ەقىۇ وكىلدەرىمەن كەزدەستى

656
0
بولىسۋ:

Nur Otan پارتيياسى توراعاسىنىڭ بىرىنشى ورىنباسارى ماۋلەن اشىمباەۆ ەۋروپاداعى قاۋىپسىزدىك جانە ىنتىماقتاستىق ۇيىمى دەموكراتييالىق ينستيتۋتتار جانە ادام قۇقىقتارى جونىندەگى بيۋروسىنىڭ سايلاۋ جونىندەگى كەڭەسشىلەرى راديۆويا گرۋيچ جانە ۆلاديمير ميسەۆپەن, سونداي-اق ەقىۇ پارلامەنتتىك اسسامبلەياسىنىڭ وكىلى ديميتريي تودوريچپەن كەزدەستى. كەزدەسۋدە تاراپتار الداعى پرەزيدەنتتىڭ كەزەكتەن تىس سايلاۋىنا قاتىستى ماسەلەلەردى تالقىلادى. اتالعان ۇيىم وكىلدەرى ەلىمىزگە سايلاۋعا بايلانىستى ەقىۇ/دياقب قاجەتتىگىن باعالاۋ جونىندەگى ميسسييامەن كەلگەن.
Nur Otan پارتيياسى تور­ا­عاسى­نىڭ بىرىنشى ورىنباسارى قازاقستان­نىڭ تاۋەلسىزدىكتىڭ العاشقى جىلدارىنان باستاپ ەقىۇ-نىڭ حالىقارالىق قاۋىپسىزدىكتى ساقتاۋ, بەي­بىتشىلىكتى قامتاماسىز ەتۋ, ادام قۇقىقتارىن قورعاۋ جانە دەموكراتييالىق تەتىكتەردى ىلگە­رىلەتۋگە باعىتتالعان ساياساتىن قولداپ كەلە جاتقانىن ايتتى. سونداي-اق ول قازىرگى تاڭدا قازاقستان مەن ەقىۇ ارا­سىنداعى قارىم-قاتىناستىڭ كۇشەيە تۇس­كەنىنە نازار اۋداردى.
– قازاقستاننىڭ ەقىۇ-مەن ىنتىماق­تاستىعى ەلىمىزدىڭ وسى ۇيىمعا توراعالىق ەتكەن كەزەڭىندە بۇرىنعىدان دا نىعايا تۇستى. سول كەزدە قابىلدانعان استانا دەكلاراتسيياسى ۇيىمنىڭ دامۋىنا تىڭ سەرپىن بەرگەن ماڭىزدى قۇجات بولدى, – دەدى ماۋلەن اشىمباەۆ.
سونىمەن قاتار ول ەقىۇ-نىڭ بارلىق ستاندارتتارى قازاقستاننىڭ مەملەكەتتىك باعدارلامالارى ۇشىن نەگىزگى باعدار بولىپ سانالاتىنىن تىلگە تيەك ەتتى. ونىڭ ايتۋىن­شا, قازاقستان ۇشىن ەقىۇ-مەن, ۇيىمنىڭ دەموكراتييالىق ينستيتۋتتار جانە ادام قۇقىقتارى جونىندەگى بيۋروسىمەن جانە باسقا دا قۇرىلىمدارىمەن ىنتىماقتاستىقتى ودان ارى نىعايتۋ اسا ماڭىزدى. سوندىقتان پارتييا توراعاسىنىڭ بىرىنشى ورىنباسارى الداعى ۋاقىتتا ەكىجاقتى قارىم-قاتىناستىڭ دامي تۇسەتىنىنە سەنىم بىلدىردى.
بۇدان باسقا ماۋلەن اشىمباەۆ دال قازىر قازاقستاندىقتاردىڭ تاريحي كەزەڭدى باستان وتكەرىپ جاتقانىنا نازار اۋدارىپ, نۇرسۇلتان نازارباەۆ قازاقستان پرەزيدەنتى رەتىندەگى وكىلەتتىگىن توقتاتقانىمەن, Nur Otan پارتييا­سىنىڭ توراعاسى بولىپ قالا بەرەتىنىن جەتكىزدى.
– بىزدىڭ پارتييا ەلباسىمىز ايقىنداپ بەرگەن ەلىمىزدىڭ بارلىق ستراتەگييالىق ماق­ساتتارىنا قول جەتكىزۋ جولىنداعى جۇمىس­تارىن جالعاستىرا بەرەدى. سوندىقتان الداعى پرەزي­دەنت سايلاۋىنا بەلسەندى تۇردە قاتى­سامىز. كەلەسى اپتادا وتەتىن پارتييانىڭ كە­زەكتەن تىس XIX سەزىندە سايلاۋعا قاتىساتىن كانديدا­تىمىزدى ۇسىنامىز. Nur Otan سايلاۋدىڭ اشىق ارى ادىل وتۋىنە جانە بارلىق دەموكراتييا­لىق نورمالاردىڭ ساقتالۋىنا مۇددەلى. ويتكەنى بۇل بيلىك ساباقتاستىعىن قامتاماسىز ەتەتىن تەتىكتەردىڭ بىرى بولىپ سانالادى, – دەدى ماۋلەن اشىمباەۆ.
سونىمەن بىرگە, Nur Otan پارتيياسى توراعاسىنىڭ بىرىنشى ورىنباسارى ساي­لاۋالدى ۇگىت-ناسيحات جۇمىستارى قازاقستان رەسپۋبلي­كاسىنىڭ سايلاۋ تۋرالى زاڭىنا جانە حالىقارالىق تالاپتارعا سايكەس جۇرگىزىلەتىنىن ايتىپ, پارتييانىڭ بۇل ىستە حالىقارالىق باقىلاۋشىلارمەن بىرلەسىپ جۇمىس ىستەۋگە دايىن ەكەنىن جەتكىزدى.
وز كەزەگىندە ەقىۇ دەموكراتييالىق ينستيتۋتتار جانە ادام قۇقىقتارى جونىندەگى بيۋروسىنىڭ سايلاۋ جونىندەگى كەڭەسشىسى راديۆويا گرۋيچ ەلىمىزگە قازاقستاننىڭ سىرتقى ىستەر مينيسترلىگىنىڭ ۇسىنىسى بويىنشا كەلگەندەرىن ايتتى.
– بىز مۇندا سايلاۋعا قاتىستى كەيبىر تالاپتارعا باعالاۋ جۇمىستارىن جۇرگىزىپ, الداعى ساياسي ناۋقانعا دايىندىقتىڭ قازىرگى دەڭگەيىن باعامدايمىز. سونداي-اق ۇيىمنىڭ اتىنان سايلاۋعا باقىلاۋشىلار جىبەرۋ ىسىن پىسىقتاپ, قازاقستاننىڭ بىرقاتار مەملە­كەتتىك ورگاندارىمەن, بۇقارالىق اقپارات قۇرالدارىمەن جانە ساياسي پارتييا وكىلدەرىمەن كەزدەسۋلەر وتكىزەمىز, – دەدى راديۆويا گرۋيچ.
سونداي-اق ەقىۇ وكىلى الداعى ۋاقىتتا Nur Otan پارتيياسىنىڭ جۇمىسى قاي باعىتتا وربيتىنىن سۇرادى. بۇل ساۋالعا جاۋاپ بەرگەن پارتييا توراعاسىنىڭ بىرىنشى ورىنباسارى ەڭ الدىمەن Nur Otan قازاقستاننىڭ تۇڭعىش پرەزيدەنتىنىڭ ساياساتىن ارى قاراي جالعاس­تىرىپ, بيلىك ساباقتاستىعىنىڭ بەيبىت جول­مەن جۇرگىزىلۋىنە باسىمدىق بەرەتىنىن ايتتى.
– ەلباسى ساياساتىنىڭ نەگىزىندە ەل دامۋى­نىڭ نەگىزگى باسىمدىقتارى انىق كورسەتىلگەن. بىرىنشى باسىمدىق – نارىقتىق ەكونوميكانى دامىتۋ. قازىردىڭ وزىندە بىز بۇل باعىتتا كوپتەگەن جەتىستىكتەرگە قول جەتكىزدىك. ەكىنشى باسىمدىق – الەۋمەتتىك ساياسات. تۇڭعىش پرەزيدەنتىمىز ۇنەمى وسى سالاعا ايرىقشا مان بەرىپ, حالىقتىڭ ال-اۋقاتىن ارتتىرۋعا ارنالعان ەلىمىزدىڭ الەۋمەتتىك دوكتريناسىن قالىپتاستىرىپ بەردى. ۇشىنشى باسىمدىق – ەلىمىزدە بەيبىتشىلىك پەن كەلىسىمدى قامتاماسىز ەتۋ. بۇل – كوپۇلتتى جانە گەوساياسي جاعدايى كۇردەلى قازاقستان ۇشىن اسا ماڭىزدى سالا. كەلەسى باسىمدىق – ەلىمىزدىڭ كوپۆەكتورلى سىرتقى ساياساتىن جۇيەلى تۇردە جۇرگىزۋ. پارتييامىز ەلباسى انىقتاپ بەرگەن وسىنداي باسىمدىقتاردى ارى قاراي جالعاستىرىپ, ولاردىڭ ساقتالۋى ۇشىن جۇمىس ىستەيدى, – دەدى ماۋلەن اشىمباەۆ.
سونىمەن قاتار ول قازاقستاننىڭ الدىندا تۇرعان باستى ماقسات – الەمنىڭ ەڭ دامىعان 30 ەلىنىڭ قاتارىنا قوسىلۋ ەكەنىنە نازار اۋدارىپ, بۇل پارتييا جۇمىسىنىڭ دا نەگىزگى باسىمدىعى بولىپ قالا بەرەتىنىن ايتتى.
– ەڭ دامىعان ەلدەرمەن بىرگە ەكونومي­كالىق ىنتىماقتاستىق جانە دامۋ ۇيىمى ەلدەرىنىڭ قاتارىنا قوسىلۋ دا – ەلىمىزدىڭ نەگىزگى ماقساتتارىنىڭ بىرى. وسى باعىتتاعى باسىمدىقتار پارتييانىڭ جاڭا باعدارلاما­سىندا انىق كورسەتىلگەن. اتالعان مىندەتتەر بىزدىڭ سايلاۋالدى ناۋقان كەزىندەگى جۇمىسى­مىزدا دا باستى نازاردا بولادى, – دەدى Nur Otan پارتيياسى توراعاسىنىڭ بىرىنشى ورىنباسارى.
ايتا كەتەيىك, ەۋروپاداعى قاۋىپسىزدىك جانە ىنتىماقتاستىق ۇيىمى – ساياسي ديالوگقا ارنالعان حالىقارالىق ۇيىم. نەگىزگى ماقساتى — جەتىلدىرىلگەن باسقارۋ مەن دەموكراتييالىق ۇردىس نەگىزىندەگى ايماقتىق تىنىشتىق پەن قاۋىپسىزدىكتى قامتاماسىز ەتۋ. ۇيىمنىڭ قۇرامىندا از ۇلتتاردىڭ ىسى جونىندەگى 9 جو­عارعى كوميسسار, دەموكرا­تييالىق ينستيتۋتتار مەن ادام قۇقىقتارى جونىندەگى بيۋرو جانە پارلامەنتتىك اسسامبلەيا بار. قازاقستان بۇل ۇيىمعا 1992 جىلى مۇشە بولدى. ال 2010 جىلى ەلىمىز ۇيىمعا توراعالىق ەتىپ, الەمدىك دەڭ­گەيدەگى وزەكتى ماسەلەلەردىڭ وڭ شەشىلۋىنە ىقپالىن تيگىزدى.

ەلامان قوڭىر

بولىسۋ: