«اق جول» ۇمىتكەرىن ۇسىندى

451
0
بولىسۋ:

ەلوردادا «اق جول» دەموكراتييالىق پارتيياسىنىڭ كەزەكتەن تىس XV قۇرىلتايى وتتى. وندا بىرنەشە دەلەگاتتىڭ 9 ماۋ­سىمعا بەلگىلەنگەن كەزەكتەن تىس پرەزيدەنتتىك سايلاۋعا قاتىسۋ تۋرالى شەشىمى قابىلدانىپ, كانديداتۋرا ۇسىنىلدى. سونداي-اق پارتييا اتىنان سايلاۋعا تۇسەتىن كانديداتتىڭ سايلاۋالدى باعدارلاماسىنىڭ جوباسى بەكىتىلدى.

اۋىزشا پىكىرتالاس پەن كوپشى­لىكتىڭ تالقىلاۋىنان كەيىن شەشۋشى داۋىسقا يە 190 دەلە­گاتتار قاتىسقان قۇپييا داۋىس بەرۋ جۇرگىزىلدى. ۇمىتكەردى انىق­تاۋ بويىنشا تالقىلاۋ مەن داۋىس بەرۋگە ۇش ساعاتتان استام ۋاقىت كەتتى.
قۇرىلتاي بارىسىندا پرەزي­دەنتتىك سايلاۋعا كانديدات­تىققا ۇسىنىلعان 6 ۇمىتكەر تىركەلدى. ولار وسكەمەن قالالىق ماسلي­حاتىنىڭ دەپۋتاتى قۋات راحىم­بەر­دين, تاراز قالالىق ماسلي­حاتىنىڭ دەپۋتاتى اسان قوش­مام­بەتوۆ, اتىراۋ وبلىستىق في­ليالىنىڭ وكىلى سەرىك ەرۋ­باەۆ, سقو فيليالىنىڭ تورا­عاسى ەۆگەنيي كينتسەل, ماجى­لىس دەپۋتاتى دانييا ەسپاەۆا جانە قازاقستان قۇرىلىسشىلار ودا­عىنىڭ توراعاسى تالعات ەرعاليەۆ.
داۋىس بەرۋ ناتيجەسىندە دانييا ەسپاەۆا (49,5 پايىز) مەن قازاقستان قۇرىلىسشىلارى وداعىنىڭ باسشىسى, بەسىنشى شاقىرىلىمداعى ماجىلىس دەپۋ­تاتى تالعات ەرعاليەۆ (31,6 پا­يىز) كوش باستادى. الايدا 50 پا­يىز داۋىس جيناعان ەشكىم بول­مادى. سوندىقتان پرەزيديۋم اقىلداسىپ, ۇمىتكەردى ەكىنشى تۋردى وتكىزبەي-اق تاڭداۋ تۋرالى شەشىم قابىلدادى.
وسىدان كەيىن زالدا وتىرعان دەلەگاتتار تاڭداۋىن جاسادى. دانييا ەسپاەۆانى 173 ادام قول­داپ داۋىس بەردى, ال 15-ى قالىس قالدى. كوپشىلىكتىڭ داۋىسىمەن قازاقستان تاريحىندا العاش رەت پرەزيدەنت سايلاۋىنا ايەل ادام قاتىساتىن بولدى. دەپۋتات وز كەزەگىندە ەل تىزگىنىن قولىنا ۇس­تاي قالسا, ۇلتتىق قورداعى اقشا­نى وڭدى-سولدى شاشۋدى توقتا­تىپ, كوپبالالى وتباسىلار­دىڭ ماسەلەسىن شەشۋگە ۋادە بەردى.

ابىلمانسۇر جاسان

بولىسۋ: