توپىراق استىندا قالعان ادامدى قۇتقاردى (ۆيدەو)

771
0
بولىسۋ:

اقمولالىق قۇتقارۋشىلار توپىراق استىندا قالعان ادامدى قۇتقاردى. بۇل تۋرالى اقمولا وبلىستىق توتەنشە جاعدايلار قىزمەتىنىڭ باسپاسوز قىزمەتى حابارلادى.

 


كوكشەتاۋ قالاسىنىڭ تۇرعىنى جەكە سەكتورداعى ۇيىنە سۋ كىرگىزۋ ۇشىن جەر قازىپ جاتقاندا توپىراق استىندا قالىپ قويعان. وقيعا ورنىنا جەتكەن التى ادامنان جاساقتالعان قۇتقارۋشى توپ جيىرما مينۋتتا توپىراق استىنداعى ادامدى قۇتقاردى. قۇتقارۋشىلار توپىراقتى ارشۋ كەزىندە ۇيىندى استىندا قالعان جىگىتپەن پسيحولوگتار جۇمىس ىستەگەن.
«تەرەڭدىگى ەكى مەترلىك شۇڭقىردىڭ ديامەترى 1 مەتردى قۇرايدى, جىگىت شۇڭقىردا بىر ساعاتتان اسا ۋاقىت جاتقان. تۇرعىندار ونى وز كۇشىمەن قۇتقارماق بولعاندىقتان قۇتقارۋ قىزمەتىنە ۋاقىتىندا حابار بەرمەگەن. توتەنشە جاعدايلار قىزمەتى حابار الىسىمەن قۇتقارۋعا كىرىستى. قۇتقارىلعان جىگىت جەدەل جاردەم قىزمەتىنەن باس تارتتى», – دەيدى اقمولا وبلىسى توتەنشە جاعدايلار قىزمەتىنىڭ جەدەل-قۇتقارۋ وتريادى جەتەكشىسىنىڭ ورىنباسارى مارات بۇرباەۆ.

تۇمار مىرزا

بولىسۋ: