شاربانۋ بەيسەنوۆا وقىرماندارمەن كەزدەستى

671
0
بولىسۋ:

ت.ق.جۇرگەنوۆ اتىنداعى قازاق ۇلتتىق ونەر اكادەميياسى كىتاپحاناسىنىڭ ۇيىمداستىرۋىمەن بەلگىلى جازۋشى, قازاقستاننىڭ ەڭبەك سىڭىرگەن قايراتكەرى, «الاش» حالىقارالىق ادەبي سىيلىعىنىڭ لاۋرەاتى شاربانۋ بەيسەنوۆامەن «اۋليە انالار» اتتى ادەبي-شىعارماشىلىق كەزدەسۋ وتتى. شارانى ونەر اكادەميياسىنىڭ وقۋ جانە وقۋ-ادىستەمەلىك جونىندەگى پرورەكتورى شارىپبەك امىربەكوۆ جۇرگىزدى.

– شاربانۋ بەيسەنوۆا – قازاق ادەبيەتىنە ۇلكەن ۇلەس قوسقان, جازۋشى, جۋرناليست. ەر ازاماتتار كوتەرەتىن جۇكتى كوتەرىپ وتىرعان, ايەل ازاماتىڭ بىرى سىزسىز. «رۋحاني جاڭعىرۋ» باعدارلامالىق ماقالاسى نەگىزىندە «ۇلى دالا ارۋلارى» اتتى كىتاپتىڭ تۇساۋكەسەرىنە جينالىپ وتىرمىز. بولاشاق اكتريسا ارۋلارىمىزعا ۇرپاق تاربيەسىن دارىپتەي الاسىز. بۇگىنگى كەزدەسۋ ستۋدەنتتەر ۇشىن ايرىقشا كۇن, ەرەكشە كەزدەسۋ رەتىندە ەستەرىندە قالادى دەپ ويلايمىن – دەدى اكادەمييا رەكتورى اسحات ماەميروۆ.

ازاماتتىق ۇنىنىڭ ايقىندىعىمەن, نازىك سىرشىلدىعىمەن ەرەكشەلەنەتىن شاربانۋ قوناقبايقىزىنىڭ شىعارمالارى تۋعان ەلدى سۇيۋ, ادالدىق, دوستىق, ماحاببات سەزىمدەرىن ارقاۋ ەتەدى. قالامگەردىڭ «تويعا كەلگەن كەلىنشەك», «سەزىمتال جۇرەك», «تاعىلىمدى تاعدىرلار», «ميزامشۋاق», «سۇزگەنىڭ سوڭعى كۇندەرى» سىندى شىعارمالار جيناعى كوزىقاراقتى تالاي جاننىڭ كوكەيىنە سىڭدى.

ايتا كەتەيىك, شاربانۋ بەيسەنوۆا كەزدەسۋگە وزىنىڭ باسپادان جاقىندا عانا جارىق كورگەن برازيلييالىق جازۋشى جورجي امادۋدىڭ «قۇم جاعالاۋدىڭ كاپيتاندارى» اتتى اۋدارما جيناعى مەن جارى, كورنەكتى ادەبيەت سىنشىسى ساعات اشىمباەۆتىڭ ۇش تومدىق شىعارمالار جيناعان جانە تۇرىك تىلىنە تارجىمالانعان «سۇزگە حانىم مەن بوزوق سۇلۋى» اتتى جيناعان اكادەمييا كىتاپحاناسىنا تارتۋ ەتتى.

ومىرلىك سەرىگى, قازاق ادەبيەتىنىڭ كورنەكتى وكىلى, سىنشى ساعات اشىمباەۆپەن بىرگە كەشكەن ساۋلەلى عۇمىرى تۋرالى سىر شەرتكەن جازۋشى ستۋدەنتتەردىڭ بارلىق سۇراعىنا ريياسىز جاۋاپ بەرىپ, كەزدەسۋدى ۇيىمداستىرۋشىلار مەن تىڭداۋشىلارعا العىسىن ايتتى.

ايقىن اقپارات

بولىسۋ: