رەجيسسەر ەسلام نۇرتازين قىزمەتكە تاعايىندالدى

16
0
بولىسۋ:

بەلگىلى قازاقستاندىق رەجيسسەر ەسلام نۇرتازين «قازاقكونتسەرت» مەملەكەتتىك كونتسەرتتىك ۇيىمىنا قاراستى «Astana Musical» مەملەكەتتىك تەاترىنىڭ كوركەمدىك جەتەكشىسى بولىپ تاعايىندالدى.

ەسلام نۇرتازين – قر تۇڭعىش پرەزيدەنتى – ەلباسى قورى سىيلىعىنىڭ يەگەرى, فيلوسوفييا عىلىمدارىنىڭ دوكتورى (PhD). ت.جۇرگەنوۆ اتىنداعى قازاق ۇلتتىق ونەر اكادەميياسىن دراما تەاتر رەجيسسەرى ماماندىعى بويىنشا اياقتاعان. 2011-2013 جج. نيۋ-يورك قالاسىنداعى كولۋمبييا ۋنيۆەرسيتەتىندە جانە الەمگە تانىمال نيۋ-يورك كينو اكادەميياسىندا (اقش) بىلىم العان.

ەسلام سەرىكۇلىنىڭ شىعارماشىلىق قىزمەتى تەاتر جانە كينو ونەرىمەن تىعىز بايلانىستى. ول ع.مۇسىرەپوۆ اتىنداعى قازاق مەملەكەتتىك اكادەمييالىق بالالار مەن جاسوسپىرىمدەر تەاترىندا, م.اۋەزوۆ اتىنداعى قازاق مەملەكەتتىك اكادەمييالىق دراما تەاترىندا, ب.ريموۆا اتىنداعى الماتى وبلىستىق تەاترىندا 15 جۋىق ميۋزيكل مەن سپەكتاكلدى ساحنالادى.

ەلىمىزدەگى ەڭ العاشقى ميۋزيكل جانرىنداعى «دوستار سەرتى» وتاندىق تۋىندىسى ەسلام نۇرتازيننىڭ رەجيسسەرلىگىمەن قويىلىپ, «Astana Musical» تەاترىنىڭ شىمىلدىعىن اشتى. سونىمەن قاتار ول «Astana Musical» رەپەرتۋارىنداعى «ەر توستىك», «№13» سىندى بەلگىلى قويىلىمداردىڭ رەجيسسەرى بولعان.

ەسلام نۇرتازين كوپتەگەن وتاندىق فيلمدەر مەن تەاتر ساحنالارىندا اكتەر رەتىندە مول تاجىريبە جيناعان. ول جوعارى كاسىبيلىگىن تەك وز شىعارماشىلىعىندا عانا كورسەتپەي, شاكىرت تاربيەلەپ, وزىنەن كەيىنگى جاس ارى تالانتتى ارتىستەر بۋىنىنىڭ قالىپتاسۋىنا زور ۇلەس قوسۋدا.

مəدەنيەت جəنە ɵنەر سالاسىنداعى جوعارى جەتiستiكتەرi ۇشiن 2018 جىلى قازاقستان رەسپۋبليكاسى تۇڭعىش پرەزيدەنتi – ەلباسى قورى سىيلىعىنىڭ لاۋرەاتى اتاندى.

«Astana Musical» مەملەكەتتىك تەاترى ەسلام نۇرتازيننىڭ جەتەكشىلىگىمەن ونەر سۇيەر قاۋىمدى جاڭا قويىلىمدارمەن قۋانتىپ,  وتاندىق تەاتر ونەرىنىڭ دامۋىنا سۇبەلى ۇلەس قوساتىنىنا سەنىمدىمىز.

«Aiqyn» اقپارات

بولىسۋ: