بىر ايدىڭ ىشىندە 4 پايىزبەن اۆتونەسيە بەرىلەدى

3473
0
بولىسۋ:

قازاقستاننىڭ اۆتوبيزنەس قاۋىمداستىعىنىڭ پرەزيدەنتى اندرەي لاۆرەنتەۆ 4 پايىزبەن اۆتونەسيەنى بىر ايدىڭ ىشىندە بەرىلەتىنىن حابارلادى.

«4 پايىزدىق اۆتونەسيە ارى كەتسە, بىر ايدىڭ ىشىندە بەرىلەتىن بولادى. قازىرگى كەزدە اقشا تۇستى. ۇكىمەتتىڭ قاۋلىسى بار. بۇگىندە ول قارجىنى تاراتۋ شارالارى اتقارىلىپ جاتىر. بىردەن ايتىپ قويايىن, بىر ايدان دا از ۋاقىت قاجەت بولادى», – دەيدى ا.لاۆرەنتەۆ قازاقپاراتقا بەرگەن سۇحباتىندا.

قازاقستاندا 4 پايىزدىق اۆتونەسيە باعدارلاماسى 2015 جىلى قولعا الىنعان. سودان بەرى 13 245 جەڭىل اۆتوكولىك وسى شارتتارمەن ساتىلعان. بيىل ۇكىمەت 4 پايىزدىق اۆتونەسيە باعدارلاماسىنا قوسىمشا 10 ميلليارد تەڭگەنى بولۋ تۋرالى قاۋلىنى قابىلدانعان. ونىڭ 8 ميللياردى جەڭىل كولىكتەردى نەسيەلەۋگە باعىتتالسا, 2 ميلليارد تەڭگەسى كوممەرتسييالىق تەxنيكانى ليزينگتىك قارجىلاندىرۋعا جۇمسالادى. تورت جىلدا بيۋدجەتتەن 40 ميلليارد تەڭگە بولىندى.

«ايقىن» اقپارات

بولىسۋ: