1 شىلدەدەن باستاپ جۇرگىزۋشى كۋالىگىن ىشكى ىستەر مينيسترلىگى بەرمەيدى

958
0
بولىسۋ:

بيىل 1 شىلدەدەن باستاپ ىشكى ىستەر مينيسترلىگىندە جۇرگىزۋشى كۋالىگىن بەرەتىن تىركەۋ-ەمتيحان بولىمى بولمايدى. بۇل بولىمنىڭ مىندەتىن حالىققا قىزمەت كورسەتۋ ورتالىقتارى اتقارادى.

قازىرگى ۋاقىتتا ارنايى حقكو-لاردا كولىكتى تىركەۋ, قۇجاتتاردى راسىمدەۋ جانە اۆتوكولىكتەرگە مەملەكەتتىك نومىر الۋعا قۇجات قابىلدانادى. 1 شىلدەدەن باستاپ جۇرگىزۋشى كۋالىگىن الۋشىلاردان تەورييالىق جانە پراكتيكالىق ەمتيحانداردى حقكو قىزمەتكەرلەرى قابىلدايدى.

ىشكى ىستەر مينيسترلىگىنىڭ حابارلاماسىندا «كولىك قۇرالدارىن تىركەۋگە قاجەتتى قۇجاتتاردىڭ بار-جوعى تۋرالى اقپاراتتى پوليتسەي سالىقتىق, كەدەندىك جانە باسقا بيلىك ورگاندارىنىڭ دەرەكتەر بازاسىنان قاشىقتان تەكسەرەدى. ياعني, جۇرگىزۋشى كۋالىكتەرىن بەرۋ جانە كولىك قۇرالدارىن تىركەۋ كەزىندە پوليتسييا ازاماتتارمەن دە, مەملەكەتتىك كورپوراتسييا قىزمەتكەرلەرىمەن دە بايلانىسا المايدى», – دەپ جازىلعان.

ەسكەرەر جايت, ارنايى حقكو جوق قالالاردا تىركەۋ-ەمتيحان بولىمىنىڭ مىندەتىن قاراپايىم حقكو-لار اتقاراتىن بولادى.

«ايقىن» اقپارات

فوتو: ينتەرنەتتەن الىندى

بولىسۋ: