پەنالتي سوعا الماعان فۋتبولشى كلۋبسىز قالدى (ۆيدەو)

26
0
بولىسۋ:

پاراگۆايلىق «يندەپەندەنتە كامپو-گراندە» كلۋبىنىڭ ويىنشىسى برەندەكس پاررا «لا ەكيداد» كلۋبىنىڭ قاقپاسىنا پەنالتي سوعا الماي قالدى.

ويىن وڭتۇستىك امەريكا كۋبوگى تۋرنيرى اياسىندا وتكەن. نەگىزگى ۋاقىت تەڭ اياقتالعان سوڭ كوماندالار ويىن سوڭىنداعى پەنالتيگە جۇگىنگەن. پانەنكا سوققىسىن ورىنداماق بولعان پاررا قاقپاشىدان ايلاسىن اسىرا الماپتى.

ناتيجەسىندە ونىڭ كلۋبى 3:4 ەسەبىمەن جەڭىلىپ جارىستىڭ كەلەسى كەزەڭىنە وتە الماي قالدى. ال ماتچتان سوڭ كلۋب باسشىلىعى ويىنشىمەن ەڭبەك كەلىسىمشارتىن ۇزەتىندەرىن جارييالاعان.

«ديرەكتورلار كەڭەسى بۇل ويىنشىمەن كەلىسىمشارتتى توقتاتۋعا شەشىم قابىلدادى» دەلىنگەن حابارلامادا. دەگەنمەن ويىن سوڭىنداعى پەنالتيدى پاررادان بولەك تاعى ەكى ويىنشى ورىنداي الماي قالعان.

اباي قازبەكۇلى

بولىسۋ: