ەكسپورتتى ىلگەرىلەتۋدى تاپسىردى

293
0
بولىسۋ:

قازاقستان پرەزيدەنتى قاسىم-جومارت توقاەۆ سىرتقى ىستەر مينيسترى بەيبىت اتامقۇلوۆتى قابىلدادى.

مەملەكەت باسشىسىنا مينيسترلىكتىڭ بيىلعى بىرىنشى توقساندا اتقارعان جۇ­مىستارىنىڭ نەگىزگى قورىتىندىلارى مەن الداعى كەزەڭگە ارنالعان جوسپارلارى جونىندە مالىمەت بەرىلدى. پرەزيدەنت ينۆەستيتسييالىق ساياساتتى جۇزەگە اسىرۋدىڭ تيىمدىلىگىن ارتتىرۋ, سىرتقى نارىقتاعى قازاقستان ەكسپورتىن ىلگەرىلەتۋ قاجەتتىگىن ايتتى.
بەيبىت اتامقۇلوۆ ينۆەستيتسييا تارتۋ جونىندەگى مەملەكەتتىك قۇرىلىمداردىڭ, سونىڭ ىشىندە وڭىرلىك دەڭگەيدەگى وزارا ىس-قيمىلداردى جاقسارتۋ ۇشىن قابىلدانعان جۇيەلى شارالار تۋرالى باياندادى. سونداي-اق قاسىم-جومارت توقاەۆ قورعانىس مينيسترىنىڭ بىرىنشى ورىنباسارى – قازاقستان قارۋلى كۇشتەرى باس شتابىنىڭ باستىعى مۇرات بەكتانوۆتى قابىلدادى. پرەزيدەنتكە قازاقستان قارۋلى كۇشتەرىنىڭ اسكەري دايىندىعىنىڭ جاعدايى جانە ەلىمىزدى قورعاۋ جوسپارلارىن جۇزەگە اسىرۋ جونىندەگى باس شتابتىڭ جۇرگىزىپ جاتقان جۇمىسى تۋرالى باياندالدى.

بولىسۋ: