تەمىرجولشىلار تۇراقتىلىقتى قالايدى

722
0
بولىسۋ:

الماتىدا «تەمىرجول الماتى-2» باستاۋىش پارتييا ۇيىمىنىڭ مۇشەلەرى باس قوسىپ Nur Otan پارتيياسىنىڭ كەزەكتەن تىس وتكەن حىح سەزى شەشىمىن تالقىعا سالىپ, ونى قولدايتىنىن جەتكىزدى.

«تەمىرجول الماتى-2» – ەلىمىزدەگى ەڭ ىرى تەمىرجول بەكەتى. قازىر بۇل باستاۋىش پارتييا ۇيىمىنا جەتەكشىلىك ەتەتىن توراعا اسقار شۇكىربەكوۆ پارتييا اتىنان قاسىم-جومارت توقاەۆ كانديداتۋراسىنىڭ ۇسىنىلۋى كوپشىلىك كوڭىلىنەن شىققان, قۇپتارلىق تاڭداۋ ەكەنىن ايتتى. سوز بارىسىندا توراعا تەمىرجولشىلاردىڭ يگىلىكتى ىستەرىنە كەڭىنەن توقتالىپ, ولاردىڭ ەل ەكونوميكاسىنىڭ وركەندەۋىنە قوسىپ وتىرعان ۇلەستەرىن اتاپ وتتى. جيىندا جەتىسۋ اۋداندىق پارتييا توراعاسىنىڭ بىرىنشى ورىنباسارى مۇرات وماروۆ تا پىكىر بىلدىردى.
– پارتييانىڭ باستى ماقساتى – ەلبا­سىنىڭ ستراتەگييالىق باعىتىن بۇل­جىتپاي جالعاستىرۋ. بۇل دەگەنىمىز مەملەكەتتىڭ تۇراقتىلىعىن, قوعامداعى كەلىسىمدى ساقتاۋ دەگەن سوز. ەكونوميكانى حالىقتىڭ مۇددەسى ۇشىن دامىتا وتىرىپ, قازاقستاننىڭ اربىر تۇرعىنىنىڭ تۇرمىسىن جاقسارتۋ. تاۋەلسىزدىك العالى بەرى رەسپۋبليكامىز وتە اۋقىمدى بەلەستەردى باعىندىردى. ەكونوميكادا, ساياساتتا جانە الەۋمەتتىك سالادا تۇبەگەيلى رەفورمالىق وزگەرىستەر بولدى, – دەدى مۇرات وماروۆ.
Nur Otan پارتيياسى جەتىسۋ اۋداندىق ساياسي كەڭەس مۇشەسى تەمىربەك راحمانوۆ پارتييا توراعاسى نۇرسۇلتان نازارباەۆتىڭ سەزدە كوتەرگەن ماسەلەلەرى مەن شەشىمدەرىنىڭ جالعاسىن تاباتىنىنا, وعان تەمىرجولشىلار­دىڭ وز ۇلەستەرىن قوساتىنىنا سەندىردى.
– ەلباسىنىڭ وسىعان دەيىن جۇرگىزىپ كەلگەن بارلىق الەۋمەتتىك-ساياسي, ەكونو­ميكالىق باعدارلامالارىنىڭ ارقاسىندا بىز تاڭداۋلى 50 ەلدىڭ قاتارىنا قوسىلدىق. الى دە وسى بەرەكەلى ىسىمىزبەن, ۇيىمشىل­دى­عى­مىزبەن ورتاق ىسىمىزدى جالعاستىرا بىلسەك, ەندى ەڭ قۋاتتى 30 ەلدىڭ قاتارىنان كورىنەتىن كۇن دە الىس ەمەس. وعان بارىمىز سەنىمدىمىز.
ۇجىم­داعى پارتييالاستاردىڭ اتىنان سەزد شەشىمىن قولدايتىنىمىزدى بىلدىرەمىن, – دەدى ول

اباي ايماعامبەت

بولىسۋ: