قازاقستان بوكس فەدەراتسيياسى AIBA قاتارىنان شىعارىلۋى مۇمكىن

1495
0
بولىسۋ:

حالىقارالىق بوكس فەدەراتسيياسى (AIBA) ۇيىم قاتارىنان قازاقستان بوكس فەدەراتسيياسىن شىعارىپ تاستاۋى مۇمكىن.

بۇل تۋرالى رەسەيلىك Championat.com حابارلايدى.

قۇرامىنا دجوردجيو برۋنولي, پەت فياككو جانە تەرري سميت كىرەتىن تارتىپتى قاداعالاۋ كوميسسيياسىنىڭ جۇمىس توبى بانگكوكتە وتىرىس وتكىزىپ ايبا اتقارۋشى كوميتەتىنىڭ جانە ازييا بوكس كونفەدەراتسيياسىنىڭ (ASBC) بەرگەن شاعىمدارىن ايبا تارتىپتىك كوميسسيياسىنا جىبەرۋ كەرەك پە دەگەن ماسەلەنى تالقىلاعان.

كوميتەت ازييا بوكس كونفەدەراتسيياسىنىڭ بۇرىنعى باسشىسى سەرىك قوناقباەۆتىڭ ارحيۆتىك جانە قارجىلىق قۇجاتتاردى كونفەدەراتسييانىڭ جاڭا باسشىسىنا بەرۋدەگى قابىلەتسىزدىگى تۋرالى شاعىمدى قاراستىرعان. وز كەزەگىندە كوميتەت AIBA اتقارۋ كوميتەتىنىڭ ايبا تارتىپتىك كوميسسيياسىنىڭ ىس-قيمىل تالاپتارىن ورىنداۋ تۋرالى قىسقاشا ەسەپ بەرۋىن سۇرادى.

كوميسسييا سونداي-اق, AIBA اتقارۋ كوميتەتىنىڭ, قازاقستان بوكس فەدەراتسيياسىنىڭ اتقارۋشى ديرەكتورى بەكجان بەكتەنوۆتىڭ  وليمپيادالىق ىرىكتەۋ تۋرنيرلەرىن باسقارۋعا قاتىستى جاڭا ۇيىم قۇرۋ تۋرالى ۇلتتىق فەدەراتسييالاردى ماجبۇرلەگەنىن دە قاراستىرۋدا.  كوميسسييا AIBA اتقارۋشى كوميتەتىنە بۇل ىستى تارتىپتىك كوميسسيياعا جولداۋ تۋرالى ۇسىنىس بىلدىرىپ, ۇنەمى ۇلتتىق فەدەراتسييالارمەن كەزدەسۋگە تىرىسىپ, تارتىپتىك كودەكستى بۇزعانى ۇشىن بەكتەنوۆتى AIBA مۇشەسى قىزمەتىنەن ۋاقىتشا شەتتەتتى.

اباي قازبەكۇلى

بولىسۋ: