ەكى انىقتاما كەرەك

486
0
بولىسۋ:

پرەزيدەنتتىككە ۇمىتكەر رەتىندە تىركەلۋ ۇشىن كانديدات ورتالىق سايلاۋ كوميسسيياسىنا وزى مەن زايىبىنىڭ (جۇبا­يىنىڭ) تابىسى مەن مۇلكى تۋرالى سالىق دەكلاراتسييا­سىن تاپسىرعانى تۋرالى  انىقتاما مەن  دەنساۋلىعىنىڭ جاي-كۇيىن راستايتىن مەديتسينالىق قورىتىندى ۇسىنادى. بۇل جونىندە وسك مۇشەسى باقىت مەلدەشوۆ حابارلادى. 

بۇل مىندەتتەر «قر سايلاۋ تۋرالى» كونستيتۋتسييالىق زاڭنىڭ 59-بابى 5-تارماعى 4, 2, 6 تارماقشالارىندا كوزدەلگەن. ونىڭ ايتۋىنشا, سايلاۋ تۋرالى زاڭنىڭ 59-بابىنىڭ 2-تارماعىندا كانديداتتىڭ جانە ونىڭ زايىبىنىڭ (جۇبايىنىڭ) تۇرعىلىقتى جەرى بويىنشا مەملەكەتتىك كىرىستەر ورگاندارىنا ۇسىنۋ مەرزىمى باستالعان ايدىڭ بىرىنشى كۇنىندەگى, ياعني 2019 جىلعى 1 ساۋىردەگى كىرىستەرى مەن مۇلكى تۋرالى دەكلاراتسييانى ۇسىنۋى كوزدەلگەن. كىرىستەر مەن مۇلكى تۋرالى دەكلا­را­تسييالاردى تاپسىرعانى تۋرالى انىقتامانى پرەزيدەنتتىككە كانديداتتى تىركەۋ مەرزىمى اياق­تالعانعا دەيىن, ياعني 2019 جىلعى 11 مامىرعا دەيىن ۇسىنۋعا بولادى. كانديدات انىقتامانى ۇسىنباعان جاعدايدا تىركەۋدەن وتپەيدى.
– كانديدات تىركەلگەننەن كەيىن وسك كانديدات پەن ونىڭ زايى­بى (جۇبايى) دەكلاراتسييالا­عان كىرىستەرى مەن مۇلكى تۋرالى مالىمەتتەردىڭ دۇرىستىعىن انىقتاۋ ۇشىن ۋاكىلەتتى ورگانعا سۇراۋ سالادى. ول مالىمەتتەردى مەملەكەتتىك كىرىستەر ورگاندارى كانديدات تىركەلگەن كۇننەن باستاپ 15 كۇن ىشىندە تەكسەرەدى. انىقتاماداعى كىرىستەر مەن مۇلىك تۋرالى مالىمەتتەردىڭ دۇرىس ەمەستىگى انىقتالسا, وسك تىركەۋ تۋرالى شە­شىمنىڭ كۇشىن جويادى», – دەدى.
سونىمەن قاتار ول «قر سايلاۋ تۋرالى» كونستيتۋتسييالىق زاڭىنىڭ 59-بابىنىڭ 2-1-تارماعىنا سايكەس پرەزيدەنتتىككە كانديدات تىركەلگەنگە دەيىن دەنساۋلىعىنىڭ جاي-كۇيى تۋرالى مەديتسينالىق قورىتىندىنى ورتالىق سايلاۋ كوميسسيياسىنا مىندەتتى تۇردە ۇسىناتىندىعىن ايتتى. وسى نورماعا سايكەس كانديداتقا رەسپۋبليكا پرەزيدەنتى رەتىندە مىندەتتەرىن ورىنداۋىنا كەدەرگى كەلتىرەتىن اۋرۋلارىنىڭ جوق­تىعىن راستاۋ ۇشىن مەديتسينالىق كۋالاندىرۋ جۇرگىزىلەدى. ونىڭ قو­رىتىندىسى دەنساۋلىق جاع­دا­يى تۋرالى تيىستى مەديتسينالىق قورىتىندىمەن رەسىمدەلەدى. مە­دي­تسينالىق قورىتىندىعا قويى­لاتىن تالاپتار مەن كانديدات بولىپ تىركەۋگە كەدەرگى كەلتىرەتىن اۋرۋلار تىزبەسىن وسك مەن دەن­ساۋلىق ساقتاۋ مينيسترلىگى بىر­لەس­ك­ەن نورماتيۆتىك قۇقىقتىق اكتى­دە بەلگىلەدى. ول قۇجاتتا كاندي­دات رەتىندە تىركەۋگە كەدەرگى كەل­تى­رەتىن 107 اۋرۋ تىزبەسى كورسە­تىلگەن.
«قازىرگى ۋاقىتتا «قازاقستان پرەزيدەنتتىگىنە كانديداتتىڭ دەنساۋلىق جاعدايى تۋرالى مەديتسينالىق قورىتىندىعا قويىلاتىن تالاپتاردى جانە قازاقستان رەس­پۋبليكاسىنىڭ پرەزيدەنتتىگىنە كانديدات رەتىندە تىركەۋگە كەدەرگى كەلتىرەتىن اۋرۋلاردىڭ تىزبەسىن بەكىتۋ تۋرالى» ورتالىق سايلاۋ كوميسسيياسى مەن دەن­ساۋلىق ساقتاۋ مينيسترلىگىنىڭ بىرلەسكەن نورماتيۆتىك قۇ­قىق­تىق ­اكتىسى قابىلداندى جانە ادى­لەت مينيس­ترلىگىندە 2019 جى­لعى 13 سا­ۋىردە تىركەلدى. نورماتيۆتىك قۇ­قىق­تىق اكتىلەر ەلەكتروندى تۇردەگى ەتالوندىق باقىلاۋ بانكىندە 2019 جىلعى 15 سا­ۋىردە تىركەلىپ, جارييالانعان ­كۇننەن باستاپ زاڭدى كۇ­شىنە ەندى», – دەدى ب.مەلدەشوۆ.
مەديتسينالىق قورىتىندى كانديدات مەديتسينالىق كۋالاندىرۋ جۇرگىزۋ ۇشىن جۇگىنگەن كەزدەن باستاپ كۇنتىزبەلىك 3 كۇننەن اسپايتىن مەرزىمدە بەرىلەدى جانە پر­ەزيدەنت سايلاۋى مەرزىمى ىشىندە جارامدى بولادى. بەرىلگەن مەديتسينالىق قورىتىندىلاردىڭ ەسەبىن دەنساۋلىق ساقتاۋ ۇيىمدارى جۇرگىزەدى.

ايدانا بەگىم

بولىسۋ: