Nur Otan پارتيياسىنىڭ تاريحى تۋرالى كىتاپتى تانىستىردى

821
0
بولىسۋ:

«Eurasian Book Fair – 2019» ىV ەۆرازييالىق حالىقارالىق كىتاپ كورمە-جارمەڭكەسىندە Nur Otan پارتيياسىنىڭ تاريحى مەن جەتىستىكتەرى تۋرالى كىتاپ كوپشىلىككە تانىستىرىلدى.

Nur Otan پارتيياسى «نۇر وتان»: جاسام­پازدىق پەن دامۋدىڭ 20 جىلى» اتتى مەرەيتويلىق كىتاپتا پارتييانىڭ تاريحىنان باستاپ, 20 جىل ىشىندەگى جەتىستىكتەرى تۇتاس قامتىلعان. سۇبەلى ەڭبەكتى جانار بۇقانوۆانىڭ باسشى­لى­عىمەن ساياسي مەنەدجمەنت اكادەميياسىنىڭ شىعارماشىلىق ۇجىمى دايىنداعان.

كىتاپ كورمەسىنە پار­تييا اردا­گەرلەرى, ماجىلىس دە­پۋتاتتارى, عىلىمي-پەداگو­گي­كالىق قوعام­داستىق, تۇڭعىش پرەزيدەنت – ەلباسى كىتاپ­حاناسىنىڭ جانە ۇلتتىق اكا­دەمييالىق كىتاپ­حانا­نىڭ وكىلدەرى قاتىستى.

كىتاپتىڭ مازمۇنىمەن تانىستىرعان اۆتور پارتييانىڭ يدەولوگييا­لىق باعىت-باعدارى مەن ماڭىزدى جەتىس­تىكتەرى تۋرالى جان-جاقتى ايتتى. كى­تاپتىڭ اۆتورى, ساياسي مەنەدج­مەنت اكادەميياسىنىڭ ديرەكتورى جانار بۇقانوۆا بۇل تۋىندى پارتييا تۋرالى جازىلعان العاشقى ساراپتامالىق ەڭبەك­تەردىڭ بىرى ەكەنىن اتاپ وتتى.

– پارتييانىڭ 20 جىلداعى جەتىستىكتەرى تۇتاس قامتىلدى. كىتاپتا العاش رەت جەتەكشى پار­تييانىڭ فەنومەنى جان-جاقتى تۇسىندىرىلگەن. تاۋەلسىز قازاقستان­نىڭ دامۋىنداعى جەتىستىكتەرىنە Nur Otan پارتيياسىنىڭ قوسقان ۇلەسى مەن ساياسي كوشباس­شىلىقتىڭ نەگىزگى تەتىكتەرى تۋرالى كەڭ كولەمدە ايتىلعان. كورمەگە كەلىپ جاڭا كىتاپقا قىزىعۋشىلىق تانى­تىپ, قولداۋ بىلدىرگەن بارشاڭىزعا العىس ايتامىن, – دەدى جانار بۇقانوۆا.

كورمەدە جيىنعا قاتىسۋشىلار پارتييانىڭ تاريحى, ونىڭ قالىپتاسۋى, پارتييا دامۋىنىڭ پەرس­پەك­تيۆالارى تۋرالى وي­لارىن ورتاعا سالدى.

اۆتورلار بىرلەسىپ دايىنداعان جيناق پار­تييانىڭ قالىپتاسۋى مەن دامۋ كەزەڭدەرىنە جان-جاقتى تالداۋ جاساعان. ناقتى ايتقاندا, پارتييانىڭ 20 جىلدىعى, وسى كەزەڭدەگى دامۋ جولى, بولاشاققا جوسپارى, پارتييانىڭ ساياسي كوشباس­شىلىعى, دامۋ باعىت-باعدارى باياندالعان.

«ايقىن» اقپارات  

بولىسۋ: