыз қоғамды одан ары демо­кра­тия­ландыруға, экономи­каның барлық сек­тор­ла­рына нарықтық қантынастардың берік нысан­да­рын жүзеге асыру­ға, азаматтардың өмір сүру дең­гейін арттыруға, әлеу­меттік әділеттілік­ті қамта­ма­сыз етуге үлес қосады. Мұндай ма­ңызды іс­теріміздің қатарына елдегі тұрақтылықты сақтау, эконо­микалық және саяси рефор­ма­ларды жүзеге асыру да жатады. Өз кезегімде осы үдеден шығуға күш саламын», – деді ол.

Ләйла РУСЛАН