جىرشىلار فەستيۆالىنىڭ جەڭىمپازى

362
0
بولىسۋ:

بەلگىلى جىراۋ, Nur Otan پارتيياسى ساياسي كەڭەسىنىڭ مۇشەسى, ىقىلاس اتىنداعى حالىق مۋزىكالىق اسپاپتار مۋزەيىنىڭ ديرەكتورى ۇلجان بايبوسىنوۆا وزبەكستاننىڭ تەرمەز قالاسىندا وتكەن حالىقارالىق باحشى (جىرشى) ونەرىنىڭ فەستيۆالىندە جەڭىمپاز اتاندى.

بەس كۇنگە سوزىلعان جارىستا كورەيا, موڭعولييا, مالايزييا, ۆەنگرييا, سەر­بييا, تۇركىمەنستان, تۇركييا, ازىرباي­جان, بولگارييا, قىرعىزستان سەكىلدى 74 مەملەكەتتەن 160-تان اسا ونەر يەسى باق سىنادى. فەستيۆالدىڭ اشىلۋ سالتا­ناتىنا وزبەكستان پرەزيدەنتى شاۆكات ميرزيёەۆتىڭ وزى قاتىستى.
حالىقارالىق بايقاۋدا جىرشىلار سايىسىنان بولەك, ۇلتتىق تاعامدار, قولونەر بۇيىمدارى, حالىقتىڭ سالت-داستۇرىنە قاتىستى جادىگەرلەردىڭ جارمەڭكەسى ۇيىمداستىرىلدى.
قازاقستاننىڭ اتىنان اتالعان ونەر بايگەسىنە سىر بويى جىراۋلىق مەكتەبىنىڭ ۇلكەن وكىلى ۇلجان بايبوسىنوۆا قاتىسىپ, باس جۇلدەنى جەڭىپ الدى.
بۇگىندە ۇلجان بايبوسىنوۆا ىقىلاس اتىنداعى حالىق مۋزىكالىق اسپاپتار مۋزەيىن باسقارۋمەن قاتار, قۇرمانعازى اتىنداعى قازاق ۇلتتىق كون­سەرۆاتوريياسىندا جاس ونەرپازدارعا ساباق بەرەدى.

بولىسۋ: