ەلارالىق بايلانىس قارقىندى دامىپ كەلەدى

691
0
بولىسۋ:

رەسەي فەدەراتسيياسىنا جۇمىس ساپارى اياسىندا قازاقستان پرەمەر-مينيسترى اسقار مامين رەسەي ۇكىمەتىنىڭ توراعاسى دميتريي مەدۆەدەۆپەن كەلىسسوزدەر وتكىزدى.

كەزدەسۋدە ەكىجاقتى ىنتى­ماقتاستىقتىڭ وزەكتى ماسەلەلەرى تالقىلاندى. اتاپ ايتقاندا, ساۋدا-ەكونوميكالىق سالاداعى, ينۆەستيتسييالىق ىنتى­ماقتاس­تىقتاعى, ونەركاسىپتىك كووپەرا­تسيياداعى, كولىك-ترانزيت سالا­سىنداعى, عارىش قىزمەتىندەگى وزارا ىس-قيمىلدى ودان ارى نىعايتۋ جانە ارتتىرۋ, شەكارا ماڭى ىنتىماقتاستىعىن جانە ايماقارالىق بايلانىستاردى دامىتۋ ماسەلەلەرى قارالدى.
«ەكى ەل اراسىنداعى اشىق سەنىمدى قاتىناستار تۇڭعىش پرەزيدەنت – ەلباسى نۇرسۇلتان نازارباەۆ پەن رەسەي پرەزيدەن­تى ۆلاديمير پۋتيننىڭ ستراتە­گييا­لىق باعدارىنا سۇيەنە وتىرىپ, بارلىق سالادا قارقىندى دامىپ كەلەدى», – دەدى اسقار مامين.
ول قازاقستان پرەزيدەنتى ق.توقاەۆتىڭ ماسكەۋگە جۋىر­داعى رەسمي ساپارى جانە جوعارى دەڭگەيدە وتكەن كەلىسسوزدەر ەكى ەلدىڭ ستراتەگييالىق وزارا ىس-قيمىلىنىڭ ودان ارى دامۋىنا قوسىمشا سەرپىن بەرگەنىن ايتىپ, بىرلەسكەن بەلسەندى جۇمىسقا باعىتتالعان, قول جەتكىزىلگەن ۋاعدالاستىقتاردىڭ ماڭىزىن, بۇگىنگى كەزدەسۋدىڭ اتالعان ۋاعدا­لاستىقتاردى ىسكە اسىرۋدىڭ تا­جىريبەلىك قادامدارىن تالقى­لاۋدىڭ جاقسى مۇمكىندىگى ەكەنىن جەتكىزدى.
رەسەي ۇكىمەتىنىڭ توراعاسى د.مەدۆەدەۆ قازاقستان پرەمەر-مينيسترىنىڭ ماسكەۋگە ساپا­رىنىڭ بىرقاتار ستراتەگييالىق مىندەتتەردى تالقىلاپ, شەشۋدەگى, تەك ەكىجاقتى فورماتتا ەمەس, سونداي-اق ەاەو اياسىندا كۇن تارتىبىندە تۇرعان اۋقىمدى باعدارلامالاردى ىسكە اسىرۋداعى ماڭىزىن اتاپ وتتى.
قازاقستان پرەمەر-مينيس­ترىنىڭ رەسەيگە جۇمىس ساپارى اياسىندا, قازاقستان ۇكىمەتىنىڭ باسشىسى ا.مامين مەن رەسەي ۇكىمەتىنىڭ باسشىسى د.مەدۆە­دەۆتىڭ قاتىسۋىمەن «كاماز» كولىك جابدىقتارى ماركاسى ۇشىن تەحنيكا جانە قۇرامداستارىن وندىرۋ جوباسىن ىسكە اسىرۋ بو­يىنشا ىنتىماقتاستىق تۋرالى كەلىسىمگە قول قويىلدى. كەلى­سىمگە رەسەي ونەركاسىپ جانە ساۋدا مينيسترىنىڭ ورىنباسارى ا.موروزوۆ, قازاقستان يندۋس­ترييا جانە ينفراقۇرىلىمدىق دامۋ ۆيتسە-مينيسترى ا.ەرجانوۆ, «كاماز» ااق باس ديرەكتورى س.كوگوگين, قازاقستاندىق اۆتو­بيزنەس قاۋىمداستىعىنىڭ پرە­زيدەنتى ا.لاۆرەنتەۆ, «برك-ليزينگ» اق باسقارما توراعاسى ن.بايبازاروۆ, Tobolkz جشس باسقارۋشى ديرەكتورى د.شۇكى­جانوۆا قول قويدى.

ايحان شارىپ

بولىسۋ: