اربىر قازاقستاندىقتىڭ داۋىسى ماڭىزدى

591
0
بولىسۋ:

قاراعاندى وبلىسىنىڭ «قازاقمىس كورپوراتسيياسى» جشس قاراعاندى قۇيۋ-مەحانيكالىق زاۋىتىنىڭ قىزمەتكەرلەرى Nur Otan پارتيياسىنىڭ حىح سەزىندە قاسىم-جومارت توقاەۆتىڭ كانديداتۋراسىن قازاقستان پرەزيدەنتى لاۋازىمىنا ۇسىنۋ تۋرالى شەشىمىن تولىقتاي قولدايدى. «قازاقمىس» كورپوراتسيياسىنىڭ بارلىق كاسىپورىندارىنىڭ قىزمەتكەرلەرى ەلىمىزدىڭ ەكونوميكالىق دامۋى مەن قوعامدىق-ساياسي تۇراقتىلىقتى ساقتاۋعا باعىتتالعان ستراتەگييالىق شەشىمگە قولداۋ كورسەتتى.

280 ادام جينالعان جيىندا ماماندار وز پىكىرىمەن بولىستى. 4-رازريادتى بۇرعىلاۋشى الەكساندر زاسلاۆسكيي اربىر قازاقستاندىقتىڭ داۋىسى ماڭىزدى دەيدى.
– قازاقستان پرەزيدەنتىنىڭ سايلاۋىنا قاتىسۋ – كونستيتۋتسييالىق قۇقىعىمىز, ازا­ماتتىق بورىشىمىز جانە اربىر قازاق­ستان­دىق ۇشىن ۇلكەن جاۋاپكەرشىلىك. بۇل شارا – ەل تاعدىرى. مەملەكەت باسشىسىن تاڭداۋ ارقىلى بولاشاعىمىزعا, تۇتاستاي ەلىمىز قادام باسار جولعا تاڭداۋ جاسايمىز, – دەدى جۇمىسشى.
مەتالل كونسترۋكتسيياسى وندىرىسىنىڭ باستىعى ۇلان ەرلانۇلى: «23 ساۋىر كۇنى نۇر-سۇلتان قالاسىندا Nur Otan پارتيياسىنىڭ حىح سەزىندە دەلەگاتتار قاسىم-جومارت توقاەۆتىڭ كانديداتۋراسىن قازاقستان پرە­زيدەنتىنىڭ كانديداتىنا ۇسىندى. پرەزيدەنت قاسىم-جومارت كەمەلۇلى قازاقستان حالقىن سايلاۋ ەلىمىزدىڭ زاڭناماسىنا سايكەس جانە بارلىق دەموكراتييالىق نورمالار مەن راسىمدەردى ساقتاي وتىرىپ, تولىق وتەتىنىنە سەندىردى. بىز, قازاقمىستىقتار, ارقاشان وز سايلاۋ ۋچاسكەلەرىندە ۇيىمشىلدىقتى كور­سەتەمىز جانە داۋىس بەرەمىز! – دەدى مامان.
مەحانيكالىق قۇراستىرۋ وندىرىسىنىڭ شەبەرى ازامات ابىلاسانۇلى بۇل شەشىمنىڭ ماڭىزدى ەكەنىنە توقتالدى.
– سايلاۋ – ارقاشان جاڭارۋعا جانە جاڭا تىنىس الۋعا ۇمىت. بۇل – بىزگە كۇش جيناپ, بولاشاققا جاڭا سەرپىلىس جاساۋعا كومەكتەسەتىن قادام. سوندىقتان بارلىق ارىپتەستەرىمدى الداعى سايلاۋدا بەلسەندىلىك پەن ازاماتتىق جاۋاپكەرشىلىك تانىتۋعا شاقىرعىم كەلەدى. پرەزيدەنت ەلدىڭ ىشكى جانە سىرتقى دامۋ باعىتىن ايقىندايدى. قازاقستاننىڭ اتىن الەمدە قورعاۋ, ىرگەلى ىستەردىڭ باستاۋى بولادى. قازاق ەلى دال قازىر جاڭا پرەزيدەنتىن سايلاپ العانى ابزال. سايلاۋعا ەشكىم نەمقۇرايلى قاراماۋى قاجەت, – دەدى شەبەر.
2-ساناتتى ينجەنەر-تەحنولوگ الماز كارىموۆ ەلباسىنىڭ شەشىمىن قولدايمىز دەدى.
– بىز, وبلىس جانە ەلدىڭ ەڭبەك سىڭىرگەن زاۋىتتارىنىڭ بىرىنىڭ ەڭبەك ۇجىمى, رەس­پۋبليكا باسشىلىعىنىڭ باعىتىن قولداۋ ۇشىن بارلىق مۇمكىندىكتەردى جاسايمىز! وندىرىس قىزمەتكەرلەرى رەتىندە رەسپۋبلي­كا ەكو­نوميكاسىنداعى وڭدەۋشى ونەركاسىپ­تىڭ ۇلەسىن ودان ارى ارتتىرۋعا جانە قازىرگى زامانعى يننوۆاتسييالىق, يندۋسترييالىق جانە باسەكەگە قابىلەتتى تەحنولوگييالاردى ەسكەرە وتىرىپ, تەحنيكالىق حالىق شارۋا­شى­لىعىنىڭ بارلىق سالاسىن كەزەڭ-كەزەڭىمەن دامىتۋعا نەگىزدىمىز دەپ ۇمىتتەنەمىز, – دەدى ول.
جيىندى جۇرگىزگەن سەرىك تورىباەۆ «قا­زاقستان بولاشاقتا قانداي بولادى? ول قاي با­عىتتا داميدى? ونىڭ بارى داۋىسى­مىزعا بايلانىستى. سوندىقتان بيلىك ساباقتاس­تىعىنىڭ ويلاستىرىلعان ساياساتى جانە قازاقستاننىڭ تۇڭعىش پرەزيدەنتى, ەلباسى نۇرسۇلتان نازارباەۆتىڭ دانا شەشىمى بىزدىڭ زاۋىتتىڭ بارلىق ەڭبەك ۇجىمىنىڭ قولداۋىنا يە بولادى!», – دەدى.

لاززات قوجاحمەتوۆا,

قاراعاندى وبلىسى

بولىسۋ: