قارقىندى دامۋعا قوسقان ۇلەس

6
0
بولىسۋ:

«كەشە كىم ەدىك? بۇگىن كىمبىز? ەرتەڭ كىم بولامىز?» بۇل ساۋال كىمدى دە بولسىن  تولعاندىرماي قويمايدى.  سەبەبى, وزىنىڭ تەگىن, اتا-جۇرتىن بىلمەيتىن, وتكەندى وي ەلەگىنەن وتكىزە المايتىن جان  بولاشاعىنا دا باعدار جاساي المايدى. قۇددى بىر ەن دالادا جاپادان جالعىز قالىپ, قايدا بەت الارىڭدى بىلمەي قالاتىنداي. سول سەبەپتى, بۇگىنگى XXI عاسىر ازاماتى, وزىن تۋعان جۇرتىنىڭ بىر بولشەگىمىن  دەپ سانايتىن ار ادام تول تاريحىن بىلۋى تيىس.

ەلباسىمىزدىڭ كورەگەن سايا­سات­كەرلىگىنىڭ ارقاسىندا بۇل ماسە­لە دە وڭ شەشىمىن تاپتى. وعان قازاق جۇرتىنا ۇسىنىلعان «ۇلى دالانىڭ جەتى قىرى» ماقا­لاسى دالەل بولا الادى. بۇل ما­قا­­لانى جۇرەگى قازاق دەپ سوققان جاننىڭ بارى ەرەكشە تولعا­نىس­پەن قارسى الدى. سەبە­بى, ماقا­لا­دا وسى كۇنگە دەيىن تە­رە­ڭىنەن زەرت­تەلمەي, ەلەنبەي كەلە جات­قان قۇندىلىقتارى­مىز­عا باسا نازار اۋدارىلعان. ماقا­لانى وقي وتىرىپ, بىزدىڭ دە جاھان جۇرتىنىڭ جاندانىپ, قارقىن­دى دامۋىنا قوسقان ۇلە­سى­مىز وزگەلەردەن ارتىق بول­ما­سا, كەم ەمەسىنە تاعى دا كوزىمىز جەتتى.
«فارابي الەمى» اتتى حا­لىقا­رالىق كونفەرەنتسييا كەزىن­دە دە وسى تاقىرىپتىڭ توڭىرە­گىندە تۇرلى جيىن, دوڭگەلەك ۇس­تەل­­دەر وتكىزىلدى. بۇل جيىن ال-فارابي اتىنداعى قازۇۋ-دا بيىل التىنشى رەت وتكىزىلىپ وتىر. ستۋدەنت جاستار ماقالاعا قاتىستى ويىن بىلدىرىپ, ۇلى دا­لا­نىڭ اربىر قىرىنا جەكە-جەكە توقتالىپ, تاريحىمىزبەن ساباق­تاس­تىعىن دەرەكتەر مەن دايەك­تەر­گە سۇيەنە وتىرىپ, جان-جاق­تى تالداپ شىقتى. تول تاري­حى­مىزعا تەرەڭىنەن ۇڭىلىپ, قۇن­دى­لىق­تارىمىزدى قاستەرلەي بىلۋ كەرەگىن جاس ۇرپاق ۇعىندى دەپ بىلەمىن.
ەگەر بىز ەلباسى ماقالاسىندا كورسەتىلگەن ەلىمىزدىڭ جەتى قىر­لى قۇندىلىعىن تەرەڭىنەن زەرت­تەپ, دۇيىم جۇرتقا پاش ەتەتىن بول­ساق, وندا ۇلتىمىزدىڭ قا­دىر-قاسيەتى ارتا تۇسەرى اقيقات. سول ۇشىن اربىر قازاق ازاماتى وزىنىڭ اتا-بابالارى قالدىرعان كەڭ بايتاق ەلدىڭ, جەردىڭ لايىق­تى مۇراگەرى بولۋعا ۇمتىلۋى تيىس.

ا.شاگيزانداەۆا,
فيلولوگييا جانە الەم تىلدەرى فاكۋلتەتىنىڭ
1-كۋرس ستۋدەنتى

بولىسۋ: