تاپسىرمالاردىڭ ورىندالۋ بارىسى باياندالدى

485
0
بولىسۋ:

قازاقستان پرەزيدەنتى قاسىم-جومارت توقاەۆ باتىس قازاقستان وبلىسىنىڭ اكىمى التاي كولگىنوۆتى قابىلدادى.

مەملەكەت باسشىسىنا وڭىردىڭ نەگىزگى الەۋمەتتىك-ەكونوميكالىق دامۋ كورسەتكىشتەرى مەن تۇرعىنداردىڭ ومىر سۇرۋ ساپاسىن ارتتىرۋعا باعىتتالعان تاپسىرمالاردىڭ ورىندالۋ بارىسى تۋرالى باياندالدى.
قاسىم-جومارت توقاەۆ از قامتىلعان جانە كوپبالالى وتباسىلاردى قولجەتىمدى ارى ساپالى تۇرعىن ۇيمەن قامتۋ بويىنشا جۇيەلى جۇمىس جۇرگىزۋدىڭ ماڭىزدى ەكەنىن ايتتى. كەزدەسۋ بارىسىندا شالعاي اۋدانداردى اۋىزسۋمەن قامتاماسىز ەتۋ, جول-كولىك ينفراقۇرىلىمىن جاقسارتۋ ماسەلەلەرىنە باسا مان بەرىلدى.
پرەزيدەنت باتىس قازاقستان وبلىسى مەن ورال قالاسىن ودان ارى دامىتۋ جونىندە بىرقاتار ناقتى تاپسىرمالار بەردى.

بولىسۋ: