مەملەكەتتىك تىلدىڭ ماڭىزدىلىعى ايتىلدى

432
0
بولىسۋ:

تۇركىستاندا «مەملەكەتتىك تىل – مەنىڭ تىلىم» تاقىرىبىندا ەتنوس جاستارىنىڭ فورۋمى وتتى. جيىندا مەملەكەتتىك تىلدى مەڭگەرۋدىڭ ماڭىزدىلىعى مەن جاستاردىڭ ەلىمىزدىڭ دامۋىنا بەلسەنە استالىسۋى جايى ايتىلدى.

 


فورۋم – مەملەكەتتىك تىلدى مەڭگەرگەن ەتنوس جاستارىنا قولداۋ كورسەتۋ, مەملەكەتتىك تىلدىڭ قولدانۋ اياسىن كەڭەيتۋ, مەملەكەتتىك تىلدىڭ مارتەبەسى مەن ماڭىزىن كەڭىنەن ناسيحاتتاۋ جانە حالىقتى بىرىكتىرۋدىڭ ماڭىزدى فاكتورى ەكەنىن وسكەلەڭ ۇرپاققا ۇعىندىرۋدى كوزدەيدى.
گۋمانيتارلىق-تەحنيكالىق كوللەدجىندە وتكەن فورۋمعا مەملەكەتتىك تىلدى جەتىك مەڭگەرگەن ەتنوس وكىلدەرى جانە وبلىستىق اسسامبلەيا قۇرىلىمدارى, وبلىستىق ەتنومادەني بىرلەستىك توراعالارى مەن مۇشەلەرى, جاستار قاناتى مەن زييالى قاۋىم وكىلدەرى قاتىستى.
مەملەكەتتىك تىلدى جەتىك مەڭگەرگەن 100-دەن استام ەتنوس جاستارى قاتىسقان فورۋمدى تۇركىستان وبلىستىق قازاقستان حالقى اسسامبلەياسى مەن وبلىس اكىمى اپپاراتىنىڭ «قوعامدىق كەلىسىم» مەكەمەسىنىڭ ۇيىمداستىردى.
ىس-شارانى اشقان تۇركىستان وبلىستىق قازاقستان حالقى اسسامبلەياسى حاتشىلىعى مەڭگەرۋشىسىنىڭ مىندەتىن اتقارۋشى مادينا كامەدەنوۆا مەملەكەتتىك تىل – ەتنوسارالىق كەلىسىمدى نىعايتۋدىڭ نەگىزگى فاكتورلارىنىڭ بىرى ەكەندىگىن ايتىپ وتىپ, ىس-شارانىڭ ماقساتىن كەڭ كولەمدە تۇسىندىردى.
«بيىلعى جىلدى جاستارعا ارناعاندىعىن جەتكىزىپ, بۇل باعىتتاعى «بيىلعى جىلدى ەلباسى جاستار جىلى دەپ جارييالاعاندىقتان, بۇل باعىتتاعى جۇمىستار الداعى ۋاقىتتا جاندانا تۇسەدى», – دەدى م. كامەدەنوۆا.
سونداي-اق, كورەي ەتنومادەني بىرلەستىگىنىڭ جانىنداعى جاستار قاناتىنىڭ مۇشەسى, 1 كۋرس ستۋدەنتى سابينا پاك «مەملەكەتتىك تىل – مەنىڭ تىلىم» دەپ سوز ساباقتادى.
– تىل تاۋەلسىزدىكتىڭ ايعاعى. تىل مەن ەگەمەندىك ەگىز ۇعىم. تىلسىز-تاۋەلسىزدىك, ەگەمەندىكسىز – تىل بولمايدى. قازاق ەلى تاۋەلسىز مەملەكەت بولىپ ورناعالى مەملەكەتتىك تىل – قازاق تىلى دەپ جارييالاندى. بۇل تۇستا ەلباسى نۇرسۇلتان نازارباەۆ «قازاقتىڭ بولاشاعى – قازاق تىلىندە» دەپ الدىمىزعا ايقىن جول اشىپ بەردى. بىزگە تەك وسى ۇستانىمدى جۇزەگە اسىرۋعا بار كۇش-جىگەرىن اياماي, ەڭبەك ەتۋ عانا قالدى, – دەدى.
فورۋمدا وزبەك ەتنومادەني بىرلەستىگىنىڭ مۇشەسى رۋستام ساتتاروۆ, تۇرىك ەتنومادەني بىرلەستىگىنىڭ مۇشەسى فەريدە ەيبوۆا تاتۋلىقتى تۋ ەتكەن وڭىردەگى ەتنوس وكىلدەرى تۇركى الەمىنىڭ جاڭا رۋحاني ورتالىعى – تۇركىستاندى دامىتۋعا بار كۇش جىگەرىن جۇمسايتىندىعىن جەتكىزدى.

تەلمان بەيسەنوۆ,
تۇركىستان وبلىسى

بولىسۋ: