جاڭا سەرپىن بەرەدى

705
0
بولىسۋ:

باقىتجان جۇماعۇلوۆ,
سەنات دەپۋتاتى:

– ەرەكشە سەزد بولدى. تۇڭعىش پرەزيدەنتى­مىزدىڭ, ەلباسىنىڭ ايتقان سوزى جۇرەگىمىزدى ەلجىرەتتى, كوڭىلىمىزدى بوساتتى. پارتييا توراعاسى پرەزيدەنتتىككە كانديتات رەتىندە قاسىم-جومارت توقاەۆتى ۇسىندى. بۇل – جان-جاقتى ويلاستىرىلعان, حالقىمىز ۇشىن وتە دۇرىس شەشىم.
پرەزيدەنتتىڭ كەزەكتەن تىس سايلاۋى – الەۋمەتتىك جانە ەكونومي­كالىق تۇراقتىلىقتىڭ كەپىلى. ەرتەڭگە ەلەڭدەمەي, ەل ەكونوميكاسىنىڭ دامۋىنا ەڭبەك ەتۋ ۇشىن كەزەكتەن تىس سايلاۋ قاجەت. قازاقستان بيلىگىنىڭ اۋىسۋى بارىسىندا جۇرگىزىلىپ جاتقان جۇمىستارعا قاراپ ەلدىڭ تاتۋلىق پەن بەرەكەدەن ايىرىلماعانىن, بىرلىگى بەكەم مەملەكەت ەكەنىمىزدى انىق اڭعارۋعا بولادى. ال ەلباسى ۇسىنعان كانديدات – ەلدەگى ساياسي باعىتتىڭ ساباقتاستىعى. قاسىم-جومارت كەمەلۇلى قازاقستان تاۋەلسىزدىك العان كۇننەن باستاپ ەلباسىنىڭ قاسىندا جۇرىپ, كوپتەگەن لاۋازىمدى قىزمەتتەردى ابىرويمەن اتقاردى. سونىمەن بىرگە, ەلىمىزدىڭ ىشكى جانە سىرتقى ساياساتىن وتە جاقسى بىلەدى, سوندىقتان وزىنىڭ الداعى جۇمىسىندا ەلباسىمىز ن.نازارباەۆتىڭ ساياسي باعىتىن ودان ارى تيىمدى جالعاستىرىپ, ەلىمىزدىڭ دامۋىنا جاڭا سەرپىن بەرەدى دەپ سەنەمىز.
نۇرعالي جولداسقاليەۆ,
«جاس وتان» جاستار قاناتى
باتىس قازاقستان وبلىستىق فيليالىنىڭ توراعاسى:

لايىقتى تاڭداۋ, وڭ شەشىم

– سەزد جوعارى دەڭگەيدە وتتى. ەلباسى Nur Otan پارتيياسىنان پرەزيدەنتكە ۇمىتكەر رەتىندە قاسىم-جومارت توقاەۆتىڭ كانديداتۋراسىن ۇسىندى. پارتييا توراعاسى وسى ورايدا كانديداتتى قولداۋعا قاتىستى بىرقاتار تاپسىرما بەردى. Nur Otan سەزى قاسىم-جومارت توقاەۆتىڭ كانديداتۋراسىن بىراۋىزدان بەكىتتى. لايىقتى تاڭداۋ, وڭ شەشىم.
ەلىمىزدىڭ ازاماتى رەتىندە ەلباسىنىڭ باستاماسىن جالعاستىرۋىمىز كەرەك. پارتييا تاپسىرماسىن جۇزەگە اسىرۋ – باستى مىندەتىمىز.
قاسىم-جومارت كەمەلۇلىنىڭ ەلباسىمەن شيرەك عاسىر ۇزەڭگىلەس بولا جۇرىپ, ەلدىڭ ىشكى, سىرتقى ساياساتىنا سىڭىرگەن سۇبەلى ەڭبەگى مەن ديپلوماتييالىق ارەناداعى سالماعىن الەم قاۋىمداستىعى جاقسى بىلەدى. ول – قاي لاۋازىمدا بولسا دا, جاۋاپكەرشىلىك پەن كاسىبي شەبەرلىكتىڭ ۇلگىسىن تانىتىپ كەلە جاتقان ىسكەر ازامات.

ەركىن جيەنالين,
اقتوبە وبلىسى ويىل اۋداندىق فيليالى توراعاسىنىڭ بىرىنشى ورىنباسارى:

جاۋاپتى كەزەڭگە قادام باستىق

– جاۋاپتى كەزەڭگە قادام جاساعالى تۇرمىز. الدا پرەزيدەنتتىك سايلاۋ. Nur Otan پارتيياسىنان پرەزيدەنت سايلاۋىنا قاسىم-جومارت توقاەۆ تۇسەتىنى بەلگىلى بولدى. بۇل شەشىم تۋرالى سەزدە پارتييا توراعاسى نۇرسۇلتان نازارباەۆ مالىمدەدى.
ەلباسىنىڭ ەل دامۋىنداعى فۋندامەنتالدى قۇندىلىقتارىن ساقتاپ قالۋ جانە ونى ارى قاراي دامىتۋ – پارتييامىزدىڭ نەگىزگى ميسسيياسى. بۇل تاۋ ەتەر كيەمىزگە اينالعان تاۋەلسىزدىگىمىز, بەكەم بىرلىگىمىز, شەگەندەلگەن شەكارامىز, تۇتاستىعىمىز, الىس-جاقىن شەت ەلدەرمەن ىمىرالى ىنتىماقتاستىعىمىز, سونداي-اق قازىرگى زايىرلى مەملەكەتتەگى قالىپتاسقان زيياتكەرلىك قوعام. وسى قۇندىلىقتاردى دامىتۋعا, ىلگەرىلەتۋگە پارتييادا بارلىق مۇمكىندىك بار.
الداعى وتكەن سەزدە كەلەشەكتەگى ونجىلدىقتى ايقىندايتىن, باعامدايتىن, ون ماقساتتان تۇراتىن باعدارلامامىزدى بەكىتتىك. باستىسى ماقساتىمىز ايقىن. ەل سايلاۋعا بەلسەندى تۇردە قاتىسادى دەپ ويلايمىن. حالىققا بىرىنشى كەزەكتە تاتۋلىق, ىنتىماق, بىرلىك كەرەك. تورت قۇبىلامىز تۇگەل بولسا عانا, ىنتىماعى جاراسقان ەل بولامىز.

بولىسۋ: