«سەمسەر» ادەبي بايقاۋى وتەدى

1129
0
بولىسۋ:

جاستار – قاي زاماندا دا دامۋدىڭ نەگىزگى قوزعاۋشى كۇشى. ولاردىڭ بۇلا كۇشىن بەلگىلى بىر ارناعا بۇرىپ, يگى ماقساتقا, ىزگى ىستەرگە باعىتتاپ وتىرۋ – اعا بۋىن اعالاردىڭ مىندەتى.

 

ەلباسى نۇرسۇلتان نازارباەۆ جولداۋىندا بيىل – جاستار جىلى دەپ جارييالادى. جاستارعا ەرەكشە نازار اۋدارىپ, ار سالادا تالانتىمەن كوزگە تۇسىپ جۇرگەن جاستارعا قولداۋ كورسەۋدى جان-جاقتى قولعا الدى.

سونىڭ بىرى – «مادەنيەت» پورتالى «التىن قازىنا» قوعامدىق بىرلەستىگىمەن بىرلەسىپ جاستار اراسىندا رەسپۋبليكالىق «سەمسەر» ادەبي كونكۋرسىن جارييالاپ وتىر. كونكۋرستىڭ باس دەمەۋشىسى تابيعي رەسۋرستاردى وندىرۋ مەن وڭدەۋ, ەنەرگەتيكا, لوگيستيكا جانە ماركەتينگ سالالارىندا الەمدەگى ەڭ ىرى ارتاراپتاندىرىلعان كومپانييالاردىڭ بىرى – Eurasian Resources Group (ERG) كومپانيياسى. ەۋرازييالىق توپ (ERG) جىل سايىن ەلىمىزدىڭ رۋحاني ومىرىن دامىتۋعا ولشەۋسىز ۇلەس قوسىپ, ادەبي-مادەني شارالارعا دەمەۋشىلىك جاساپ كەلە جاتىر.

رەسپۋبليكالىق «سەمسەر» ادەبي كونكۋرسى ۇزدىك پروزا, ۇزدىك پوەزييا, ۇزدىك ادەبي سىن اتالىمى بويىنشا وتەدى. باس جۇلدە – 1 000 000 تەڭگە! ار اتالىمنىڭ جەڭىمپازدارىنا 500 000 تەڭگەدەن جۇلدە تىگىلىپ وتىر. سونىمەن قاتار, ارنايى ادەبي سىيلىقتار دا بار. گران-پري يەگەرىنە «سەمسەر» ادەبي سىيلىعى تابىستالادى. باسقا دا جۇلدەگەرلەرگە التىن توسبەلگى تاعىلادى.

ادەبي كونكۋرس رەسمي تۇردە جارييالانعان كۇننەن باستاپ, 45 جاسقا دەيىنگى بارلىق قالامگەرلەر وز شىعارمالارىن «مادەنيەت» پورتالىنا وزدەرى ورنالاستىرۋعا مۇمكىندىك بار. كونكۋرس ونلاين رەجيمدە, بارشا قازاقستاندىقدىڭ كوز الدىندا اشىق تۇردە جۇرگىزىلەدى. سونىمەن قاتار, وقىرماندار وزى ۇناتقان شىعارمالارعا داۋىس بەرە الادى. مۇنىڭ بارلىعى قازىلار القاسىنىڭ قورىتىندى شىعارۋ كەزىندە ەسەپكە الىنادى.

ادەبي بايگە تەك قازاق تىلىندە وتەدى.

«ايقىن» اقپارات

بولىسۋ: