فراكتسييا مۇشەلەرى Nur Otan سەزىن قورىتىندىلادى

733
0
بولىسۋ:

بۇگىن قازاقستان رەسپۋبليكاسى پارلامەنتى ماجىلىسىندە Nur Otan پارتيياسى فراكتسيياسىنىڭ تورالقاسى وتتى. وندا فراكتسييا مۇشەلەرى  Nur Otan پارتيياسىنىڭ كەزەكتەن تىس XIX سەزىن قورىتىندىلادى.

كەزدەسۋدى اشقان پالاتا ۆيتسە-سپيكەرى, فراكتسييا جەتەكشىسى, Nur Otan پارتيياسى ساياسي كەڭەسىنىڭ مۇشەسى گۇلميرا يسيمباەۆا كەزەكتەن تىس سەزىنىڭ تاريحي ماڭىزدىلىعىن ايتىپ, سونداي-اق تاۋەلسىز قازاقستاننىڭ تۇراقتانۋ مەن دامۋ پروتسەسىندەگى قازاقستان رەسپۋبليكاسى تۇڭعىش پرەزيدەنتىنىڭ, ەلباسى ن.ا.نازارباەۆتىڭ كورنەكتى رولىن ەرەكشە اتاپ وتتى.

پارلامەنت فراكتسيياسىنىڭ جەتەكشىسى, پارتييانىڭ كەزەكتەن تىس سەزىنىڭ دەلەگاتتارى بىراۋىزدان قولداعان كانديداتۋرا قاسىم-جومارت كەمەلۇلى توقاەۆ ەلباسىنىڭ ۇزاق ۋاقىت بويى سەنىمدى سەرىگى بولا وتىرىپ, پارتييا توراعاسى كورسەتكەن ستراتەگييالىق باعىتىنىڭ ساباقتاستىعى مەن تۇراقتىلىعىن سوزسىز قامتاماسىز ەتەتىندىگىن ايتتى.

وز كەزەگىندە, نۇروتاندىق دەپۋتاتتار قازاقستاننىڭ بۇدان ارى تابىستى دامۋىن بىزدىڭ باعدارىمىزدىڭ ساباقتاستىعى عانا قامتاماسىز ەتەتىندىگى جانە وسى جولدا Nur Otan پارتيياسى مەن ونىڭ مۇشەلەرى جەتەكشى رول اتقارۋلارى تيىس دەپ ايتقان ەلباسىنىڭ سوزىن ەرەكشە نازارعا الدى.

تورالقا وتىرىسىن قورىتىندىلاي كەلە, ماجىلىستىڭ ۆيتسە-سپيكەرى دەپۋتاتتاردى – Nur Otan پارتيياسى فراكتسيياسىنىڭ مۇشەلەرىن ۇلت كوشباسشىسىنىڭ اۋقىمدى باستامالارىن ىسكە اسىرۋدى جالعاستىرۋعا شاقىردى, ەلىمىزگە اسا قاجەتتى تۇراقتىلىق پەن تىنىشتىقتى ساقتاۋ ۇشىن, نۇروتاندىقتارعا بۇرىنعىدان دا ۇيلەسىمدى بىرىگۋ قاجەت دەدى.

«Aiqyn» اقپارات

بولىسۋ: