پارتييا سەزىنىڭ شەشىمىن قولدادى

636
0
بولىسۋ:

Nur Otan پارتيياسىنىڭ كەزەكتەن تىس حىح سەزىنىڭ شەشىمىن قولداۋ ماقساتىندا بۇگىن اقتوبە حروم قوسىندىلارى زاۋىتى ۇجىمىنىڭ وتىرىسى وتتى. باسقوسۋدا الدا بولاتىن ساياسي ناۋقاننىڭ ەل بولاشاعى ۇشىن ماڭىزى ايتىلدى. 

اقتوبە حروم قوسىندىلارى زاۋى­تىندا Nur Otan پارتيياسىنىڭ باس­تاۋىش پارتييا ۇيىمى 2010 جى­لى قۇرىلعان. قازىرگى كەزدە قۇرامىندا 550 ادام بار. كاليي, نا­تريي بيوحروميتى سەكىلدى حروم­نىڭ ساپاسى جوعارى قوسىندىلارىن شىعاراتىن جانە ەكسپورتتايتىن كاسىپورىندا 2 مىڭنان استام ما­مان جۇمىس ىستەيدى. زاۋىتتان شى­عارىلاتىن ونىم اقش, جاپو­نييا, قىتاي, وڭتۇستىك كورەيا سيياقتى الەمنىڭ 31 ەلىنە جونەلتىلەدى.
حروم تۇزدارى وندىرىسىن ۇلعايتۋ ۇشىن بىلەك سىبانا جۇمىس ىستەپ جۇر­گەن جۇمىسشىلار الداعى ناۋ­قاندا قازاقستاندىقتاردى وز تاڭداۋىن جاساۋعا, بەلسەندى بولۋعا شاقىردى. سونداي-اق ولار پارتييا سەزىنىڭ شەشىمىن قولدايتىنىن جەتكىزدى.
– ەلباسىنىڭ باستاماسىمەن تاۋەل­سىزدىك جىلدارىندا ەكونومي­كا­لىق, ساياسي, الەۋمەتتىك رەفورما­لار جۇزەگە اسىرىلدى. ستراتەگييا­لىق باستامالارى ارقىلى كوپۇلت­تى مەملەكەتىمىز دامۋدىڭ داڭعىل جولىنا تۇستى. بۇگىندە قازاقستان بىرلىك پەن قوعامدىق كەلىسىمنىڭ التىن بەسىگىنە اينالدى. ەلىمىزدەگى تاتۋلىق پەن ىنتىماقتىڭ بىرەگەي ۇلگىسىن جاھان جۇرتشىلىعى زەردە­لەپ, «قازاقستاندىق جول», «نازار­با­ەۆ مودەلى» دەپ باعا بەردى. ال Nur Otan پارتيياسى ەلباسى باس­تاما­لارىن جۇزەگە اسىرۋعا اتسالى­سىپ كەلەدى. الدا كەزەكتەن تىس سايلاۋ. بۇل – اسا ماڭىزدى, ساياسي وقيعا. مەملەكەتىمىزدىڭ كەلەشەگى شەشىمى­مىز­گە تىكەلەي بايلانىستى. مەن ارىپ­تەستەرىمنىڭ دۇرىس تاڭداۋ جا­ساي­تىنىنا سەنەمىن, – دەيدى زاۋىت­تىڭ بولىم باسشىسى, باس­تاۋىش پار­تييا ۇيىمىنىڭ توراعاسى اكىمجان بورانقۇلوۆ.
وتىرىس بارىسىندا كاسىپوداق ۇيىمىنىڭ توراعاسى ۆەرا پولين­كەۆيچ تە ناۋقانعا بايلانىستى پىكىرىن بىلدىردى.
– قازىر ەلىمىز ۇشىن جاۋاپتى كەزەڭ تۋدى. سايلاۋعا بارىمىز بىر اتا­نىڭ بالاسىنداي وز ۇنىمىزدى قوسۋىمىز كەرەك. ونىڭ ىشىندە وندىرىس ورنىندا جۇمىس ىستەيتىن ەڭبەك ۇجىمىنىڭ ماڭىزى زور. سوندىقتان ارىپتەستەرىمىز پرەزي­دەنت سايلاۋىنا ۇلكەن جاۋاپكەرشىلىكپەن كەلگەنى جون, – دەيدى ول.
جيىن سوڭىندا زاۋىت جۇ­مىسشىلارى الداعى پرەزيدەنتتىك سايلاۋعا بەلسەندى تۇردە قاتى­ساتىنىن ايتتى.

ابىلايحان جۇماش

بولىسۋ: