ЖЫРШЫЛАР ФЕСТИВАЛІНІҢ ЖЕҢІМПАЗЫ

459
0
Бөлісу:

Белгілі жырау, Nur Otan партиясы саяси кеңесінің мүшесі, Ықылас атындағы халық музыкалық аспаптар музейінің директоры Ұлжан Байбосынова Өзбекстанның Термез қаласында өткен Халықаралық бахшы (жыршы) өнерінің фестивалінде жеңімпаз атанды.

Бес күнге созылған жарыста Корея, Моңғолия, Малайзия, Венгрия, Сер­бия, Түркіменстан, Түркия, Әзірбай­жан, Болгария, Қырғызстан секілді 74 мемлекеттен 160-тан аса өнер иесі бақ сынады. Фестивальдің ашылу салта­натына Өзбекстан президенті Шавкат Мирзиёевтің өзі қатысты.
Халықаралық байқауда жыршылар сайысынан бөлек, ұлттық тағамдар, қолөнер бұйымдары, халықтың салт-дәстүріне қатысты жәдігерлердің жәрмеңкесі ұйымдастырылды.
Қазақстанның атынан аталған өнер бәйгесіне Сыр бойы жыраулық мектебінің үлкен өкілі Ұлжан Байбосынова қатысып, бас жүлдені жеңіп алды.
Бүгінде Ұлжан Байбосынова Ықылас атындағы халық музыкалық аспаптар музейін басқарумен қатар, Құрманғазы атындағы Қазақ ұлттық кон­серваториясында жас өнерпаздарға сабақ береді.

Бөлісу: