تسيفرلى قازاقستان جانە تىرشىلىك

32
0
بولىسۋ:

2017 جىلعى 12 جەلتوق­سان­دا قازاقستان رەس­پۋبليكاسى ۇكىمەتىنىڭ №827 قاۋلىسىمەن «تسيفرلى قازاقستان» مەملەكەتتىك باعدارلاماسى بەكىتىلدى. بۇل باعدارلاما تەحنولوگييالىق تۇرعىدا دامۋعا قول جەتكىزۋگە مۇمكىندىك بەرەدى دەپ وتىرمىز. IT باعدارلا­مالار قىرۋار شىعىندى ازايتادى. ەڭ باستىسى – ۋاقىتتى ۇنەمدەۋگە كومەكتەسەدى.

قازاقستاننىڭ تۇڭعىش پرە­زي­دەنتى – ەلباسى ن.نازارباەۆ «بىز تسيفرلى تەحنولوگييانى قول­دانۋ ارقىلى قۇرىلاتىن جاڭا يندۋسترييالاردى وركەندەتۋگە تيىسپىز. بۇل – ماڭىزدى كەشەندى مىندەت. ەلدە 3D پرينتينگ, ون­لاين-ساۋدا, موبيلدى بانكينگ, تسيفرلى قىزمەت كورسەتۋ سەكىلدى دەنساۋلىق ساقتاۋ, بىلىم بەرۋ ىسىندە قولدانىلاتىن جانە باسقا دا پەرسپەكتيۆالى سالالاردى دامىتۋ كەرەك. بۇل يندۋسترييالار قازىردىڭ وزىندە دامىعان ەلدەردىڭ ەكونوميكالارىنىڭ قۇرىلىمىن وزگەرتىپ, داستۇرلى سالالارعا جاڭا ساپا دارىتتى.
تسيفرلاندىرۋ دەگەنىمىز – قا­زاقستاننىڭ وزىق ەل اتانۋ جو­لىن­داعى ماقسات ەمەس, قۇرال. با­سە­كەگە قابىلەتتى بولۋ, وسىمدى, ونىم وندىرۋدى ارتتىرۋ, مىنە وسى – ماقسات, – دەگەن ەدى حالىققا ارناعان جولداۋىندا.
تورت بىردەي نەگىزگى باعىتتان تۇراتىن وسى باعدارلاما شەڭبە­رىندە اۋىل-ايماقتى كەڭ جولاقتى ينتەرنەتپەن قامتاماسىز ەتىپ, ەلىمىزدىڭ ترانزيتتىك مۇمكىن­دىكتەرىن ارتتىرۋ, ەكونوميكانىڭ سالالارىنا (كولىك جانە لوگيس­تيكا, دەنساۋلىق ساقتاۋ, بىلىم بەرۋ, اۋىل شارۋاشىلىعى جانە ەلەكتروندى ساۋدا) تسيفرلى تەحنولوگييانى ەنگىزۋ, مەملەكەتتىك ورگاندار جۇمىسىنىڭ ساپاسىن ارتتىرۋ, سوسىن IT مامانداردى دايارلاۋ قاراستىرىلعان.
بىلتىر ەلىمىزدەن 38 مىڭ ىت مامانى شەتەلگە كەتىپتى. قازىر ۋاقىتشا قيىندىقتارعا شىداس بەرمەگەندەردىڭ شەتەلگە كەتۋى كوبەيدى. بۇل بىزدى ويلاندىرسا كەرەك.
كەيىنگى كەزدە مەكتەپ ديرەك­تورلارىن تاعايىنداعان دۇرىس پا, سايلاعان دۇرىس پا دەگەن ماسەلە جيى سوز بولىپ جاتىر. بىلىم جانە عىلىم مينيسترى كۇلاش شامشيدينوۆا: «بۇگىندە تسيفر­لىق تەxنولوگييالاردىڭ ارقا­سىندا بىراز پروتسەستەردى اشىق جۇرگىزۋگە مۇمكىندىك بار دەپ وتىر. ديرەكتورلاردىڭ بەس جىلدا اۋىسىپ تۇرۋىنا بايلانىستى ۇسىنىس, شىنىن ايتۋ كەرەك, ما­عان قاتتى ۇنايدى. بىراق قوعامدى بىلەسىزدەر. بىز قوعاممەن اقىل­داسىپ, بارىن زاڭداستىرۋىمىز قاجەت. قازىر مەكتەپ ديرەكتور­لارىنىڭ بوساعان ورىندارى كونكۋرس ارقىلى وتەدى. وسىنى تولىقتىرۋىمىز كەرەك», – دەيدى.
وسى رەتتە جامبىل وبلىسىندا jumis sitcen.kz بازاسى ەنگىزىلىپ, مەكتەپ مۇعالىمدەرى جۇمىسقا اۆتوماتتاندىرىلعان جۇيە ار­قىلى قابىلدانا باستاعانى قۋان­تادى. بۇل جوبا «تسيفرلى قا­زاقستان» باعدارلاماسى اياسىندا قولعا الىنعان. اقپاراتتىق جۇيە ەلەكتروندىق ەڭبەك بيرجاسىمەن ىنتىماقتاسا جۇمىس ىستەيدى. ورتاق جۇيە ىسكە قوسىلعالى بەرى ايماقتا 831 بوس جۇمىس ورنى جارييالانىپ, 202 مامان تۇراقتى جۇمىسقا ورنالاسىپتى.
قالاي بولعاندا دا قاپتاعان قاعازباستىلىقتان ارىلىپ, ۋاقىتتى تيىمدى پايدالانۋ قاي سالا ۇشىن دە ماڭىزدى. «تسيفرلى قازاقستان» باعدارلاماسى ومىر­شەڭ بولۋى ۇشىن ىرعالىپ-جىرعالۋدان قۇتىلعان ابزال. باعدارلاما كۇندەلىكتى تىرشىلىكتە كورىنىس تابۋى قاجەت.

نۇرتورە جۇسىپ

بولىسۋ: