«بوگەما» وپەراسى – جاڭا فورماتتا

813
0
بولىسۋ:

دج.پۋچچينيدىڭ شوقتىعى بيىك «بوگەما» وپەراسى «استانا وپەرا» ساحناسىندا جاڭا قىرىنان ۇسىنىلدى. جاس رەجيسسەر اندرەا بەرناردتىڭ  ماڭگىلىك ماحاببات حيكاياسىنا دەگەن جاڭا كوزقاراسى استانالىق كورەرمەننىڭ كوڭىلىنەن شىقتى.  پرەمەرا  مادەنيەت جانە سپورت مينيسترلىگىنىڭ قولداۋىمەن وتتى.

«بوگەما» وقيعاسى پاريجدىڭ لاتىن كۆارتالىندا 1830 جىلى وربيدى. وپەرا كەيىپكەرلەرىنىڭ پرو­توتيپى ومىردە بولعان دەسەدى. دج.پۋچچيني ميلاندا وقىپ جۇر­گەن­دە وپەرا كەيىپكەرلەرى تارىزدى كەدەيشىلىك كورىپ, ۇيشىكتە ومىر سۇرگەن, قارىز بەرۋشىلەردەن جا­سى­رىنىپ, جالعا بەرۋشىلەرمەن جان­جالداسقان. سوندىقتان بو­لار, ول وز كەيىپكەرلەرىنىڭ بەي­نە­سىن تە­­رەڭ جەتكىزە بىلگەن. اقىن رۋدولف پەن ميميدىڭ ماحابباتى ار­قاۋ بولعان وپەرا الەم ساحنا­لا­رىندا سان تۇرلى فورماتتا ۇسى­­نىلدى. ال «استانا وپەرادا» شى­­­مىل­دىعىن تۇرگەن وپەرا كو­رەر­­مەن تانىمىنا جاقىنداي تۇس­كەنى بايقالادى. قويىلىمعا ەلىمىزدىڭ ۇزدىك وپەرا ارتيستەرى مەن شەتەل ساحنالارىندا ونەر كور­­سەتىپ جۇرگەن كلاسسيكالىق ونەر مەترلەرى تارتىلدى. ماسە­لەن, ماەسترو دجۋزەپپە اكۋاۆيۆا ديريجەر رەتىندە پارتيتۋرانىڭ بارلىق نيۋانسىن مۋزىكانتتار كوكەيىنە جەتكىزە بىلگەن. الەمدىك دەڭگەيدەگى مايتالمان, «دوستىق» وردەنىنىڭ كاۆالەرى, كورنەكتى ستسە­نو­گراف ەتسيو فريدجەريو قويى­لىمدى زاماناۋي تىڭدار­مان­عا تۇسىنىكتى ارى جانىنا جاقىن ەتىپ ۇسى­نۋدى ماقسات ەتكەن. كوپ­دەڭ­گەي­لى دەكوراتسييالار بارلىعىن كو­رىنىستەن-كورىنىسكە – بىردە قۇ­بىر­­­­­­لار قورشاعان يەسىز قالعان زاۋىت­قا, ەندى بىردە سان-سالتا­ناتتى پاريج جارمەڭكەسىنىڭ كوڭىل-كۇ­يى­نە بولەيتىن جارقىرا­عان الاڭعا, بىرەسە قار جامىلعان تەمىر­­جول بەكەتىنە اپارىپ, ەرەك­شە رومان­تي­كا تۋدىردى. ارتىستەر وسى كورى­نىس­تەردىڭ اربىرىنە بوگە­ما­لىق جا­سام­پازدار رۋحىن سىڭىرە بىل­دى. سوليس­تەر ليريكالىق جانە درا­ما­لىق ەپيزودتاردا كەرەمەت دۋەت­تەر شىعاردى. ميمي رولىن­دەگى – ما­رييا مۋدرياك پەن مايرا
مۇحام­ەدقىزى, رۋدولف – مەدەت چوتا­باەۆ پەن جان تاپين پۋچچي­نيگە تان ۆوكال ستيلىن تاماشا الىپ شىق­­­تى. ورىنداۋشىلاردىڭ اك­تەرلىك ويىنى دا اتاپ وتۋگە تۇ­رار­لىق. ولار وز كەيىپكەرلەرى­نىڭ مى­نەز-قۇلقىن جەتە سەزىنىپ, ولار­دىڭ كۇيىن­ىشىنە تەرەڭ بوي­لاپ, بار ەمو­­تسيياسىن بەردى, ساحنادا سولار بو­لىپ ومىر سۇردى. سالتانات احمە­تو­ۆا, الفييا كاريموۆا (ميۋزەت­تا), سۇندەت بايعوجين, تالعات مۇسا­باەۆ (مارسەل) ورىنداۋىن­دا­­عى ارى كۇلدىرگى, ارى درامالىق ساح­­­­نالىق كورىنىستەر – كوزگە جاس ۇيا­­لاتتى.
وپەرانىڭ مەرەكەلىك كورىنى­سى­نە كاسىبي تسيرك ارتىستەرى قاتىس­تى. «وسكار» سىيلىعىنىڭ يەگەرى فرانكا سكۋارچاپينو كەرەمەت كوستيۋم­دەر جاساعان. «استانا وپەرا» باس حورمەيستەرى ەرجان داۋىتوۆ جەتەكشىلىك ەتكەن حور تاڭعالارلىقتاي مانەرلى ەستىلدى. بالالار حورىنىڭ جەتەكشىسى ال­تىن­­عانىم احمەتوۆا جانە حور­مەيس­­تەر ايگەرىم ماكيباەۆا جە­تەك­شىلىك ەتكەن بالالار ستۋديياسى جاس ارتىستەرىنىڭ جۇمىسىن دا جەكە اتاپ وتكەن جون.

ايدانا بەگىم

بولىسۋ: