گولوۆكين جاتتىقتىرۋشىسى سانچەسپەن جۇمىسىن توقتاتتى

30
0
بولىسۋ:

ايگىلى بوكسشى گەنناديي گولوۆكين جاتتىقتىرۋشىسى ابەل سانچەسپەن ارى قاراي جۇمىس ىستەمەيتىندىگىن مالىمدەدى. بۇل تۋرالى ول وزىنىڭ Instagram پاراقشاسىندا جازدى.

«مەن وزىمنىڭ سپورتتىق مانسابىمدا ماڭىزدى شەشىمگە كەلىپ وتىرمىن… بۇدان بىلاي ابەل سانچەسپەن جاتتىقپايمىن. بۇل شەشىم وڭاي كەلگەن جوق جانە سانچەستىڭ كاسىبيلىگىنە قاتىستى ەمەس. ول سەنىمدى ارى عاجاپ جاتتىقتىرۋشى… بوكستاعى شەبەرلىكتى ۇيرەتكەنى ۇشىن سانچەسكە العىسىمدى بىلدىرگىم كەلەدى, ال جاڭا باپكەرىمدى الداعى ۋاقىتتا جارييالايتىن بولامىن» – دەلىنگەن جازبادا.

ايتا كەتەيىك, سانچەس پەن گولوۆكين 2010 جىلدان بەرى بىرگە جۇمىس ىستەپ كەلدى. سانچەستىڭ باپكەرلىگىمەن سوڭعى رەت كانەلوعا قارسى وتكىزگەن كەزدەسۋىندە گولوۆكين تۇڭعىش رەت جەڭىلىپ قالىپ, بار جۇلدەسىنەن ايىرىلدى.

رينگكە گولوۆكين 8 ماۋسىمدا ورالادى. ونىڭ قارسىلاسى كانادالىق ستيۆ روللس.

«ايقىن» اقپارات

فوتو: Los Angeles Times

بولىسۋ: