سايلاۋعا بەلسەندى قاتىسامىز

1019
0
بولىسۋ:

ي.ابدىكارىموۆ اتىنداعى قىزىلوردا اگرارلىق تەحنيكالىق جوعارى كوللەدجىندە Nur Otan پارتيياسىنىڭ كەزەكتەن تىس حىح سەزىنىڭ شەشىمىنە قولداۋ بىلدىرۋ ماقساتىندا جيىن وتتى. كوللەدج وقىتۋشىلارى مەن ستۋدەنتتەرى باس قوسقان جيىندا پرەزيدەنتتىڭ كەزەكتەن تىس سايلاۋىنىڭ وتۋ ماڭىزى تۋرالى ايتىلدى.

كوللەدج ديرەكتورى يبادۋللا قۇتتىقوجاەۆتىڭ ايتۋىنشا, ەلىمىز تۇڭعىش پرەزيدەنت, ەلباسى نۇرسۇلتان نازارباەۆتىڭ جەتەكشىلىگىمەن ايتارلىقتاي جەتىستىككە جەتتى. ەكونوميكامىز دامىپ, حالقىمىزدىڭ الەۋمەتتىك جاعدايى تۇزەلدى. ەڭ باستىسى, بىرلىگى بەكەم, دامۋى تۇراقتى مەملەكەت رەتىندە دۇنيەجۇزىنە تانىلدىق. وسى ورايدا ەلباسىنىڭ ساياسي جاساعى رەتىندە Nur Otan پارتيياسىنىڭ دا وزىندىك ورنى بار ەكەنىن اتاپ وتكەن جون. سوندىقتان بىزدىڭ كوللەدج ۇجىمى Nur Otan پارتيياسىنىڭ كەزەكتەن تىس حىح سەزىنىڭ پرەزيدەنتتىڭ كەزەكتەن تىس سايلاۋىنا وز كانديداتىن ۇسىنۋ تۋرالى شەشىمىن تولىق قولدايدى, – دەدى يبادۋللا قۇتتىقودجاەۆ.
جيىن بارسىندا كوللەدج وقىتۋشىلارى بيىل سايلاۋعا العاش قاتىسقالى وتىرعان ستۋدەنت جاستارعا سايلاۋدىڭ ماڭىزى مەن ەرەجەلەرى تۋرالى تۇسىندىردى.
– اربىر جاس قوعامدا بولىپ جاتقان كەز كەلگەن قوعامدىق ماسەلەلەرگە بەيجاي قارا­ماۋى تيىس. 2019 جىلدى جاستار جىلى دەپ بەلگىلەدى. سوندىقتان ماڭگىلىك ەل بولۋعا ۇمتىلعان جاسامپاز ەلدىڭ جاستارى الداعى ساياسي ناۋقاندا جاستىق جالىن جىگەرىن كورسەتىپ, تاريحي وقيعانىڭ جاي كۋاگەرى عانا ەمەس, قايناعان جۇمىستىڭ ورتاسىندا جاۋاپ­كەرشىلىك تانىتىپ, ەل مۇددەسى, تۇراقتىلىعى ۇشىن بىر كىسىدەي سايلاۋعا قاتىسۋى قاجەت, – دەدى كوللەدج ديرەكتورىنىڭ تاربيە ىسى جونىندەگى ورىنباسارى باۋىرجان سايدۋللا.
جالپى جيىن سوڭىندا كوللەدج ۇجىمى بىر اۋىزدان Nur Otan پارتيياسىنىڭ حىح سەزىنىڭ پرەزيدەنتتىڭ كەزەكتەن تىس ساي­لاۋىنا كانديدات ۇسىنۋ تۋرالى شەشىمىن قولدايتىنىن ايتتى.

ميۋا باينازاروۆا,

قىزىلوردا وبلىسى

بولىسۋ: